Big Stories

KCR Munugode Meeting : కేసీఆర్ సభపై ఉత్కంఠ.. బీజేపీకి దబిడి దిబిడేనా?

Share this post with your friends

KCR Munugode Meeting : ఉప ఎన్నిక ప్రచారంలో భాగంగా చండూరులో కేసీఆర్ బహిరంగ సభ. లక్ష మందితో ధూంధాంగా మీటింగ్. సభను సక్సెస్ చేయడానికి టీఆర్ఎస్ శ్రేణులు సకల ఏర్పాట్లు చేస్తున్నాయి. ప్రజలను పెద్ద ఎత్తున తరలించేందుకు భారీ ప్రయత్నాలే జరుగుతున్నాయి. అయితే, మునుగోడు అభివ‌‌ృద్ధికి కేసీఆర్ ఏం హామీలు ఇస్తారనే దానికంటే.. ఫామ్ హౌజ్ ఎమ్మెల్యేల కేసుపై గులాబీ బాస్ రియాక్షన్ ఎలా ఉంటుందనే ఉత్కంఠే ఎక్కువగా కనిపిస్తోంది.

అసలే కేసీఆర్. మామూలుగా మాట్లాడితేనే మాటల మంటలు రాజేస్తారు. పదునైన విమర్శలు చేస్తుంటారు. ఆయన యాస, భాష సూటిగా, స్పైసీగా ఉంటుంది. కొంతకాలంగా బీజేపీపై విరుచుకుపడుతున్న కేసీఆర్.. లేటెస్ట్ మొయినాబాద్ ఫామ్ హౌజ్ లో టీఆర్ఎస్ ఎమ్మెల్యేల కొనుగోలు బేరసారాలపై ఇంకెంత ఘాటుగా విరుచుకుపడతారోనని అంతా ఆసక్తిగా ఎదురు చూస్తున్నారు.

తాను లాక్కోవడమే కానీ, తన పార్టీ ఎమ్మెల్యేలను మరొకరు లాగేయాలని చూస్తే కేసీఆర్ ఊరుకుంటారా? ఏకంగా తన ప్రభుత్వాన్నే పడగొట్టాలని చూస్తే గమ్మున ఉంటారా? అందులోనూ ఆ వ్యవహారం అంతా వీడియో, ఆడియోలో చిక్కగా.. పక్కా ఆధారాలతో దొరికిపోగా.. ఇక కేసీఆర్ దూకుడు మామూలుగా ఉండదని అంటున్నారు. ఇప్పటికే పార్టీ నేతలెవరినీ ఈ అంశంపై మాట్లాడొద్దని హెచ్చరించడం.. ఆ నలుగురు టీఆర్ఎస్ ఎమ్మెల్యేలు ఆ రోజు నుంచీ ప్రగతిభవన్ లోనే ఉండటం.. వరుస ఆడియో లీకులు, వాట్సాప్ చాట్ లతో వేడి రగిలించడం.. చివరాఖరున ఫినిషింగ్ టచ్ గా మునుగోడు బహిరంగ సభ వేదికగా ఆయన ఖతర్నాక్ స్పీచ్ ఉంటుందని భావిస్తున్నారు. మరి, బీజేపీపై గులాబీ బాస్ ఏ రేంజ్ లో ఫైర్ అవుతారో…


Share this post with your friends

ఇవి కూడా చదవండి

Latest News