Tiny Mobile Prisoners| ఈ బుల్లి ఫోన్‌ని చూశారా?. దీన్ని చిన్న సైజులో తయారుచేయడానికి ఒక ప్రత్యేకత ఉంది. దొంగచాటుగా ఫోన్ చేసి నేరాలు చేయడానికి ఉపయోగించడానికే దీన్ని ఉపయోగిస్తున్నారు. ఫ్రాన్స్ జైళ్లలో ఖైదీలు వీటిని విచ్చలవిడిగా వాడుతున్నారు. సాధారణ పరిమితులు దాటి, డ్రగ్ డీలింగ్, కాంట్రాక్ట్ హత్యల వంటి నేరాలు చేసే మాఫియా గ్యాంగ్స్‌కు చెందిన ఖైదీలు.. జైలు నుంచే తమ దందా నడిపించడానికి ఈ ఫోన్లు సులభతరం చేశాయి.
ఈ విషయం బయటికి రావడంతో ఫ్రాన్స్ లో జైళ్ల నిర్వహణపై తీవ్ర విమర్శలు వెల్లువెత్తాయి. ఫ్రెంచ్ జైళ్లలో నిబంధనల అమలు సరిగా లేకపోవడం, ఖైదీలకు సౌకర్యాల హద్దులు దాటి లభించడం వంటి అంశాలపై ప్రజలు మండిపడుతున్నారు. దీనికి ప్రత్యామ్నాయంగా ‘ప్రిజన్ బ్రేక్’ పేరుతో మంగళవారం దేశవ్యాప్తంగా 66 జైళ్లలో ఏకకాలంలో తనిఖీలు నిర్వహించారు. ఈ తనిఖీల్లో వేలాది బుల్లి ఫోన్లు పట్టుబడ్డాయి. ఇవి చైనా పీసులుగా తయారై, సిగరెట్ లైటర్ పరిమాణంలో ఉండే ఫోన్లుగా అధికారులు గుర్తించారు.
ఇలాంటి ఫోన్లు ఎలాంటి ఎలక్ట్రానిక్ స్కానర్లకు చిక్కకపోవడం ద్వారా ఖైదీల చేతికి చేరుతున్నాయి. లోతుగా విచారణ చేయగా.. ఆపొరిటిక్‌ అనే ఫ్రెంచి కంపెనీ వీటిని విక్రయిస్తోందని తేలింది. అంతేకాక, జైళ్ల తనిఖీల్లో ఈ ఫోన్లు కనిపించకుండా తప్పించగలవని ఆ సంస్థ సొంత వెబ్‌సైట్‌లో బాహాటంగా ప్రచారం చేస్తోంది. దీనిపై స్పందించిన ఫ్రెంచ్ ప్రభుత్వం ఆ కంపెనీని బ్లాక్‌లిస్టులో చేర్చింది.
జైలు నుంచి తప్పించుకున్న 10 ఖైదీలు
మరోవైపు అమెరికాలో కూడా జైళ్ల భద్రతపై ఉత్కంఠ రేపే ఘటన జరిగింది. న్యూ ఓర్లాన్స్‌లోని ఓ జైలులో 10 మంది ఖైదీలు పారిపోయారు. శుక్రవారం అర్ధరాత్రి ఒంటి గంట సమయంలో ఖైదీలు ఒక సెల్‌లోని టాయిలెట్ వెనుక రంధ్రం చేసి బయటకు వెళ్లారు. గోడ ఎక్కి సమీప రహదారి వైపు పారిపోయారు. ఇప్పటివరకు ఇద్దరిని మాత్రమే పోలీసులు పట్టుకోగా, మిగతా 8 మంది ఇంకా పరారీలో ఉన్నారు.
జైలు సిబ్బంది సహకారంతోనే ఈ పరారీ జరిగిందని అధికారులు చెబుతున్నారు. ఖైదీల్లో కొంతమంది హంతకులుగా గుర్తించబడ్డారు. ప్రజలు అప్రమత్తంగా ఉండాలని, పోలీసు శాఖ ఖైదీల కోసం గాలింపులు చేపట్టిందని అధికారులు తెలిపారు.
Share
Jyoti Malhotra : ఆ సుఖం కోసం.. పాక్‌కి సీక్రెట్స్.. ఛీ ఛీ యూట్యూబర్ జ్యోతి
Lord Krishna: శ్రీకృష్ణుడి గుండె ఇంకా భూమి పైనే ఉందా?
