పైన కనిపించే ఫొటోలో యువకుడి వేషధారణ చూస్తే ఎవరైనా బొగ్గు గని కార్మికుడు అనుకుంటారు. నిజానికి ఆ యువకుడు పంట పొలాల కాపలాదారుడు. ఆదిలాబాద్ గ్రామీణ మండలంలోని లోహారి గ్రామానికి చెందిన ఈ యువకుడి పేరు పండర బొజ్జు. రాత్రి వేళల్లో వెళ్తున్నప్పుడు దారిలో పాములు, అడవి పందులతో ప్రమాదాలు ఎదుర్కొనేవాడు. పొలంలో జంతువుల అలికిడి వినిపిస్తున్నా.. వెళ్లి వాటిని చూద్దామంటే చేతిలో ఉన్న టార్చిలైటు వెలుగు సరిపోయేది కాదు.
ఈ సమస్యలను అధిగమించేందుకు సింగరేణి కార్మికులు గనుల్లో తలకు ధరించే బ్యాటరీ లైటు తరహాలో టార్చిలైటు తయారు చేసుకోవాలని ఆలోచించాడు. ఎలక్ట్రిక్ సామాన్లు అమ్మే షాపులో అవసరమైన వస్తువులు కొనుగోలు చేశాడు. ఎలా తయారు చేయాలో బొజ్జు.. షాపులోనే అడిగి తెలుసుకున్నాడు. తరువాత యూట్యూబ్లోనూ దానికి సంబంధించిన వీడియోలను చూసి ఎక్కువ వెలుగు వచ్చే బ్యాటరీ లైటును రూపొందించాడు. పగటి పూట ఛార్జింగ్ చేస్తే రాత్రంతా పని చేస్తుందని చెబుతున్నారు. అలా ఈ యువకుడు చీకట్లో పడిన ఇబ్బందులే.. వెలుగు కావాలన్న ఆలోచనకు పునాది వేశాయి.
Share
BRS Municipal Chairmans: బీఆర్ఎస్ కు మరో ఎదురుదెబ్బ.. నలుగురు మున్సిపల్ ఛైర్మన్లపై అవిశ్వాసం ?
AP Anganwadi Protest: సాయంత్రంలోగా విధుల్లోకి అంగన్వాడీలు? రాకపోతే ప్రభుత్వం ఏం చేస్తుంది?
