లూలూ మాల్‌లో గన్ కలకలం.. రంగంలోకి పోలీసులు.. అసలేం జరిగిందంటే?

Lulu Mall: హైదరాబాద్​ KPHBలోని లూలూ మాల్ లో గన్​ కలకలం రేగింది. పార్కింగ్​ ప్రాంతంలో రెండు కుటుంబాల మధ్య జరిగిన వివాదంలో ఓ వ్యక్తి గన్​ చూపించి బెదిరించటంతో అక్కడ ఉద్రిక్త పరిస్థితి ఏర్పడింది. సమాచారం అందిన వెంటనే అక్కడికి వెళ్లిన పోలీసులు.. పరిస్థితిని చక్కదిద్దారు. పాతబస్తీకి చెందిన సిద్దిఖీ అనే వ్యక్తి నుంచి గన్​ ను స్వాధీనం చేసుకున్నారు.

లూలూ మాల్ పార్కింగ్ ప్లేస్ లో వాహనాలను నిలిపే విషయంలో రెండు కుటుంబాల మధ్య గొడవ జరిగింది. దాంతో సిద్దిఖీ తన వద్ద ఉన్న గన్​ ను చూపించి అవతలివారిని బెదిరించాడు. సమాచారం రాగానే సీఐ రాజశేఖర్​ రెడ్డి అక్కడికి చేరుకుని ఆ గన్​ ను స్వాధీనం చేసుకున్నారు. సిద్దిఖీని అదుపులోకి తీసుకుని విచారణ జరిపారు. దీంట్లో సిద్దిఖీ వద్ద ఉన్న గన్‌కు లైసెన్స్ ఉన్నట్లు తేలింది.

A minor argument between two families inside the parking lot of Lulu Mall in Kukatpally Housing Board escalated to a fight, and in the melee, a gun found inside the pocket of one of those involved in the fight.

According to KHPH Police Station Head Constable Vittal, the incident… pic.twitter.com/qbJpTmqSYa

— Hate Detector 🔍 (@HateDetectors) July 14, 2026

Also Read: సుప్రీంకోర్టులో కలకలం.. కోర్టు హాల్‌లోనే బోరుమన్న హైదరాబాద్ మహిళ!

అయితే, సిద్దిఖీ తుపాకీతో ఆ మాల్‌లోకి ప్రవేశించడం ఎలా సాధ్యమైందనే అంశంపై అధికారులు దృష్టి సారించారు. మాల్ ప్రవేశ ద్వారం వద్ద భద్రతా సిబ్బంది సరైన తనిఖీలు నిర్వహించకపోవడం వల్లే గన్‌తో సదరు వ్యక్తి లోపలికి వెళ్లినట్లు గుర్తించారు. సాధారణంగా మాల్స్‌లో మెటల్ డిటెక్టర్లు, బ్యాగ్ స్కానింగ్ వంటి భద్రతా చర్యలు తప్పనిసరిగా అమలు చేయాల్సి ఉంటుంది. దీంట్లో నిర్లక్ష్యం వహించినందుకు పోలీసులు లూలూ మాల్ పై కేసులు నమోదు చేశారు.

Also Read: అయ్యబాబోయ్ ఇదేం అరాచకం… చీమల్లా దూరి చికాకు పెట్టే చిట్టి మనుషులు

Share

• 
• 
• 
• 
• 
•