Pakistan vs Ireland Highlights T20 World Cup 2024: టీ 20 ప్రపంచకప్ లో నామమాత్రమైన ఆఖరి మ్యాచ్ పాకిస్తాన్ వర్సెస్ ఐర్లాండ్ మధ్య జరిగింది. చాలా ఆసక్తికరంగా సాగిన మ్యాచ్ లో పాకిస్తాన్ చిన్నజట్టుపై చివరి వరకు పోరాడి గెలిచింది. ఇక్కడ కూడా ఒక సంచలనం నమోదవుతుందని అంతా అనుకున్నారు. అయితే బాబర్ అజామ్ కెప్టెన్ ఇన్నింగ్స్ ఆడి టెయిల్ ఎండర్స్ తో కలిసి మ్యాచ్ ను గెలిపించి, బతుకు జీవుడా అని స్వదేశానికి బయలుదేరాడు.
టాస్ గెలిచిన పాకిస్తాన్ బౌలింగు తీసుకుంది. దీంతో మొదట బ్యాటింగుకి వచ్చిన ఐర్లాండ్ 20 ఓవర్లలో 9 వికెట్ల నష్టానికి 106 పరుగులు చేసింది. లక్ష్య ఛేదనలో పాకిస్తాన్ పడుతూ లేస్తూ 18.5 ఓవర్లలో 7 వికెట్ల నష్టానికి 111 పరుగులు చేసి.. విజయం సాధించింది.
107 పరుగుల లక్ష్యంతో బ్యాటింగ్ ప్రారంభించిన పాకిస్తాన్ ఆటగాళ్లలో నిరాశ నిస్ప్రహలు అలముకున్నాయి. సూపర్ 8కి చేరకపోవడంతో ఆ దేశ ప్రజలు, సీనియర్ల నుంచి వచ్చే నిరసనలు, అవమానాలు తట్టుకోలేక, లోలోపలే కుమిలిపోయినట్టు అంతా కనిపించారు. ఒక్కరి ముఖాల్లో సంతోష లేదు. అదే ఫీల్ తో బ్యాటింగ్ కి రావడం వల్ల వారి బ్యాటింగు తడబడుతూ ముందుకు సాగింది.
ఒక దశలో 11 ఓవర్లు గడిచేసరికి 62 పరుగులకి 6 వికెట్లు కోల్పోయి పీకల్లోతు కష్టాల్లో కూరుకుపోయింది. ఓపెనర్లు ఇద్దరు రిజ్వాన్, సాయిబ్ ఆయుబ్ ఇద్దరూ చెరో 17 పరుగులు చేసి అవుట్ అయ్యారు. తర్వాత జట్టు పేకమేడలా కూలిపోయింది.
Also Read: గౌతం గంభీర్ టీమ్ ఇండియా కోచ్.. ఇది ఫిక్స్ !
మొదట్లో పవర్ ప్లే ముగిసేసరికి 3 వికెట్ల నష్టానికి 52 పరుగులతో పటిష్టంగా కనిపించిన పాకిస్తాన్ తలరాత ఒక్కసారి మారిపోయింది. ఎట్టకేలకు కెప్టెన్ బాబర్ (32) బాధ్యతలను భుజాలపై వేసుకుని ఒంటరిపోరాటం చేశాడు. అబ్బాస్ ఆఫ్రిది (17), షహీన్ ఆఫ్రిది (13 నాటౌట్) సాయంతో జట్టుని గెలుపుతీరాలకు చేర్చాడు.
ఐర్లాండ్ బౌలింగులో మార్క్ అడైర్ 1, బార్రి 3, బెంజిమిన్ 1, కర్టిస్ 2 వికెట్లు పడగొట్టారు.
Share
West Bengal Train Accident : బెంగాల్‌లో ఘోర రైలు ప్రమాదం.. రెండు రైళ్లు ఢీ..గాల్లోకి లేచిన బోగీలు
Siemens ex MD comments ysrcp: వైసీపీపై సుమన్‌బోస్ కామెంట్స్, ఏపీ ప్రజలు నిజం చేశారంటూ..
