Upcoming Smartphones May 2024 : దేశంలో స్మార్ట్‌ఫోన్ల వినియోగం భారీగా పెరిగింది. స్మార్ట్ఫోన్ వినియోగంలో దేశం ప్రపంచ దేశాల సరసన చేరింది. అమెరికా, చైనా తర్వాత దేశంలోనే అత్యధికం స్మార్ట్‌ఫోన్లు అమ్ముడవుతున్నాయి. దీన్ని బట్టే అర్థం చేసుకోవచ్చు.. దేశంలో స్మార్ట్ఫోన్ వాడకం ఏ రేంజ్‌లో ఉందో? అతిపెద్ద స్మార్ట్ఫోన్ మార్కెట్ ఉన్న దేశంలో ప్రతి నెలలో మొబైల్ లవర్స్‌ను కొత్తకొత్త ఫోన్లు పలకరిస్తున్నాయి. అనేక మార్పులతో స్మార్ట్‌ఫోన్స్ మార్కెట్‌ను ముంచెత్తుతున్నాయి. ఈ క్రమంలో మే నెలలో కొత్త ఫోన్లు లాంచ్ అయే అవకాశం ఉంది. వాటి గురించి పూర్తి వివరాలు తెలుసుకోండి.
ఏప్రిల్ ముగిసి మే నెల ప్రారంభమైంది. ఈ నెలలో చాలా శక్తివంతమైన ఫోన్లు రీలీజ్ కానున్నాయి. వీటిలో కొన్ని ఫోన్‌ల లాంచ్ డేట్ కూడా ప్రకటించాయి. మరికొన్ని కంపెనీలు కొన్ని ఇప్పటికే టీజ్ చేశాయి. Samsung, Vivo, iQOO వంటి బ్రాండ్‌లు మేలో అనేక ఫోన్‌లను విడుదల చేయబోతున్నాయి.
Also Read : వన్‌ప్లస్ ఫోన్లపై ఆఫర్లే ఆఫర్లు.. ఒక్కో వేరియంట్‌పై వేలల్లో డిస్కౌంట్!
Vivo V30e
Vivo తన V30 సిరీస్‌కి మరో కొత్త 5G స్మార్ట్‌ఫోన్‌ను రిలీజ్ చేయనుంది. Vivo V30e స్మార్ట్ఫోన్ ఈ సిరీస్‌లో మే 2 న విడుదల కానుంది. ఇందుకోసం కంపెనీ సైట్‌లో సమాచారం కూడా ఇచ్చింది. ఇది వెల్వెట్ రెడ్, సిల్క్ బ్లూ రంగులలో భారతదేశంలో లాంచ్ కానుంది. అదే సమయంలో 50MP ప్రైమరీ కెమెరా ఇందులో చూడొచ్చు. ఇది ఫాస్ట్ ఛార్జింగ్ సపోర్ట్‌తో 5,500 mAh బ్యాటరీతో వస్తుంది.
Samsung Galaxy F55
సామ్‌సంగ్ తన ఎఫ్ సిరీస్‌ను తీసుకురావాలని భావిస్తోంది. ఈ ఫోన్ లాంచ్‌కు ముందే కంపెనీ టీజ్ చేసింది. విశేషమేమిటంటే ఈసారి కంపెనీ దీనిని వేగన్ లెదర్ ఫినిషింగ్‌తో లాంచ్ చేస్తోంది. అయితే ఇది 5,000 mAh బ్యాటరీతో 45 వాట్ ఛార్జింగ్ సపోర్ట్‌తో వస్తుంది. పవర్‌ఫుల్ Qualcomm చిప్‌సెట్‌ను ఇందులో చూడొచ్చు. స్నాప్‌డ్రాగన్ 7 Gen 1 ప్రాసెసర్ ఫోన్‌లో ఉండొచ్చు.
iQOO Z9x
iQoo శక్తివంతమైన చిప్‌సెట్‌తో ఇటీవలే చైనీస్ మార్కెట్లో విడుదల చేశారు. దీనిని భారతదేశంలో కూడా రిలీజ్ చేసే అవకాశం ఉంది.ఈ ఫోన్ లాంచ్ తేదీని వెల్లడించలేదు. స్పెక్స్ గురించి మాట్లాడితే ఇది 6,000 mAh బ్యాటరీని కలిగి ఉంటుంది. 44w ఫాస్ట్ ఛార్జింగ్‌తో 12 GB RAM+256 GB స్టోరేజ్‌కు సపోర్ట్ ఇస్తుంది.
Also Read : ఐఫోన్ కొనాలని చూస్తున్నారా తమ్ముళ్లూ.. అయితే మే 2 న రెడీగా ఉండండి.. ఐఫోన్లపై భారీ డిస్కౌంట్!
Infinix GT 20 Pro
గేమింగ్ ప్రియులను దృష్టిలో ఉంచుకుని Infinix ఈ ఫోన్‌ను చైనాలో విడుదల చేసింది. ఈ ఫోన్ MediaTek Dimensity 8200 Ultimateలో పని చేస్తుంది. ఇది 108-మెగాపిక్సెల్ ప్రైమరీ కెమెరాను కలిగి ఉంది. ప్రస్తుతం భారతదేశంలో లాంచ్‌కు సంబంధించి ఎటువంటి అప్‌డేట్ లేదు. అయితే కంపెనీ దీనిని త్వరలో దేశంలో విడుదల చేయవచ్చు.
Share
Covishield Health Risk: కోవిషీల్డ్ వ్యాక్సిన్ వల్ల గుండెపోటు? మీరు భయపడాల్సిన అవసరం ఉందా.?
Vijayashanthi counter to KCR: తగ్గేది లేదు.. రాజీనామాకు కేసీఆర్ సిద్ధమేనా?
