KCR : కేసీఆర్ చుట్టూ దెయ్యాలు.. రెండోది ఎవరంటే?

రాష్ట్రంలో ఫోన్ ట్యాపింగ్ కేసు కీలక మలుపులు తిరుగుతోంది. తెలంగాణ ప్రభుత్వం ఈ కేసుపై సీరియస్‌గా దృష్టి సారించింది. ఈ కేసును ఇంకెంతకాలం సాగదీస్తారని ఇప్పటికే విపక్షాల నుంచి విమర్శలు వెల్లువెత్తుతున్న వేళ త్వరగా విచారణ ముగించాలని ప్రభుత్వం భావిస్తున్నది. అందుకే సిట్ విచారణలో దూకుడు పెంచినట్టు తెలుస్తున్నది. మార్చినెలాఖరులోగా విచారణ పూర్తి చేసి పూర్తి నివేదికను ప్రభుత్వానికి అందజేయాలని సిట్ పర్యవేక్షణ అధికారి సజ్జనార్ దృఢ సంకల్పంతో ఉన్నట్టు తెలుస్తున్నది. ఫోన్ ట్యాపింగ్ వ్యవహారంలో ఇప్పటికే మాజీ మంత్రి హరీశ్ రావు, బీఆర్ఎస్ వర్కింగ్ ప్రెసిడెంట్ కేటీఆర్‌లను సిట్ విచారించి స్టేట్మెంట్ రికార్డు చేసింది.

సంతోష్ రావుపై కవిత హాట్ కామెంట్స్..

ఫోన్ ట్యాపింగ్ కేసులో బీఆర్ఎస్ మాజీ ఎంపీ జోగినపల్లి సంతోష్ రావుకు సైతం సిట్ నోటీసులు జారీ చేసింది. ఆయన్ను నిన్న సుమారు ఏడున్నర గంటల పాటు సిట్ అధికారులు విచారించారు. అయితే, ముఖ్యంగా కవిత ఆరోపణలపైనే ఆయన్ను ప్రశ్నలు అడిగినట్టు సమాచారం.గతంలో తన, తన భర్త ఫోన్ ట్యాపింగ్ జరిగిందని తెలంగాణ జాగృతి అధ్యక్షురాలు ప్రధానంగా ఆరోపించారు. అందుకు కారణమైన వారి పేర్లను సైతం బయటపెట్టారు.ఈ క్రమంలోనే నిన్న సంతోష్ రావును సిట్ విచారిస్తున్న క్రమంలో కవిత మరోసారి ఆరోపించారు. కేసీఆర్ చుట్టూ ఉన్న దెయ్యాల్లో మొదటిది సంతోష్ రావే అని మరోసారి స్పష్టంచేశారు.

కేసీఆర్ చుట్టూ మరికొన్ని దెయ్యాలు..

సంతోష్ రావును విచారించే క్రమంలో సిట్ అధికారులు కీలక ప్రశ్నలు అడిగినట్టు సమాచారం. ఫోన్ ట్యాపింగ్ కేసులో అధికారులకు నెంబర్లు ఎవరు ఇచ్చారు? కవిత, ఆమె భర్త ఫోన్ మీరే ట్యాప్ చేయించారా? ఆమె అనుచరులు నెంబర్లు అధికారులకు మీరే ఇచ్చారా? అని అడిగినట్టు తెలుస్తుండగా.. సంతోష్ రావు ఏం సమాధానం ఇచ్చారనే దానిపై ఇంకా క్లారిటీ రాలేదు. అయితే, కవిత చేసిన కామెంట్స్ మీద ప్రస్తుతం పెద్దఎత్తున చర్చ నడుస్తున్నది. కేసీఆర్ చుట్టూ దెయ్యాలు ఉన్నాయని ఆమె ఆరోపించగా.. మొదటిది సంతోష్ రావు అని చెప్పారు. మరి మిగతా వారెవరు? అని నెట్టింట, రాష్ట్ర రాజకీయాల్లో జోరుగా చర్చ జరుగుతున్నది.

Municipal Elections: కరీంనగర్ కాంగ్రెస్‌లో గందరగోళం..

బీఆర్ఎస్ పార్టీలో తన తండ్రికి ఆమె రాసిన లేఖ బయటకు రావడం వల్లే కల్వకుంట్ల కుటుంబంలో మనస్పర్దలు వచ్చాయి. లేఖ ఎవరు రివీల్ చేశారని ఆమె బయటకు చెప్పలేదు. కానీ, సంతోష్ రావు, హరీశ్ రావుల మీదే ఆమె పార్టీ నుంచి బయటకు వచ్చాక ప్రధానంగా ఆరోపణలు చేస్తున్నారు. కేటీఆర్ మీద ఆరోపణలు చేసినా మళ్లీ ఆయన్ను వెనకేసుకొస్తున్నారు. దీనిని బట్టి కేసీఆర్ చుట్టూ ఉన్న ప్రధాన దెయ్యాల్లో సంతోష్ రావు, హరీశ్ రావులే అని పలువురు సైతం అనుమానం వ్యక్తం చేస్తున్నారు. ఇదే విషయాన్ని అధికార కాంగ్రెస్ పార్టీ నేతలు సైతం గుర్తుచేస్తున్నారు. కవితను బయటకు పంపించి పార్టీని హస్తగతం చేసుకోవడానికి వీరు ప్రయత్నిస్తున్నారా? అన్న ఆరోపణలు సైతం వస్తున్నాయి. దీనిపై కవిత క్లారిటీ ఇవ్వాలని పలువురు డిమాండ్ చేస్తున్నారు. కాగా, సిట్ తర్వాతి నోటీసులు కవిత, ఆమె భర్తకు ఇవ్వనుందని టాక్.

Ajit Pawar Aircraft: విమాన ప్రమాదంలో అజిత్ పవార్ మృతి, ఆ విమానం గురించి మరికొన్ని వివరాలు