Telangana Schools to Reopen on June 12: 2024-25 విద్యా సంవత్సరానికి సంబంధించిన క్యాలెండర్ ను తెలంగాణ అధికారులు విడుదల చేశారు. జూన్ 12 నుంచి రాష్ట్రంలో పాఠశాలలు పున: ప్రారంభం కానున్నాయని తెలిపారు. వచ్చే ఏడాది ఏప్రిల్ 23 వరకు పాఠశాలలు కొనసాగనున్నాయి. మిగతా వివరాలను కూడా అందులో పేర్కొన్నారు. ఉదయం 9 గంటల నుంచి సాయంత్రం 4.15 గంటల వరకు అప్పర్ ప్రైమరీ పాఠశాలలు నడవనున్నాయి. అదేవిధంగా ఉదయం 9.30 గంటల నుంచి సాయంత్రం 4.45 గంటల వరకు ఉన్నత పాఠశాలలు నడవనున్నాయి.
సెలవులు, పదో తరగతి పరీక్షలకు సంబంధించిన వివరాలు ఇలా ఉన్నాయి…
– అక్టోబర్ 2 నుంచి 14 వరకు దసరా సెలవులు
– డిసెంబర్ 23 నుంచి 27 వరకు క్రిస్మస్ సెలవులు
– వచ్చే సంవత్సరం జనవరి 13 నుంచి 17 వరకు సంక్రాంతి సెలవులు
– వచ్చే సంవత్సరం ఫిబ్రవరి 28 లోపు పదో తరగతి ఫ్రీ ఫైనల్ పరీక్షలు నిర్వహించనున్నారు.
– అదేవిధంగా మార్చిలో పదో తరగతి పరీక్షలు నిర్వహించనున్నారు