WhatsApp IPhone| ప్రపంచవ్యాప్తంగా 3.5 బిలియన్ల మంది ఉపయోగించే ఒక ప్రముఖ మెసేజింగ్ యాప్ అయిన వాట్సాప్.. జూన్ 1, 2025 నుంచి పాత స్మార్ట్‌ఫోన్లకు సపోర్ట్ నిలిపివేయనుంది. మెటా కంపెనీకి చెందిన ఈ యాప్, పాత ఆపరేటింగ్ సిస్టమ్స్‌ను ఉపయోగించే ఐఫోన్, ఆండ్రాయిడ్ ఫోన్లలో ఇకపై పనిచేయదు. కొత్త ఫీచర్లు, భద్రతా అప్‌డేట్‌లను అందించడానికి, యాప్ పనితీరును మెరుగుపరచడానికి ఈ నిర్ణయం తీసుకుంది.
సపోర్ట్ నిలిపివేయడానికి కారణాలివే..
వాట్సాప్‌ను కొత్త టెక్నాలజీతో నడపడానికి, పాత ఆపరేటింగ్ సిస్టమ్స్ అడ్డంకిగా ఉన్నాయి. ఈ పాత వెర్షన్లు కొత్త అప్‌డేట్‌లను సమర్థవంతంగా నిర్వహించలేవు. మొదట మే 2025 వరకు మద్దతు ఉంటుందని చెప్పినప్పటికీ, యూజర్లకు సమయం ఇవ్వడానికి ఈ తేదీని జూన్ 1కి పొడిగించారు.
ఏ ఐఫోన్లు ప్రభావితమవుతాయి?
ఐఓఎస్ 15 లేదా అంతకంటే పాత వెర్షన్‌లను ఉపయోగించే ఐఫోన్లలో వాట్సాప్ పనిచేయదు. ఈ జాబితాలో ఉన్న ఫోన్లు:
మీ ఫోన్ ఐఓఎస్ 16 లేదా అంతకంటే కొత్త వెర్షన్‌కు అప్డేట్ కాకపోతే, జూన్ 1 నుంచి వాట్సాప్‌ను ఉపయోగించలేరు.
ఏ ఆండ్రాయిడ్ ఫోన్లలో పనిచేయందంటే..
ఆండ్రాయిడ్ 5.0 లేదా అంతకంటే పాత వెర్షన్‌లను ఉపయోగించే ఫోన్లలో వాట్సాప్ ఆగిపోతుంది. ఈ జాబితాలో ఉన్న ఫోన్లు:
మీ ఫోన్ ఈ జాబితాలో ఉంటే లేదా పాత ఆపరేటింగ్ సిస్టమ్‌ను ఉపయోగిస్తుంటే, వెంటనే ఈ చర్యలు తీసుకోండి:
కొత్త ఫోన్‌కు మారండి: ఐఓఎస్ 16+ లేదా ఆండ్రాయిడ్ 6.0+ సపోర్ట్ చేసే స్మార్ట్‌ఫోన్ కొనండి.
చాట్ బ్యాకప్ తీసుకోండి:
వాట్సాప్‌లో సెట్టింగ్స్ > చాట్స్ > చాట్ బ్యాకప్‌కు వెళ్లండి.
ఐక్లౌడ్ (ఐఫోన్) లేదా గూగుల్ డ్రైవ్ (ఆండ్రాయిడ్)లో మీ చాట్స్, ఫోటోలు, వీడియోలను బ్యాకప్ చేయడానికి “బ్యాకప్ నౌ” ఎంచుకోండి.
కొత్త ఫోన్‌లో రిస్టోర్ చేయండి: కొత్త ఫోన్ లో చాట్ ని క్లౌడ్ నుంచి రిస్టోర్ చేయండి.
ఒకే స్టేటస్‌లో ఆరు ఫొటోలు పెట్టుకునే కొత్త వాట్సాప్ ఫీచర్!
వాట్సాప్ యూజర్ల కోసం కొత్త ఫీచర్‌ను విడుదల చేసింది. ఇప్పటివరకు స్టేటస్‌లో ఒక్కోసారి ఒక్క ఫొటో మాత్రమే పెట్టేందుకు అవకాశం ఉండేది. కానీ ఇప్పుడు ఒకే స్టేటస్‌లో గరిష్టంగా ఆరు ఫొటోలు పెట్టుకునే అవకాశం అందుబాటులోకి వచ్చింది. ఈ ఫీచర్‌ను మే 30న విడుదల చేసింది.
ఈ కొత్త ఫీచర్‌లో యూజర్లు తమ ఫోటోలను ఒకే ఫ్రేమ్‌లో సెట్‌ చేసుకునేలా లేఅవుట్లు ఉన్నాయి. అవసరమైతే మ్యూజిక్, స్టిక్కర్లు కూడా జత చేయొచ్చు. “యాడ్ యువర్స్” అనే కొత్త ఆప్షన్‌తో ఫోటోలను స్టేటస్‌కు జోడించుకోవచ్చు. అలాగే, ఎడిటింగ్ టూల్స్‌ సాయంతో ఫోటోలను సౌకర్యంగా అలంకరించుకోవచ్చు.
తమ భావాలను సృజనాత్మకంగా వ్యక్తీకరించడానికి ఈ ఫీచర్ ఎంతో ఉపయోగపడుతుంది. కొత్త ఫీచర్ ఉపయోగించాలంటే ప్లే స్టోర్‌ లేదా యాప్ స్టోర్‌ నుంచి వాట్సాప్‌ను అప్డేట్ చేసుకోవాలి.
ఇప్పుడు ఒకే స్టేటస్‌లో గుర్తులు, వేడుకలు, జ్ఞాపకాలను మరింత అందంగా పంచుకోవచ్చు!
Share
Big TV Kissik Talks: వారి వల్లే హోస్టింగ్ మానేశా.. నిజాలు బయటపెట్టిన మానస్!
MI VS PBKS: విలన్ గా మారిన 'అహ్మదాబాద్'.. వణికిపోతున్న ముంబై
