YouTube redesign: ప్రపంచ వ్యాప్తంగా కోట్లాది మంది ఉపయోగించే ప్రముఖ వీడియో స్ట్రీమింగ్ ప్లాట్‌ఫాం యూట్యూబ్ (YouTube), తన మొబైల్ యాప్ యూజర్ల కోసం ఒక సరికొత్త, భారీ రీడిజైన్‌ను తీసుకువచ్చింది. దశాబ్ద కాలంగా వస్తున్న పాత ఇంటర్‌ఫేస్‌కు స్వస్తి పలుకుతూ, ఇప్పుడు ‘షార్ట్స్’, క్రియేషన్‌కు ఎక్కువ ప్రాధాన్యత ఇస్తూ సరికొత్త లేఅవుట్‌ను పరిచయం చేసింది. ముఖ్యంగా.. దిగువన ఉండే నావిగేషన్ బార్‌లో కీలక మార్పులు చేస్తూ.. కేవలం 4-బటన్లతో కూడిన కొత్త డిజైన్‌ను అందుబాటులోకి తెచ్చింది. దీనికి సంబంధించిన పూర్తి విశేషాలు ఇప్పుడు చూద్దాం..
సోషల్ మీడియా, వీడియో కంటెంట్ రంగంలో.. ఎప్పటికప్పుడు కొత్త మార్పులు తీసుకొచ్చే యూట్యూబ్, తాజాగా ఆండ్రాయిడ్ , ఐఓఎస్ మొబైల్ యాప్ యూజర్ల కోసం ఒక బిగ్ అప్‌డేట్‌ను రోల్ అవుట్ చేసింది. ఈ లేటెస్ట్ అప్‌డేట్ ప్రకారం యూట్యూబ్ మొబైల్ యాప్ లుక్ పూర్తిగా మారిపోయింది. షార్ట్స్ వీడియోలకు క్రేజ్ పెరుగుతున్న ఈ తరుణంలో, కంపెనీ తన ప్లాట్‌ఫామ్‌ను మరింత ట్రెండీగా మార్చేందుకు ఈ కీలక నిర్ణయం తీసుకుంది.
సాధారణంగా మనం ఇంతవరకు యూ ట్యూబ్ యాప్ ఓపెన్ చేయగానే కింద భాగంలో హోమ్, షార్ట్స్, క్రియేట్, సబ్‌స్క్రిప్షన్స్ , లైబ్రరీ/ప్రొఫైల్ ఇలా ఐదు ఆప్షన్లతో నావిగేషన్ బార్‌ను చూసేవాళ్లం. అయితే.. తాజా రీడిజైన్ ప్రకారం యూట్యూబ్ దీన్ని 4-బటన్ల లేఅవుట్‌గా కుదించింది. ఇప్పుడు కొత్త బార్‌లో కేవలం హోమ్ , షార్ట్స్, క్రియేట్ , ప్రొఫైల్/యూ అనే నాల్గె ఆప్షన్లు మాత్రమే కనిపిస్తాయి.
ఈ కొత్త డిజైన్‌లో యూజర్లు అత్యంత ఎక్కువగా ఉపయోగించే ‘సబ్‌స్క్రిప్షన్స్’ట్యాబ్‌ను దిగువ ప్రధాన నావిగేషన్ బార్ నుంచి తొలగించడం విశేషం. పాత పద్ధతికి అలవాటు పడిన కొంత మంది యూజర్లు ఈ మార్పు పట్ల మిశ్రమంగా స్పందిస్తున్నప్పటికీ , కంపెనీ మాత్రం షార్ట్స్ , వీడియో క్రియేషన్‌కు ఎక్కువ ప్రయారిటీ ఇవ్వాలనే.. ఉద్దేశంతో ఈ డిజైన్ మార్పును తెచ్చినట్లు స్పష్టమవుతోంది. సబ్‌స్క్రిప్షన్ ఫీడ్‌ను యాక్సెస్ చేయడానికి ఇతర మార్గాలను అప్‌డేట్ చేశారు.
ప్రస్తుత డిజిటల్ ట్రెండ్‌లో.. చిన్న వీడియోల హవా నడుస్తోంది. టిక్‌ టాక్, ఇన్‌స్టా రీల్స్‌తో పోటీ పడేందుకు యూట్యూబ్ తన షార్ట్స్ ఫీచర్‌ను మరింత ముందుకు తీసుకువెళుతోంది. మొబైల్ యాప్ ఓపెన్ చేయగానే.. యూజర్లు ఈజీగా షార్ట్స్ ఫీడ్‌లోకి వెళ్లేలా నావిగేషన్ బార్‌లో.. దీనికి ప్రత్యేకమైన ,ప్రముఖ స్థానం కల్పించారు. దీని వల్ల క్రియేటర్లకు వ్యూస్ పెరిగే.. అవకాశం ఉండగా..యూజర్లకు ఎంటర్టైన్మెంట్ లభిస్తుంది.
ఈ కొత్త అప్‌డేట్‌తో పాటు యూ ట్యూబ్ యూజర్ల కోసం మరి కొన్ని ఆసక్తికరమైన ఫీచర్లను కూడా పరిచయం చేస్తోంది. యూజర్లు తమ స్వంత సహజ భాషను ఉపయోగించి.. తమకు నచ్చిన కస్టమ్ ఫీడ్స్‌ను క్రియేట్ చేసుకునే అవకాశాన్ని తీసుకువస్తున్నారు. దీని ద్వారా హోమ్ పేజీలో.. మనకు నచ్చిన కంటెంట్ మాత్రమే మరింత స్పష్టంగా కనిపించేలా కస్టమైజ్ చేసుకోవచ్చు.
Also Read: రూ.17వేలలోపు ట్యాబ్..అదిరిపోయే ఫీచర్లతో లాంచ్
ప్రస్తుత గూగుల్ అప్‌డేట్లు, డిస్కవరి గైడ్‌లైన్స్‌కు అనుగుణంగా టెక్నాలజీ ప్రపంచంలో.. వస్తున్న ఈ మార్పులు యూజర్లను ఎంతగానో ఆకట్టుకుంటున్నాయి. యాప్ ఇంటర్‌ఫేస్‌ను.. మరింత క్లీన్‌గా, మోడర్న్‌గా మార్చాలనే ఉద్దేశంతో తెచ్చిన ఈ రీడిజైన్ క్రమంగా అందరి యూజర్ల ఫోన్లకు చేరుకుంటోంది. ప్రారంభంలో.. ఈ మార్పు కొద్దిగా కొత్తగా అనిపించినప్పటికీ, రోజువారీ వాడకంలో ఇది మరింత ఈజీగా ఉంటుందని.. టెక్ నిపుణులు భావిస్తున్నారు.
యూట్యూబ్ తెచ్చిన..ఈ కొత్త 4-బటన్ నావిగేషన్ , షార్ట్స్ సెంట్రిక్ రీడిజైన్ మొబైల్ యూజర్ల ఫీల్ పూర్తిగా మార్చనుంది. మీరు కూడా మీ ఫోన్‌లోని..యూట్యూబ్ యాప్‌ను అప్‌డేట్ చేసుకుని..ఈ కొత్త ఫీచర్లను వెంటనే ఆస్వాదించండి!
Share
2028లో అమెరికాను ఏలేది ఎవరు? ట్రంప్ స్థానంలో ఈ ముగ్గురిలో ఒకరా?
అప్పుడే ఓటీటీలోకి రాబోతున్న జెన్ జీ మెచ్చిన మూవీ.. ఏది? ఎక్కడంటే?
