Mobiles Launching in Nov 2025: నవంబర్ 2025 నెల టెక్నాలజీ ప్రపంచంలో పెద్ద చర్చనీయాంశంగా మారబోతోంది. ఎందుకంటే ఈ నెలలో అనేక ప్రముఖ మొబైల్ కంపెనీలు తమ కొత్త స్మార్ట్‌ఫోన్లను భారత మార్కెట్‌లోకి తీసుకురావడానికి సిద్ధమవుతున్నాయి. ముఖ్యంగా వివో, రెడ్‌మి, రియల్‌మి వంటి ప్రముఖ బ్రాండ్లు కొత్త మోడల్స్‌తో పోటీలోకి దిగుతున్నాయి. ఈ ఫోన్ల ఫీచర్లు, పనితీరు, ధరలపై ఇప్పటికే టెక్ వెబ్‌సైట్లలో చర్చలు మొదలయ్యాయి. ఈ నవంబర్‌లో ఏమేం ఫోన్లు వస్తున్నాయో, వాటి ప్రత్యేకతలు ఏంటో చూద్దాం.
Vivo T5 5G – రూ.23,990
మొదటగా వివో కంపెనీ నుంచి రాబోతున్న వివో టి5 5జి ఫోన్ గురించి మాట్లాడుకుందాం. ఈ పోన్ భారత మార్కెట్లో సుమారు రూ.23,990 ఉంటుందని టాక్. ఈ ఫోన్ స్నాప్‌డ్రాగన్ 7ఎస్ జెన్4 ప్రాసెసర్‌తో వస్తుందని సమాచారం. అంటే పనితీరు పరంగా చాలా శక్తివంతంగా ఉండబోతోంది. గేమింగ్, వీడియో ఎడిటింగ్ లేదా మల్టీటాస్కింగ్ పనుల్లో కూడా ఇది సాఫీగా పనిచేస్తుంది. డిస్‌ప్లే విషయానికి వస్తే 1080 x 2400 పిక్సెల్స్ రిజల్యూషన్‌తో కూడిన ఫుల్ హెచ్‌డి ప్లస్ స్క్రీన్ కలిగి ఉండనుంది. అంటే వీడియోలు, సినిమాలు, గేమ్స్ అన్నీ క్వాలిటీగా కనిపిస్తాయి. స్టోరేజ్ విషయానికి వస్తే 128జిబి ఇంటర్నల్ మెమరీతో వస్తుందని సమాచారం. 5జి సపోర్ట్ ఉండటం వల్ల ఇంటర్నెట్ వేగం కూడా చాలా బాగుంటుంది. మొత్తం మీద మధ్యస్థ బడ్జెట్‌లో ఆకర్షణీయమైన ఆప్షన్‌గా వివో టి5 5జి నిలవబోతోంది.
Vivo T4 Ultra – రూ. 30,000
ఇదే సిరీస్‌లో మరో మోడల్ వివో టి4 అల్ట్రా. ఇది రూ. 30,000 లోపల వచ్చే అత్యుత్తమ ఫోన్‌లలో ఒకటిగా భావిస్తున్నారు. ఈ ఫోన్ ఫోటో, వీడియో క్వాలిటీ విషయంలో ప్రత్యేకంగా రూపొందించబడిందని టెక్ నిపుణులు చెబుతున్నారు. కెమెరా సెటప్‌లో అధునాతన సెన్సార్‌లు ఉండే అవకాశం ఉంది. ఫాస్ట్ చార్జింగ్ టెక్నాలజీతో పాటు స్లిమ్ డిజైన్ కూడా దీని ప్రత్యేకత. వివో ఎప్పటిలాగే సెల్ఫీ కెమెరాలోనూ అద్భుతమైన నాణ్యత అందించబోతోందని ఊహిస్తున్నారు.
Xiaomi Redmi Turbo 4 Pro – రూ.23,990
ఇప్పుడు రెడ్‌మీ వైపు వస్తే, స్మార్ట్‌ప్రిక్స్ లిస్టింగ్స్ ప్రకారం షియోమి రెడ్‌మి టర్బో 4 ప్రో కూడా నవంబర్‌లో లాంచ్ అయ్యే అవకాశం ఉండొచ్చు. దీని ధర కూడా సుమారు రూ. 23,990 ఉంటుంది. ఈ ఫోన్ ముఖ్యంగా పనితీరు మరియు బ్యాటరీ లైఫ్ పరంగా కొత్త రికార్డులు సృష్టించబోతోందని అంటున్నారు. ఇందులో 1280 x 2772 పిక్సెల్ రిజల్యూషన్‌తో కూడిన డిస్‌ప్లే ఉండబోతోంది. స్క్రీన్ క్లారిటీ, బ్రైట్‌నెస్ రెండూ హై లెవెల్‌లో ఉంటాయి. ఈ ఫోన్‌లో 7550 mAh భారీ బ్యాటరీ ఉంది. 90W ఫాస్ట్ చార్జింగ్ సపోర్ట్ కూడా ఉంది. అంటే కేవలం కొద్ది నిమిషాల చార్జ్‌తో గంటల తరబడి వాడుకోవచ్చు. గేమింగ్ ప్రేమికులకు, ఎక్కువ టైం మొబైల్ వాడేవారికి ఇది సరైన ఎంపిక అవుతుంది.
Also Read: BMW 7 Series 2026: ఒకసారి కూర్చుంటే లగ్జరీలో మునిగిపోతారు.. బిఎండబ్ల్యూ 7 సిరీస్ 2026 రివ్యూ
Vivo V40e – రూ.24,999
ఇక వివో నుంచి మరో ఫోన్ వివో వి40ఈ కూడా చర్చలో ఉంది. ఈ ఫోన్‌ను క్రోమా తమ లిస్టులో ప్రస్తావించింది. ఈ ఫోన్ ధర కూడా చాలా తక్కువ. ఇది రూ.24,999 ఉంటుందని టాక్. దీని ముఖ్యమైన ఫీచర్ సెల్ఫీ కెమెరా. సెల్ఫీ ప్రియుల కోసం ప్రత్యేకంగా రూపొందించబడిన ఈ మోడల్‌లో అధిక రిజల్యూషన్ ఫ్రంట్ కెమెరా ఉండబోతోంది. ఫోటో నాణ్యత విషయంలో వివో ఎప్పుడూ రాజీ పడదు కాబట్టి ఇది కూడా ఆ స్థాయిని కొనసాగించే అవకాశం ఉంది. అదనంగా అమోలేడ్ డిస్‌ప్లే, ఫాస్ట్ చార్జింగ్ సదుపాయం, స్లిమ్ డిజైన్ వంటి అంశాలు ఈ ఫోన్‌ను యువతలో హిట్ చేస్తాయి.
Realme 14 Pro 5G – రూ.26,990
రియల్‌మీ కంపెనీ కూడా వెనుకబడి ఉండదు. నవంబర్‌లో రియల్‌మీ 14 ప్రో 5జీ అనే కొత్త మోడల్‌ను విడుదల చేసే అవకాశం ఉంది. క్రోమ్ లిస్టింగ్ ప్రకారం ఇది ఆధునిక 5G ప్రాసెసర్‌తో వస్తుందని చెబుతున్నారు. ఈ ఫోన్‌లో 120Hz రిఫ్రెష్‌రేట్ ఉన్న డిస్‌ప్లే ఉండవచ్చని సమాచారం. అంటే స్క్రోలింగ్, గేమింగ్, వీడియో ప్లేబ్యాక్ అన్నీ బటర్ స్మూత్ అనుభవాన్ని ఇస్తాయి. రియల్‌మీ ఎప్పటిలాగే వేగం, స్టైల్, ప్రదర్శనలో కాంప్రమైజ్ చేయదు. ఫాస్ట్ చార్జింగ్ బ్యాటరీతో ఇది రోజువారీ వినియోగదారుల కోసం మంచి ఆప్షన్‌గా నిలుస్తుంది.
నవంబర్ నెల ఫోన్ ప్రేమికులకి పండుగే
ప్రతి కంపెనీ తన ప్రత్యేకతను చూపించడానికి సిద్ధంగా ఉంది. వివో తన కెమెరా నాణ్యతతో, రెడ్‌మీ తన శక్తివంతమైన బ్యాటరీతో, రియల్‌మీ తన వేగవంతమైన ప్రదర్శనతో పోటీని మరింత ఉత్కంఠభరితంగా మార్చబోతోంది. ఈ ఫోన్లు విడుదలైన వెంటనే మార్కెట్లో పెద్ద స్పందన రావడం ఖాయం. ప్రతి యూజర్ అవసరాన్ని దృష్టిలో ఉంచుకుని రూపొందించిన ఈ కొత్త మోడల్స్, టెక్ ప్రపంచంలో కొత్త రకమైన పోటీని తెస్తాయి. నవంబర్ నెల ఫోన్ ప్రేమికులకి పండుగే కానుంది.
Share
Navjot -MS Dhoni: పెళ్లి తర్వాత ధోని ఎన‌ర్జీ డౌన్‌... సిద్ధూది మాత్రం ఏ రేంజ్‌.. పోస్ట్ వైర‌ల్‌
Jeera Water: రాత్రి పూట జీలకర్ర నీరు తాగితే.. ఈ వ్యాధులన్నీ పరార్
