Extra Mile Awards: నగర చరిత్రలో ఇదో మైలురాయి.. పోలీసులకు ఎక్స్ ట్రా మైల్ పురస్కారాలు

Extra Mile Awards: పోలీస్ ఉద్యోగం విధి నిర్వహణ మాత్రమే కాదని.. సామాజిక బాధ్యత అని హైదరాబాద్ పోలీస్​ కమిషనర్​ వీ.సీ.సజ్జనార్(VC Sajanar) చెప్పారు. దీనిని దృష్టిలో పెట్టుకుని సమాజం పట్ల బాధ్యతగా వ్యవహరించాలన్నారు. ప్రతీ పనిలో సృజనాత్మకత మానవీయత ప్రతిబింబించేలా విధులు నిర్వర్తించాలన్నారు. విధి నిర్వర్తనలో ఉత్తమ ప్రతిభ కనబరిచిన 1,446మంది సిబ్బందికి బంజారాహిల్స్​ ఐసీసీసీలో జరిగిన కార్యక్రమంలో ‘ఎక్స్​ ట్రా మైల్​’ పురస్కారాలతోపాటు గుడ్ వర్క్ డన్ అవార్డులను అందచేశారు. ఇలా పురస్కారాలు ఇవ్వటం నగర పోలీస్​ చరిత్రలో ఇదే మొదటిసారి కావటం గమనార్హం.

వినూత్న ఆలోచనలు

ఈ సందర్భంగా మాట్లాడుతూ అప్పగించిన పనిని పూర్తి చేయటంకన్నా బాధితుల్లో ఎంత భరోసా కల్పించగలిగామన్నదే పోలీసులు సాధించే అసలైన విజయమని చెప్పారు. సమాజం పట్ల బాధ్యతతో వ్యవహరించినపుడే ప్రజల్లో పోలీస్​ వ్యవస్థపై గౌరవం పెరుగుతుందన్నారు. సిబ్బందిలోని ప్రతిభ, వినూత్న ఆలోచనలు, సేవలను గుర్తించి గౌరవించాలన్న ఉద్దేశ్యంతోనే ఎక్స్​ ట్రా మైల్​ పురస్కారాలకు శ్రీకారం చుట్టామన్నారు. ఇది కేవలం అవార్డు కాదని, అంకిత భావానికి దక్కే గుర్తింపు అని చెప్పారు. ఈ గుర్తింపు సిబ్బందిలో నూతనోత్తేజాన్ని నింపుతుందని ఆశిస్తున్నానని చెప్పారు. సాంకేతికత ఎంత అభివృద్ధి చెందినా క్షేత్రస్థాయిలో పోలీసులు కనబరిచే చిత్తశుద్ధి, ఆపదలో ఉన్నవారి పట్ల ప్రదర్శించే మానవత్వానికి ఏ టెక్నాలజీ సాటి రాదని చెప్పారు.

Also Read: This Week OTT Movies: ఈ వారం ఓటీటీలోకి 17 సినిమాలు.. ఆ రెండు సినిమాలు మస్ట్ వాచ్..

ఇకపై ప్రతీ నెలా..

హోంగార్డు నుంచి ఉన్నతాధికారి వరకు టీంగా పని చేసినపుడు శాంతిభద్రతలు నెలకొంటాయన్నారు. ఇకపై ప్రతీ నెలా జోన్​ స్థాయిలో ఉత్తమ ప్రతిభ కనబరిచిన ఇన్స్ పెక్టర్లు, ఎస్ఐలు, కానిస్టేబుళ్లకు రివార్డులు అంద చేయనున్నట్టు చెప్పారు. పురస్కారాలు అందుకున్న వారిలో అదనపు డీసీపీలు, ఏసీపీలు, ఇన్స్ పెక్టర్లు, ఎస్​ఐలు, ఏఎస్​ఐలు, హెడ్​ కానిస్టేబుళ్లు, హోంగార్డులు, మినిస్టీరియల్ సిబ్బంది, పబ్లిక్ ప్రాసిక్యూటర్లు ఉన్నారు. కార్యక్రమంలో అదనపు సీపీ ఎం.శ్రీనివాసులు, నార్త్​ రేంజ్ జాయింట్ సీపీ శ్వేతతోపాటు డీసీపీలు చైతన్యకుమార్​, శిల్పవల్లి, అరవింద్ బాబు, లావణ్య నాయక్ జాదవ్​, వెంకటలక్ష్మి తదితరులు పాల్గొన్నారు.

Also Read: Mystery thriller OTT : స్టూడెంట్ ను వేధించే టీచర్… తల్లి ఇచ్చే ట్విస్ట్ కు ఫ్యూజులు అవుట్

Share

• 
• 
• 
• 
• 
•