ఒకే ఒక్క టాబ్లెట్ తో కంట్రోల్ తప్పే అమ్మాయిలు… కట్ చేస్తే చెమటలు పట్టించే థ్రిల్లింగ్ ట్విస్ట్

Telugu Thriller Series: అమ్మాయిలను కంట్రోల్ చేయడం అంత ఈజీ కాదు. కానీ చాలామంది వశీకరణం చేసి ఆడవాళ్లను లోబర్చుకోవచ్చు అని నమ్ముతారు. అయితే ఇప్పుడు మనం మాట్లాడుకోబోయే తెలుగు థ్రిల్లర్ సిరీస్ లో మాత్రం ఒకే ఒక్క టాబ్లెట్ తో కంట్రోల్ తప్పేలా చేస్తారు. ఆ తరువాత వచ్చే ట్విస్ట్ కు బుర్ర బద్దలవ్వాల్సిందే. ఆ సిరీస్ పేరే ‘ది కల్ట్: సిస్టర్స్ ఇన్ బ్లడ్’ (The Cult: Sisters in Blood). రక్తం నైవేద్యం సమర్పించే రహస్య ముఠా చుట్టూ తిరిగే ఈ స్టోరీ ఇంట్రెస్టింగ్ గా ఉంటుంది.

కథలోకి వెళ్తే…

కథ ఒక అడవి ప్రాంతంలో జరిగే యువతుల దారుణమైన హత్యలతో షురూ అవుతుంది. మూఢనమ్మకాలతో ఒక నిర్దిష్టమైన పూజా విధానాన్ని పాటిస్తూ చేసిన నరబలి అది. పోలీసులు చూడగానే ఈ విషయాన్ని కనిపెడతారు. రక్తం నైవేద్యంగా సమర్పించి, శరీరాలను చనిపోయిన స్థితిలో వదిలేసి ఉండటం పోలీసులను ఆందోళనకు గురి చేస్తుంది. ఈ కేసును ఇన్వెస్టిగేట్ చేయడానికి సిన్సియర్ పోలీస్ ఆఫీసర్ అయిన కర్ణ రంగంలోకి దిగుతాడు.

కర్ణ టాలెంటెడ్ ఆఫీసర్. తీగ లాగి డొంకను కదిలించే రకం. ఈ కేసు దర్యాప్తులో మానవ ప్రవర్తన, వింత సంప్రదాయాలపై పరిశోధన చేసే ఒక మహిళా రీసెర్చర్ తోడవుతుంది. దర్యాప్తు జరుగుతున్నకొద్దీ ఒక ప్రమాదకరమైన మూఢనమ్మకాల ముఠా గురించి క్లూస్ దొరుకుతాయి. అమాయక ప్రజల నమ్మకాలను ఆసరాగా చేసుకుని, రక్తాన్ని నైవేద్యంగా సమర్పిస్తూ ఒక రహస్య గుడిని నడిపే ముఠా దీని వెనుక ఉందని తెలుసుకుంటారు.

మళ్లీ జన్మించడానికి 37 నరబలులు ఇవ్వాలి అనే ఒక భయంకరమైన నమ్మకంతో నడుస్తుంది ఈ నెట్‌వర్క్. వీళ్ళ అసలు ప్లాన్ ఏంటి అనేది ఇన్వెస్టిగేషన్ లో నెమ్మదిగా బయట పడుతుంది. కర్ణ, సదరు రీసెర్చర్ స్వయంగా ఆ ముఠా పన్నిన కుట్రల వలలో చిక్కుకుంటారు. మరి ఈ దారుణాల నుంచి ఆ పోలీస్ ఆఫీసర్ ఎలా బయట పడ్డాడు ? ఆ రీసెర్చర్ ఎవరు ? చివరికి ఏమైంది ? అన్నది తెలియాలంటే ఈ తెలుగులో సిరీస్ ను పూర్తిగా చూడాల్సిందే.

ఏ ఓటీటీలో ఉందంటే ?

మూడనమ్మకాలను ఆయుధంగా మార్చుకుని మనుషులను ఎలా బలితీసుకుంటారో ఇందులో కళ్ళు తెరిపించేలా చూపించారు. 2026లో తెరపైకి వచ్చిన ఈ సిరీస్ చాయ్ బిస్కెట్ ఒరిజినల్స్‌గా రిలీజ్ అయ్యింది. తెలుగు మిస్టరీ థ్రిల్లర్ మినీ వెబ్ సిరీస్ ‘ది కల్ట్’లో రాహుల్ సిప్లిగంజ్ ఇన్‌స్పెక్టర్ కర్ణగా నటించాడు. ఈ సిరీస్ Chai Shots Appలో తెలుగు భాషలోనే స్ట్రీమింగ్ అవుతోంది. ప్రతీక్ రెడ్డి దర్శకత్వం వహించారు. కాగా ఇప్పటికే ఈ సిరీస్ లో సీజన్ 2 ‘ది కల్ట్ 2 – ది ఫైనల్ రిచ్యువల్’ కూడా విడుదలైంది.