Cyber Fraud: హైదరాబాద్ నగరంలో సైబర్ నేరగాళ్లు రోజుకో కొత్త దారిన అమాయకులను, వ్యాపారులను ముంచేస్తున్నారు. ముఖం చూపించకుండా, ఒక్క ఫోన్ కాల్ కూడా మాట్లాడకుండానే లక్షల రూపాయలు కాజేస్తున్నారు. తాజాగా కాప్రా ప్రాంతంలో జరిగిన ఓ ఘోరమైన సైబర్ మోసం స్థానికంగా తీవ్ర కలకలం రేపింది. ఓ రియల్ ఎస్టేట్ వ్యాపారిని లక్ష్యంగా చేసుకున్న కేటుగాళ్లు, అతడికి తెలియకుండానే ఏకంగా రూ.30 లక్షలు నక్కేశారు.
హ్యాకింగ్‌తో మొదలైన స్కెచ్
కాప్రాకు చెందిన ఒక రియల్ ఎస్టేట్ వ్యాపారి ఫోన్‌ను సైబర్ నేరగాళ్లు అత్యంత తెలివిగా హ్యాక్ చేశారు. అనంతరం అతడి ప్రొఫైల్ ఫొటో ను దొంగిలించి, వేరొక నంబర్‌తో కొత్త వాట్సప్ ఖాతాను క్రియేట్ చేశారు. వ్యాపారి బిజినెస్ వ్యవహారాలన్నీ చూసుకునే అకౌంటెంట్‌కు ఈ కొత్త నంబర్ నుంచి మెసేజ్ పంపారు. అత్యవసరంగా డబ్బులు కావాలని, ఒక నిర్దిష్ట బ్యాంక్ ఖాతాకు వెంటనే రూ.30 లక్షలు ట్రాన్స్‌ఫర్ చేయాలని నమ్మించారు.
అకౌంటెంట్ తొందరపాటు.. తీరా చూస్తే షాక్!
వాట్సప్‌లో ఉన్నది తన యజమాని ఫొటోనే కావడం, సందేశం కూడా ఆయన పంపినట్లే ఉండటంతో అకౌంటెంట్ ఎలాంటి అనుమానం పడలేదు. వెంటనే కేటుగాళ్లు ఇచ్చిన నకిలీ బ్యాంక్ ఖాతాకు రూ.30 లక్షలు జమ చేశాడు. కొంత సమయం తర్వాత అసలు వ్యాపారితో మాట్లాడినప్పుడు కానీ తాను మోసపోయానని అకౌంటెంట్‌కు అర్థం కాలేదు.
కేసు నమోదు..
విషయం తెలుసుకున్న వ్యాపారి తీవ్ర దిగ్భ్రాంతికి గురయ్యాడు. బాధితుడి ఫిర్యాదు మేరకు కుషాయిగూడ పోలీసులు కేసు నమోదు చేసుకుని, ఆ ఆన్‌లైన్ దొంగల మూలాలను వెతికే పనిలో పడ్డారు. పరిచయం ఉన్న వ్యక్తుల నుంచి వాట్సప్‌లో డబ్బులు కోరుతూ మెసేజ్ వస్తే, ముందుగా కాల్ చేసి నిర్ధారించుకోవాలని పోలీసులు హెచ్చరిస్తున్నారు.
Also Read: క్షేత్రస్థాయికి వెళ్తే తెలుస్తుంది రైతుల తిప్పలేంటో!.. కాంగ్రెస్ సర్కార్‌పై బండి సంజయ్ మండిపాటు
Share
అభిషేక్ శర్మలా ఆడాలని పాకిస్తాన్ బ్యాటర్లు పగటి కలలు కంటున్నారు
ఎయిర్ ఇండియా, ఇండిగో విమానాలు రద్దు.. ప్రయాణికులు ఏం చేయాలంటే?
