Vivo V30e Sale Started: స్మార్ట్ఫోన్ మార్కెట్లో వివోకు ప్రత్యేక స్థానం ఉంది. దేశంలో వివోకు ఫ్యాన్స్ భారీగానే ఉంటారు. Vivo ఇటీవల భారతీయ వినియోగదారుల కోసం Vivo V30eని విడుదల చేసింది. ఈ డివైజ్ మే 2న భారత మార్కెట్లో లాంచ్ చేశారు. ఈ ఫోన్లో 5500mAh బ్యాటరీ, 8GB RAM, 50MP కెమెరా ఉన్నాయి. ప్రస్తుతం ఈ మొబైల్ను కంపెనీ సేల్కు తీసుకొచ్చింది. ఈ రోజు నుండి అంటే మే 9 నుండి ఈ ఫోన్ను కోనుగోలు చేయవచ్చు. ఈ ఫోన్ ఫీచర్లు, ధర తదితర విషయాలను తెలుసుకోండి.
Vivo V30e ధర..
Vivo V30e అనేది V30 సిరీస్లో మూడవ స్మార్ట్ఫోన్. ఇది కెమెరా ఆధారిత స్మార్ట్ఫోన్. ఇందులో 2x ప్రొఫెషనల్ పోర్ట్రెయిట్ మోడ్ను అందించారు. Vivo V30e ధర రూ. 27,999 నుండి ప్రారంభమవుతుంది. ఇది రెండు వేరియంట్లలో వస్తుంది. ఫోన్ 8GB + 128GB వేరియంట్ ధర రూ.27,999గా నిర్ణయించారు. 8GB + 256GB వేరియంట్ ధర రూ.29,999గా ఉంచారు.
Also Read: రూ. 2వేల కంటే తక్కువ ధరకే బ్రాండెడ్ ఇయర్బడ్స్.. బేస్ అదిరిపోద్ది!
Vivo V30e ఆఫర్లు..
Vivo V30e స్మార్ట్ఫోన్పై ఆఫర్లు కూడా అందుబాటులో ఉన్నాయి. HDFC, ICICI, SBI క్రెడిట్/ డెబిట్ కార్డ్ పూర్తి స్వైప్ లేదా EMI లావాదేవీలతో ఈ ఫోన్ కొనుగోలు చేయడం ద్వారా మీరు రూ. 3,000 వరకు ఆదా చేయవచ్చు. ఈ స్మార్ట్ఫోన్ను ఫ్లిప్కార్ట్, వివో ఈస్టోర్ ద్వారా కొనుగోలు చేయవచ్చు. Vivo V30e సిల్క్ బ్లూ, వెల్వెట్ రెడ్ రంగులలో అందుబాటులో ఉంది.
Vivo V30e స్పెసిఫికేషన్లు..
Vivo V30e స్పెసిఫికేషన్ల విషయానికి వస్తే ఇందులో 6.78-అంగుళాల AMOLED డిస్ప్లేను కలిగి ఉంది. ఇది 120Hz రిఫ్రెష్ రేట్తో వస్తుంది. అలానే 1300నిట్స్ పీక్ బ్రైట్నెస్కు సపోర్ట్ ఇస్తుంది. SGS తక్కువ ఫ్లికర్ సర్టిఫికేషన్, SGS తక్కువ బ్లూ లైట్ సర్టిఫికేషన్తో ఈ ఫోన్ లభిస్తుంది. ఫోన్లో Qualcomm Snapdragon 6 Gen 1 ప్రాసెసర్ ఉంది. ఇది Adreno 710 GPU, 8GB RAM+ 256GB స్టోరేజ్.
Also Read: రూ.15వేలకే 11000mAh బ్యాటరీ, 64MP కెమెరా స్మార్ట్ఫోన్.. త్వరలో లాంచ్!
ఈ ఫోన్లో 50MP Sony IMX882 సెన్సార్, 8MP అల్ట్రా-వైడ్-యాంగిల్ లెన్స్, ఆప్టికల్ ఇమేజ్ స్టెబిలైజేషన్తో కూడిన Auralight ఫ్లాష్ ఉన్నాయి. ముందు భాగంలో 50MP షూటర్ ఉంది. ఈ మొబైల్ 5,500mAh బ్యాటరీతో వస్తుంది. ఇది 44W FlashCharge ఫాస్ట్ ఛార్జింగ్, USB టైప్-C పోర్ట్కు సపోర్ట్ ఉంటుంది.