Instagram Data Transfer : ప్రస్తుతం సోషల్ మీడియా యుగంలో ఉన్న సంగతి తెలిసిందే. ఎక్స్ (ట్విట్టర్), ఫేస్ బుక్, ఇన్ స్టాగ్రామ్ ఇలా ప్రపంచంలో ఏ మూల ఏం జరిగినా క్షణంలో అది అరచేతిలో ప్రత్యక్షమవుతోంది. అయితే వీటిలో ఇన్ స్టా మరింత బాగా ప్రాచుర్యం పొందిన సంగతి తెలిసిందే. దీనికి యూత్ బాగా కనెక్ట్ అయింది. ఎందుకంటే ఇన్ స్టాతో లాభాలే అందుకు కారణం.
ఇన్స్టాగ్రామ్ అతి తక్కువ కాలంలోనే యవతకు తేలికగా చేరువైంది. ఎందుకంటే కొంత మంది తమ ట్యాలెంట్ నిరూపించుకునేందుకు దీనిని వినియోగిస్తుండగా, మరి కొందరు సమాచారాన్ని చేరవేయడానికి, ఇంకొందరు ఎంటర్టైన్మెంట్ కోసం రీల్స్ చేయడం, చూడటం చేస్తుంటారు. వీటిని చూస్తూ ఎంజాయ్ చేస్తూ కామెంట్లు, లైక్స్ ఇస్తుంటారు. ముఖ్యంగా తమ అభిరుచులు, నైపుణ్యాలకు పదును పెడుతూ, వాటిని ఎక్కువగా ఈ ఇన్స్టా వేదికగా ప్రదర్శిస్తూ తమ ప్రతిభను చాటుకుంటున్నారు. అలానే లక్షల్లో ఫ్యాన్ ఫాలోయింగ్నూ సొంతం చేసుకుంటున్నారు.
అలానే ఈ ఇన్స్టాగ్రామ్ మెసేజ్ అప్లికేషన్లానూ ఉపయోగపడుతుంది. ఇతరులతో చాట్ కూడా చేయొచ్చు. ముఖ్యమైన ఇన్ఫర్మేషన్ లేదా ఇతర సమాచారాన్ని షేర్ చేసుకోవచ్చు. అయితే కొన్ని సందర్భాల్లో యూజర్స్ ఇన్ స్టా నుంచి బ్రేక్ తీసుకోవాలనో లేదా పర్మినెంట్గా అకౌండ్ డిలీట్ చేయాలనో అనుకుంటారు. అలాంటప్పుడు మన ఖాతాలోని చాట్స్, పోస్టులు, స్టోరీస్ లేదా ఇంకేమైనా ముఖ్యమైన సమాచారం పోతుందనే భయం యూజర్స్కు ఉంటుంది. దాన్ని ఎలా సేవ్ చేయాలో అనే ఆలోచన, సందేహం కూడా ఉంటుంది.
అయితే ఇకపై అలాంటి టెన్షన్ ఏమీ అక్కర్లేదు. ఇన్ స్టాలో ఓ హ్యాండీ ఫీచర్ ఉంటుంది. ఆ ఫీచర్ తో మీ అకౌంట్ డేటా, అలానే మెమరీస్, యాక్టివిటీని డౌన్లోడ్ చేసుకోవచ్చు. అది కూడా పెద్దగా ఎటువంటి మార్పులు లేకుండానే. ఈ ఫీచర్ ను ఎలా యాక్టివేట్ చేయాలి అనే విషయం స్టెప్ బై స్టెప్ తెలుసుకుందాం.
స్టెప్ 1 : మీ ఫోన్లో ఇన్స్టా గ్రామ్ ఓపెన్ చేయాలి.
స్టెప్ 2 : ప్రొఫైల్ పేజీలోకి వెళ్లి రైట్ కార్నర్లో ఉన్న మూడు డాట్లపైన ట్యాప్ చేయాలి.
స్టెప్ 3 : పాప్ అప్ మెనూలోని యువర్ యాక్టివిటీపై క్లిక్ చేయాలి.
స్టెప్ 4 : కిందకీ స్క్రోల్ చేసి డౌన్లోడ్ యువర్ ఇన్ఫర్మేషన్పై క్లిక్ చేయాలి.
స్టెప్ 5 : డౌన్లోడ్ లేదా ట్రాన్స్ఫర్ ఇన్ఫర్మేషన్పై ట్యాప్ చేసి, మీకు కావాల్సిన ఇన్ఫర్మేషన్ను సెలెక్ట్ చేసుకోవాలి.
స్టెప్ 6 : మెసేజెస్, కంటెంట్ లేదా ఇతర సమాచారాన్ని సేవ్ చేసుకుని, నెక్ట్స్పై క్లిక్ చేయాలి.
స్టెప్ 7 : అప్పుడు మీ డివైస్లోకి డౌన్లోడ్ చేసుకోవచ్చు, లేదంటే క్లౌడ్ స్టోరేజ్కు ట్రాన్స్ఫర్ చేసుకోవచ్చు.
స్టెప్ 8 : అలానే డేట్ రేంజ్ కూడా సెలెక్ట్ చేసుకోని, ఈమెయిల్ ఐడీ యాడ్ చేసుకోవాలి. కావాల్సిన మీ డేటా ఫార్మాట్, మీడియా ఫైల్స్ను సెలెక్ట్ చేసుకోవాలి. తర్వాత క్రియేట్ ఫైల్స్పై ట్యాప్ చేయాలి.
ఇప్పుడు Download to device ను ఎంచుకుంటే ఫైల్స్ అన్నీ డౌన్ లోడ్ మోడ్ లో కనిపిస్తాయి. ఇప్పుడు వాటిని డౌన్లోడ్ చేసుకుంటే మీ డౌన్లోడ్స్ లో సేవ్ అయిపోతాయి. లేదా ఈ డేటాను క్లౌడ్ లో స్టోర్ చేసుకోవచ్చు. ఇప్పుడు ఈ డేటా అంతా మీ ఈ మెయిల్ లో సేవ్ అయిపోతుంది.
Share
Sarangapani Jathakam Teaser: కుమారీ ఆంటీలాగా అమాయకంగా ఉండే ప్రియదర్శి.. ఇలా తయ్యారయ్యాడేంటి?
RAPO22: జంట బావుంది.. హిట్ కూడా పడితే బావుంటుంది మరీ..
