KCR Schemes: తెలంగాణ రాష్ట్ర ప్రభుత్వం అమలు చేస్తోన్న పథకాలపై ఇక నుంచి కేసీఆర్ పేరు కనిపించకూడదని నిర్ణయం తీసుకున్నారు. స్కీమ్ లలో కేసీఆర్ పేరుతో పాటు, పథకాల పంపిణీలో కేసీఆర్ ఫోటోలను కూడా తొలగించాలని ఉన్నతాధికారులకు ఆదేశాలిచ్చింది రాష్ట్ర ప్రభుత్వం. ప్రధానంగా హెల్త్, వెల్ఫేర్ శాఖలకు CMO ఆదేశాలు జారీ చేసింది. ఏయే స్కీమ్ లలో కేసీఆర్ వాడుతున్నారు..? ఏఏ పంపిణీ వస్తువులపై ఫోటోలు వినియోగిస్తున్నారు..? వంటి అంశాలపై ఆరా తీస్తున్నారు. పథకాలకు సంబంధించిన వివరాలను వెంటనే అందించాలని సంబంధిత డిపార్ట్‌మెంట్లకు ఉన్నతాధికారులు సూచించారు. వివిధ డిపార్ట్‌మెంట్ల నుంచి వచ్చిన నివేదికను ముఖ్యమంత్రికి వివరించిన తర్వాత అధికారికంగా ఉత్తర్వులు ఇవ్వనున్నట్లు తెలిసింది.
ప్రస్తుతం వైద్యారోగ్యశాఖ విభాగంలో కేసీఆర్ కిట్, న్యూట్రిషన్ కిట్, కేసీఆర్ అమ్మవడి వాహనాలు, కేసీఆర్ కంటి వెలుగు పథకాలు అమలవుతున్నాయి. ఈ పతకాల నుంచి వెంటనే కేసీఆర్ పేరుతో తొలగించాల్సిందేనని సీఎం రేవంత్‌రెడ్డి ఆదేశించినట్లు సమాచారం.వెల్ఫేర్ లోనూ కొన్ని పథకాలకు కేసీఆర్ బొమ్మలను ప్రచురించడమే కాకుండా సంబంధిత విభాగాల ఆన్ లైన్ పోర్టల్ లోనూ కేసీఆర్ పేరు, ఫోటోలు ఉన్నాయి. దీంతో వాటన్నింటినీ తక్షణమే తొలగించాలని రాష్ట్ర ప్రభుత్వం భావిస్తోంది. అయితే కేసీఆర్ పేరు తొలగించిన తర్వాత కొత్త పేర్లను పెట్టాలని కాంగ్రెస్ ప్రభుత్వం ఆలోచిస్తుందని అధికార వర్గాలు పేర్కొన్నాయి. ప్రభుత్వం నిర్ణయించిన పేర్లను ఆ స్కీమ్ లకు వర్తింపజేస్తామని స్పష్టం చేశారు.
.
.
Share
Train Derail: పట్టాలు తప్పిన ఎక్స్ ప్రెస్ రైలు.. రాజస్థాన్ లో ఘటన
INDW Vs AUSW : తొలి టీ 20లో.. అమ్మాయిల విజయం
