Google Doodle Pays Tribute To Hamida Banu: భారతదేశపు మొట్టమొదటి ప్రొఫెషనల్ మహిళా రెజ్లర్‌గా పేరున్న భారతీయ రెజ్లర్ హమిదా బాను స్మారకార్థం మే 4, శనివారం నాడు గూగుల్ ఒక డూడుల్‌ను విడుదల చేసింది.
హమీదా బాను ఆమె కాలానికి ఒక ట్రయిల్‌బ్లేజర్, ఆమె నిర్భయత భారతదేశం అంతటా, ప్రపంచవ్యాప్తంగా గుర్తింపు పొందిందని.. ఆమె క్రీడా విజయాల వెలుపల, ఆమె నిజాయతి, నీతి, ఎదిగిన కొద్దీ ఒదగడం అనే దానితో సమాజం ఎల్లప్పుడూ హమీదా బానును గుర్తు చేసుకుంటుందని గూగుల్ డూడుల్‌తో కూడిన వివరణ ఇచ్చింది.
1954లో ఇదే రోజున జరిగిన రెజ్లింగ్ మ్యాచ్‌లో కేవలం 1 నిమిషం 34 సెకన్లలో విజయం సాధించి హమీదా బాను అంతర్జాతీయ గుర్తింపు తెచ్చుకుంది. ఆమె ప్రముఖ రెజ్లర్ బాబా పహల్వాన్‌ను ఓడించింది.
బెంగళూరుకు చెందిన అతిథి కళాకారిణి దివ్య నేగి చిత్రీకరించిన ఈ డూడుల్, భారతీయ రెజ్లర్ హమిదా బాను ముందుభాగంలో ‘గూగుల్’ అని వ్రాసి, చుట్టూ స్థానిక వృక్షజాలం, జంతుజాలంతో చిత్రించింది.
Also Read: NEET Exam 2024 : నేడు నీట్ ఎగ్జామ్.. విద్యార్థులూ ఈ పొరపాట్లు చేయకండి..
హమిదా బాను జీవితం
‘అమెజాన్ ఆఫ్ అలీఘర్’ అని కూడా ప్రసిద్ది గాంచిన హమీదా బాను 1900 ప్రారంభంలో ఉత్తరప్రదేశ్‌లోని అలీఘర్ సమీపంలో రెజ్లర్ల కుటుంబంలో జన్మించింది. ఆమె రెజ్లింగ్ కళను అభ్యసిస్తూ పెరిగింది. 1940, 1950లలో తన కెరీర్ మొత్తంలో 300కి పైగా పోటీల్లో విజయం సాధించింది.
కెరీర్
హమీదా బాను ప్రాబల్యం పొందే వరకు, ఆ సమయంలో ప్రబలంగా ఉన్న సామాజిక నిబంధనల ప్రకారం అథ్లెటిక్స్‌లో మహిళల భాగస్వామ్యాన్ని గట్టిగా నిరుత్సాహపరిచారు. అయితే, హమీదా బాను అంకితభావం ఆమెకు అనేక ప్రశంసలు అందజేసింది. ఆమె మగ మల్లయోధులను బహిరంగంగా సవాలు చేసింది. ఆమెను ఓడించడానికి మొదటి వ్యక్తితో పెళ్లికి కూడా పందెం వేసింది.
Also Read: HD Revanna Arrest: మహిళ కిడ్నాప్ కేసులో జేడీఎస్ ఎమ్మెల్యే హెచ్‌డీ రేవణ్ణ అరెస్ట్
హమీదా బాను పేరుతో అంతర్జాతీయ టైటిల్స్ రిజిస్టర్ చేశారు. ఆమె రష్యన్ రెజ్లర్ వెరా చిస్టిలిన్‌తో జరిగిన రెజ్లింగ్ మ్యాచ్‌లో రెండు నిమిషాల కంటే తక్కువ వ్యవధిలో గెలిచింది. ఆమె గెలిచిన బౌట్‌లతో హమీదా బాను పేరు ప్రతి ఇంటా మారుమోగింది. ఆమె తీసుకునే ఆహారం.. శిక్షణ నియమావళిని మీడియా విస్తృతంగా కవర్ చేసింది.
హమీదా బాను ఆహారం, ఎత్తు, బరువు
బాను తన కెరీర్‌లో గరిష్ట స్థాయికి చేరుకున్న సమయంలో ఆమె వ్యక్తిత్వం, ఆహారం విషయాలు మీడియాలో మారుమోగాయి. 108 కిలోల బరువు, 5 అడుగుల 3 అంగుళాల పొడవు ఉన్న హమీదా బాను రోజువారీ ఆహారంలో 5.6 లీటర్ల పాలు, 1.8 లీటర్ల పండ్ల రసం, 6 గుడ్లు, ఒక కోడి, 2.8 లీటర్ల సూప్, దాదాపు 1 కిలోల మటన్, బాదం, వెన్న, రెండు పెద్ద రొట్టెలు, రెండు ప్లేట్ల బిర్యానీ తప్పక ఉండేవి.
Share
TSRTC Good News: ప్రయాణికులకు టీఎస్ఆర్టీసీ గుడ్ న్యూస్.. వాటిపై ఛార్జీలుండవ్..!
CM Jagan Tadepalli House Vastu: జగన్ ఇంటికి వాస్తు దోషం..? ఐదేళ్లలో కనిపించలేదా.. లేక ఎన్నికల సమయంలో..?
