సుప్రీంకోర్టులో కలకలం.. కోర్టు హాల్‌లోనే బోరుమన్న హైదరాబాద్ మహిళ!

Supreme Court: సుప్రీంకోర్టు చీఫ్ జస్టిస్ సూర్యకాంత్ ముందు హైదరాబాద్ కు చెందిన మహిళ కన్నీటి పర్యంతమయ్యారు. పదిహేనేళ్లుగా నరకం అనుభవిస్తున్నానని.. పిల్లలకు తిండిపెట్టి చదివించుకోలేని దీనస్థితిలో ఉన్నానని ఆమె ఆవేదన వ్యక్తం చేశారు. సహారా గ్రూప్​ ఆస్తుల క్రయవిక్రయాలకు సంబంధించిన కేసులో తన వాదనలు తానే వినిపించుకుంటా అని చెప్పిన ఆమె మెన్షన్​ సమయంలో ఒక్కసారిగా విలపించటం కలకలం రేపింది. ఒక మహిళకు మంగళసూత్రంకన్నా ఏదీ ముఖ్యం కాదు.. నేను ధరించానో చూడండి అంటూ తన మెడలోని మంగళసూత్రాన్ని ప్రధాన న్యాయమూర్తికి ఆమె చూపించింది.

మహిళ ఆవేదనపై స్పందించిన జస్టిస్​ సూర్యకాంత్​.. సుప్రీంకోర్టుకు రావటానికి ప్రయాణ ఖర్చులు వృధా చేసుకోవద్దని సూచించారు. ఆన్​ లైన్​ లో హాజరు కండి అని విజ్ఞప్తి చేశారు. ఎంతసేపైనా వాదనలు వింటామని.. ఇరుపక్షాల వాదనలు విన్న తరువాతే నిర్ణయం ఉంటుందని చెప్పారు. అయితే ఈ సూచనను ఆ మహిళ సున్నితంగా తిరస్కరించారు. తన జీవితం కంటే ఏదీ ముఖ్యం కాదని.. తదుపరి విచారణకు స్వయంగా వస్తానని చెప్పారు.

Also Read: సముద్రపు సొరచేపలు.. టెక్నాలజీకి గొప్ప వరం.. ఈ ఆవిష్కరణలు చూస్తే మైండ్ బ్లాకే!

దాంతో వచ్చే వారం ఈ కేసు విచారణ కోసం ఓ ప్రత్యేక ధర్మాసనాన్ని ఏర్పాటు చేయనున్నట్టు సీజే ప్రకటించారు. ఆ రోజున బోర్డు జాబితాలో ఈ కేసును మొదటి వరుసలో పెడతామన్నారు. ప్రత్యేక ధర్మాసనమే కేసు విచారణ జరుపుతుందని బాధిత మహిళకు భరోసా ఇచ్చారు.

Also Read: Whatsappలో కొత్త ఫీచర్.. ఇక మీ భార్య చేతిలో తన్నులు తినక్కర్లేదు!

Share

• 
• 
• 
• 
• 
•