Online Shopping : ప్రస్తుతం ఆఫర్ల సీజన్‌, పండగ సేల్ నడుస్తోంది. ప్రముఖ ఇ- కామర్స్‌ సంస్థలు అదిరే ఆఫర్లతో వినియోగదారులకు కావాల్సిన ప్రొడక్ట్స్ను అందుబాటులో ఉంచారు. ఇప్పటికే చాలా మంది తాము కొనాల్సిన ప్రొడక్టులను కార్ట్‌లో యాడ్‌ చేసుకొని కొనుగోలు చేస్తున్నారు.
అయితే వాస్తవానికి కొన్ని వస్తువుల ధరలను, ఈ ఆఫర్ల సేల్స్కు ముందుగానే పెంచేసి ఆ తర్వాత ఈ సేల్స్లో తక్కువ ధరకే అందిస్తున్నట్లు ప్రకటిస్తుంటారు. ఇది తెలియని కొంతమంది వినియోగదారులు, ఆఫర్‌ సమయంలో సదరు ప్రొడక్ట్ తక్కువ ధరకే వచ్చేస్తున్నట్లు, దానినే వారు కొనేసినట్లు సంబరపడిపోతుంటారు. అందుకే ఫలానా వస్తువు అసలు ధరెంత? ఏ సమయంలో తక్కువ ధరకు అమ్మారు? అసలు ప్రస్తుతం తగ్గింపు ధరతోనే అమ్ముతున్నారా? ఈ విషయాలన్నీ తెలుసుకోవడం చాలా ముఖ్యం. వాటిని ప్రైస్ హిస్టరీ ద్వారా తెలుసుకోవాలి. మరి ఆ ప్రైస్ హిస్టరీ ఎలా చూడాలి అంటే?
యాప్‌ సాయంతో – ఇ- కామర్స్‌ ప్లాట్‌ఫామ్‌లలో ఏదైనా వస్తువును సెర్చ్ చేసినప్పుడు అక్కడే దాని ప్రైస్ హిస్టరీని కూడా తెలుసుకోవచ్చు. ఇందుకోసం యాప్‌ బయటకు వచ్చి చూడాల్సిన అవసరం లేదు. దీని కోసం మొబైల్‌లో ప్రైస్ హిస్టరీ ఆన్‌లైన్‌ షాపింగ్‌ యాప్‌ Buyhatkeను డౌన్‌ లోడ్‌ చేయాలి. ఏ ప్లాట్‌ ఫామ్‌లో అయినా సరే కావల్సిన వస్తువుపై క్లిక్ చేసి దాని పక్కనే ఉన్న షేర్‌ ఆప్షన్‌పై నొక్కాలి. అప్పుడు ముందుగా ఇన్‌స్టాల్‌ చేసిన Buyhatke యాప్‌ కనపడుతుంది. దాన్ని ఎంచుకోవాలి. దీంతో యాప్‌ నుంచి బయటకు రాకుండానే అక్కడే ఓ పాప్‌అప్‌ ఓపెన్ అవుతుంది.
ALSO READ : గూగుల్‌ స్టోరేజీ నిండిపోయిందా? – ఇలా చేస్తే డబ్బులు కట్టకుండానే స్టోరేజీ పెంచుకోవచ్చు!
అందులో సదరు ప్రొడక్ట్ ప్రైస్ హిస్టరీ ఎంచక్కా కనిపిస్తుంది. దాని గరిష్ఠ ధర ఎంత, కనిష్ఠ ధర ఎంత, ఎప్పుడెప్పుడు ఆ వస్తువు ధర తగ్గింది? ఎంత తగ్గింది? ఇలా అన్ని విషయాలు అక్కడే ఉన్న ఓ చార్ట్‌లో కనిపిస్తాయి. అలానే రానున్న రోజుల్లో ఈ వస్తువు ధర తగ్గే ఛాన్స్ ఉందా? అనే విషయం కూడా కనిపిస్తుంది. ఇంకా ఇతర ప్లాట్‌ఫామ్‌లలో ఆ ప్రొడక్ట్ ధర ఎంతుంది అనేది కూడా COMPAREలో తెలుసుకోవచ్చు. ఇంకా మనకు కావాల్సిన వస్తువు ధర తగ్గిందని తెలుసుకునేందుకు కూడా అక్కడే ఉన్న అలర్ట్‌ను సెట్‌ చేసుకునే వెసులుబాటు ఉంటుంది.
వెబ్‌సైట్‌ సాయంతో కూడా తెలుసుకోవచ్చు – ఇంకా ఏ ఇ- కామర్స్‌ ప్లాట్‌ఫామ్‌లోని ప్రొడక్ట్స్ ధరనైనా pricehistoryapp.comలో వెతకొచ్చు. ఇందుకోసం కావాల్సిన వస్తువు లింక్‌ను ప్రైజ్‌ హిస్టరీ వెబ్‌సైట్‌లోని సెర్చ్ బార్‌లో టైప్ చేయాలి. అంతే ధరలు వివరాలు మొత్తం కనిపిస్తాయి. వస్తువు ధర ఎప్పుడు ఎంతుందనేది కూడా తెలుస్తుంది.
ఎక్స్‌టెన్షన్‌తోనూ తెలుసుకోవచ్చు – ఎక్స్‌టెన్షన్‌ సాయంతోనూ ప్రైస్ హిస్టరీని చూడొచ్చు. అమెజాన్లో keepa ఎక్స్‌టెన్షన్‌ ద్వారా తెలుస్తుంది. ఈ ఎక్స్‌టెన్షన్‌ను బ్రౌజర్‌కు యాడ్‌ చేసి, ఆ తర్వాత ప్రొడక్ట్‌ను ఓపెన్ చేసి కిందకు స్క్రోల్‌ చేస్తే ఓ చార్ట్‌ కనిపిస్తుంది. అందులో ఏ రోజు ఎంత ధర ఉంది అనే పక్కాగా తెలుసుకోవచ్చు.
అదే ఫ్లిప్‌ కార్ట్‌లో అయితే PRICE HISTORY అనే ఎక్స్‌టెన్షన్‌ను బ్రౌజర్‌కు యాడ్‌ చేయాలి. అమెజాన్లో కనపడినట్టే ఇక్కడ కూడా ప్రైస్ చార్ట్‌ దర్శనమిస్తుంది.
Share
Mohammed Shami: మహమ్మద్ షమీది దొంగ ప్రేమ..మాజీ భార్య హాసిన్ సంచలనం!
Anupama Parameswaran: చేప కళ్ల సుందరి అనుపమ.. బ్లాక్ డ్రెస్లో అదరగొట్టేస్తున్న మల్లూ బ్యూటీ
