iQOO Smartphone: స్మార్ట్‌ఫోన్ ప్రియులకు iQOO బ్రాండ్ గురించి ప్రత్యేకంగా చెప్పక్కర్లేదు. తక్కువ ధరలో మంచి పర్ఫార్మెన్స్ ఇచ్చే ఫోన్లను లాంచ్ చేయడంలో ఈ కంపెనీ ఎప్పుడూ ముందుంటుంది. ఇప్పుడు ఐకూ 16 సిరీస్‌పై ఇప్పటికే మార్కెట్లో మంచి హైప్ ఉంది. అయితే అందరూ దీని కోసమే వెయిట్ చేస్తుంటే.. ఐకూ సైలెంట్‌గా మరో పవర్‌ఫుల్ ఫోన్‌ను రెడీ చేస్తోంది. దీనికి సంబంధించిన లీకులు చూస్తుంటే వినియోగదారుల మైండ్ బ్లాక్ అవ్వడం గ్యారెంటీ అనిపిస్తోంది. ముఖ్యంగా ఈ ఫోన్ బ్యాటరీ, ప్రాసెసర్ చూసి టెక్ నిపుణులు కూడా షాక్ అవుతున్నారు.
ఈ కొత్త ఐకూ ఫోన్ చూడటానికి చాలా స్టైలిష్‌గా ఉండబోతోంది. దీనిలో 6.83 అంగుళాల పెద్ద డిస్‌ప్లేను ఇస్తున్నారు. ఇది ఫ్లాట్ స్క్రీన్ కాబట్టి.. గేమింగ్ ఆడేవారికి, సినిమాలు చూసేవారికి చాలా కంఫర్ట్‌గా ఉంటుంది. 2K రిజల్యూషన్ వల్ల స్క్రీన్ మీద బొమ్మలు చాలా షార్ప్‌గా, రియలిస్టిక్‌గా కనిపిస్తాయి.
ఇక సెక్యూరిటీ కోసం స్క్రీన్ లోపలే ఫింగర్‌ప్రింట్ సెన్సార్ ఉండబోతోంది. మెటల్ ఫ్రేమ్‌తో వస్తోంది కాబట్టి.. ఫోన్ చేతిలో పట్టుకుంటే మంచి ప్రీమియం ఫీల్ ఇస్తుంది. అంతేకాదు.. వానలో తడిసినా, దుమ్ముతో నిండిపోయినా ఏమీ కాకుండా దీనికి వాటర్ రెసిస్టెంట్ ఫీచర్ కూడా ఇస్తున్నారు.
Also Read: iPhone 17 Pro కొనాలనుకుంటున్నారా? భారీగా ధర తగ్గింది, ఇలా కొట్టేయండి బాస్!
ఫోన్ స్పీడ్ విషయంలో ఐకూ ఎప్పుడూ కాంప్రమైజ్ అవ్వదు. అందుకే దీనిలో మీడియాటెక్ నుంచి వస్తున్న టాప్ ఎండ్ డైమెన్సిటీ 9500 చిప్‌సెట్‌ను వాడుతున్నారు. దీంతో ఎన్ని యాప్స్ వాడినా, ఎంత పెద్ద గేమ్స్ ఆడినా ఫోన్ అస్సలు హ్యాంగ్ అవ్వదన్నమాట. ఇక ఫొటొల కోసం ఈ ఫోన్‌లో ఏకంగా 200MP మెయిన్ కెమెరా ఉండొచ్చని టాక్. అదే కనుక నిజమైతే.. ఫొటోలు కెమెరా క్వాలిటీతో రావడం ఖాయం.
ఈ ఫోన్ గురించి అందరూ మాట్లాడుకోవడానికి మెయిన్ రీజన్ దీని బ్యాటరీనే. దీనిలో ఏకంగా 8,000mAh భారీ బ్యాటరీని పెడుతున్నారు. దీనిని ఒక్కసారి ఫుల్ ఛార్జ్ చేస్తే.. రెండు మూడు రోజుల వరకు వాడుకోవచ్చు. అయితే ఈ ఫోన్ మే నెలలో చైనాలో లాంచ్ అయ్యే అవకాశం ఉంది. భారతదేశంలో విడుదల గురించి కంపెనీ నుంచి ఇంకా అఫీషియల్ అప్‌డేట్ రాలేదు.
Also Read: ఏసీ వాడకపోయినా కరెంటు బిల్లు అమాంతం పెరుగుతోందా? అసలు కారణం ఈ 6 వస్తువులే!
Share
మీరు Airtel యూజర్లా? ఈ సరికొత్త చీపెస్ట్ ప్లాన్స్ తెలుసుకోండి.. డబ్బులు ఊరికే రావు కదా!
తెలంగాణలో పలువురు ఐపీఎస్ అధికారుల బదిలీలు.. తదుపరి డీజీపీగా సీవీ ఆనంద్‌?
