Solar Roof Cycling Track : హైదరాబాద్‌లో అంతర్జాతీయ ప్రమాణాలతో, ఎంతో ప్రతిష్టాత్మకంగా నిర్మించిన సోలార్ రూఫ్ సైకిల్ ట్రాక్‌పై గేదెలు తిరుగుతున్నాయి. మంత్రి కేటీఆర్‌ ప్రారంభించిన వారానికే సైకిల్ ట్రాక్ పర్యవేక్షణను అధికారులు గాలికి వదిలేశారు. ఇప్పుడు దాని పైకి గేదెల్ని వదిలారు వాటి యజమానులు. సైకిల్ ట్రాక్ మీద గేదెలు తిరుగుతున్న దృశ్యాలు సోషల్‌ మీడియాలో వైరల్‌గా మారడంతో.. సైకిల్ ట్రాక్‌పై బర్ల ప్యాషన్‌ షో అంటూ నెటిజన్లు సెటైర్లు వేస్తున్నారు.
మన తెలుగు రాష్ట్రాల్లో రోడ్లపైకి పశువుల్ని అడ్డదిడ్డంగా వదిలేయడం మామూలే అయినా.. ఏకంగా RS.100 కోట్ల ఖర్చుతో నిర్మించి, ప్రారంభించి వారం తిరక్కుండానే సైకిల్ ట్రాక్‌పై గేదెలు ప్రత్యక్షమవడంతో.. హైదరాబాదీలు ఆవేదన వ్యక్తం చేస్తున్నారు. కోట్లు ఖర్చు చేసి సైకిల్ ట్రాక్ నిర్మించింది దానిపైకి పశువుల్ని వదలేయడానికేనా? అని ప్రశ్నిస్తున్నారు. ప్రారంభోత్సవ సమయంలో సర్వాంగ సుందరంగా సైకిల్ ట్రాక్‌ను ముస్తాబు చేసిన అధికారులు.. ఆ తర్వాత పర్యవేక్షణను మాత్రం గాలికి వదిలేస్తారా? అని మండిపడుతున్నారు. సీసీ కెమెరాలతో 24 గంటలూ సైకిల్ ట్రాక్‌ను పర్యవేక్షిస్తామని చెప్పిన అధికారులు.. ఆ తర్వాత దానిని ఎందుకు పట్టించుకోవడం లేదని ఆగ్రహం వ్యక్తం చేస్తున్నారు.
Share
Newyork : వలసలతో న్యూయార్క్ విలవిల
China Top In Exports : ఎగుమతుల్లో డ్రాగన్ టాప్
