Starbucks : అమెరికాలో అత్యంత వేగంగా సర్వీసులు అందించే రెండో బ్రాండ్‌గా స్టార్‌బక్స్‌కు పేరుంది. 1971లో సియాటెల్‌లో ఆరంభమైన ఈ సంస్థ క్రమంగా 80 దేశాలకు విస్తరించింది. తమ స్టోర్లకు వచ్చే కస్టమర్లకు క్షణాల్లో కాఫీ లేదంటే వారు కోరుకున్న బెవరేజెస్‌ను అందిస్తూ వస్తుంది.
స్టార్‌బక్స్ ఆదాయంలో 74% బెవరేజెస్ ద్వారానే లభిస్తోంది. 22 శాతం ఫుడ్, ఇతర మార్గాల ద్వారా మరో 4 శాతం ఆదాయం వస్తోంది. మెక్‌డొనాల్డ్స్‌లా కాకుండా వ్యాపార విస్తరణ విషయంలో స్టార్‌బక్స్ రూటే సెపరేటు. బ్రాండ్, ఉత్పత్తులు, ఆపరేషనల్ మెథడ్స్ కోసం థర్డ్ పార్టీ ఆపరేటర్లకు లైసెన్స్‌లు అందజేస్తుంది.
ప్రపంచవ్యాప్తంగా ఉన్న స్టోర్లలో సొంతంగా నిర్వహించేవి సగమైతే.. మరో 50 శాతం లైసెన్స్ పొందినవి ఉంటాయి.
అంటే ఫిఫ్టీ-ఫిఫ్టీ ఫార్ములాను పక్కాగా అమలు చేస్తోందన్న మాట. ఇండియాలో 300 వరకు స్టార్‌బక్స్ స్టోర్లు ఉన్నాయి.
వాస్తవానికి స్టార్‌బక్స్‌కు పెద్దమార్కెట్ అమెరికా, చైనా దేశాలే. మొత్తం స్టోర్లలో 61% ఈ రెండు దేశాల్లోనే ఉన్నాయి.
అమెరికాలో 16,346, చైనాలో 6,804 స్టార్‌బక్స్ స్టోర్లు ఉన్నాయి. ఈ స్టోర్లు ఉన్న మూడో పెద్ద దేశం కొరియా. అక్కడ స్టోర్ల సంఖ్య దాదాపు 1870. ఇక జపాన్‌లో 1733, కెనడా 1458, బ్రిటన్ 1266, లాటిన్ అమెరికాలో 1649 స్టోర్లు ఉన్నాయని స్టార్‌బక్స్ సంస్థ తెలిపింది. ప్రపంచవ్యాప్తంగా ఉన్న 38,027 స్టార్‌బక్స్ స్టోర్ల ద్వారా కాఫీ, బెవరేజెస్ భిన్న రుచులను ఆస్వాదించొచ్చు.
Share
TS High Court : కానిస్టేబుల్ అభ్యర్థులకు ఊరట.. సెలక్షన్ ప్రాసెస్ కు లైన్ క్లియర్..
CM Revanth Reddy Delhi Tour : మెట్రో విస్తరణకు నిధులివ్వండి.. కేంద్ర మంత్రికి సీఎం రేవంత్ వినతి..
