iPhone 17 Pro GPT-5 | ఆపిల్ త్వరలో ఐఫోన్ 17 సిరీస్‌ను లాంచ్ చేయనుంది, ఆకర్షణీయమైన కొత్త ఫీచర్‌లతో ఐఫోన్ 17 సిరీస్ లాంచ్ కోసం ప్రపంచవ్యాప్తంగా వినియోగదారులు ఆసక్తికరంగా ఎదురుచూస్తున్నారు. అయితే ఈ సిరీస్‌లో అతి ముఖ్యమైన ఫీచర్ ఓపెన్‌AI GPT-5 AI మోడల్ ఇంటిగ్రేషన్ అని స్వయంగా ఆపిల్ కంపెనీ ప్రకటించింది.
ఐఫోన్ 17 సిరీస్‌లో iOS 26, iPadOS 26, macOS తహో 26లలో GPT-5 AI మోడల్‌ను ఆపిల్ పరిశోధకులు ఇంటిగ్రేట్ చేస్తున్నారు. ఓపెన్‌AI కి చెందిన ఈ GPT-5 మోడల్ మునుపటి వెర్షన్‌ల కంటే మెరుగైన కోడింగ్, కచ్చితత్వం, భద్రతను అందిస్తుంది. ప్రస్తుతం, ఆపిల్ ఇంటెలిజెన్స్ సిస్టమ్ చాట్ GPTను ఆప్షనల్ సర్వీస్ గా మాత్రమే ఉపయోగిస్తోంది. ఎందుకంటే ఆపిల్ లో ఇప్పటికే ఉన్న సిరి ఏఐని యూజర్లు ఉపయోగిస్తున్నారు. అయితే క్లిష్టమైన ప్రశ్నలకు సిరితో సమాధానం లభించనప్పుడు చాట్GPTతో పరిష్కరించవచ్చు. ఉదాహరణకు, ఒక ఫోటో లేదా డాక్యుమెంట్‌ను గుర్తించడానికి కష్టంగా భావించినప్పుడు యూజర్లు సెట్టింగ్స్‌లో చాట్GPTను ఆన్ చేయాలి.
ఆపిల్ ఇంటెలిజెన్స్ టెక్స్ట్ రాయడం, సవరించడం, సమ్మరైజ్ చేయడం, ప్రూఫ్ రీడింగ్‌ చేయడంలో సహాయపడుతుంది. స్మార్ట్ రిప్లై ఫీచర్ సందేశాలకు త్వరగా సమాధానం ఇవ్వడానికి సహాయపడుతుంది. ఇది ప్రపంచవ్యాప్తంగా వివిధ భాషలను సపోర్ట్ చేస్తుంది. క్లీన్ అప్ ఫీచర్ ఫోటోల నుండి అవాంఛిత వస్తువులను తొలగిస్తుంది. ఇమేజ్ ప్లేగ్రౌండ్ ఫీచర్ క్రియేటివిటీ ఫొటోలను రూపొందించడానికి అనుమతిస్తుంది. జెన్‌మోజీ ఫీచర్ కెమెరా ద్వారా కస్టమ్ ఎమోజీలను సృష్టించడానికి సహాయపడుతుంది. ఈ AI ఫీచర్స్ వినియోగదారుల చుట్టూ ఉన్న వాతావరణాన్ని మెరుగ్గా అర్థం చేసుకోవడానికి సహాయపడతాయి.
ఐఫోన్ 17 సిరీస్ సెప్టెంబర్ 9, 2025న ప్రపంచవ్యాప్తంగా లాంచ్ అవుతుంది. ఈ సిరీస్‌లో నాలుగు మోడల్స్ ఉంటాయి. ఐఫోన్ 17, ఐఫోన్ 17 ఎయిర్, ఐఫోన్ 17 ప్రో, ఐఫోన్ 17 ప్రో మాక్స్. భారతదేశంలో ఐఫోన్ 17 బేస్ మోడల్ ధర ₹89,999, ఇది 8GB RAM మరియు 128GB స్టోరేజ్‌తో వస్తుంది. ఈ ఫోన్ వైట్, పర్పుల్, లైట్ బ్లూ, గ్రీన్, గ్రే, బ్లాక్ రంగులలో లభిస్తుంది.
ఐఫోన్ 17లో డ్యూయల్ రియర్ కెమెరా సిస్టమ్ ఉంది: 48MP ప్రధాన లెన్స్ 12MP అల్ట్రా-వైడ్ సెన్సార్. సెల్ఫీల కోసం పాత 12MP ఫ్రంట్ కెమెరాను 24MP కొత్త కెమెరాతో భర్తీ చేస్తున్నారు. డిజైన్‌లో పెద్దగా మార్పులు లేవని లీక్‌లు సూచిస్తున్నాయి. డిస్‌ప్లే 6.3 ఇంచెస్‌తో 120Hz ప్రోమోషన్ స్క్రీన్‌ను కలిగి ఉంటుంది.
ఐఫోన్ 17 ఆపిల్ A18 ప్రాసెసర్‌ను ఉపయోగిస్తుంది, ఇది ఐఫోన్ 16లో కూడా ఉంది. కొత్త ఫీచర్‌లను చేర్చడానికి ఖర్చు తగ్గించేందుకు ఈ ప్రాసెసర్‌ను ఎంచుకున్నారు. ఫోన్ iOS 26తో నడుస్తుంది, ఇది లిక్విడ్ గ్లాస్ థీమ్‌ను కలిగి ఉంటుంది. బ్యాటరీ సామర్థ్యం 3500mAh, మరియు 25W మ్యాగ్‌సేఫ్ వైర్‌లెస్ ఛార్జర్ సపోర్ట్‌తో వస్తుంది.
ఫోన్ 17 సిరీస్ పవర్ ఫుల్ హార్డ్‌వేర్, GPT-5 AI మోడల్‌తో వస్తుంది. ఈ అప్‌గ్రేడ్ ఆపిల్ పరికరాలలో AI ఇంటరాక్షన్‌ను మెరుగుపరుస్తుంది, యూజర్లకు అద్భుతమైన అనుభవాన్ని అందిస్తుంది. కొత్త కెమెరా, డిస్‌ప్లే, AI ఫీచర్స్ ఈ ఫోన్‌ను ఆకర్షణీయమైన ఎంపికగా చేస్తాయి.
Also Read: Caviar iphone: అత్యంత ఖరీదైన ఐఫోన్.. రూ.42 లక్షలు ధర.. కొనుగోలు చేయడం అసాధ్యమే?
Share
Railways: రైల్వే ప్రాజెక్టులపై దృష్టి.. అవన్నీ జరిగితే ఏపీకి తిరుగుండదు
Allu Arjun: విమానాశ్రయంలో బన్నీకి ఘోర అవమానం.. అసలేం జరిగిందంటే?
