TS High Court : కానిస్టేబుల్ నియామక పరీక్షపై సింగిల్ బెంచ్ ఇచ్చిన తీర్పును హైకోర్టు డివిజన్ బెంచ్ కొట్టి వేస్తూ తీర్పు ఇచ్చింది. సివిల్ కానిస్టేబుల్ పరీక్షలో నాలుగు ప్రశ్నలకు సంబంధించి మార్కులు కలపాలని సింగిల్ బెంచ్ గతంలో ఆదేశాలు జారీ చేసింది. కొందరు అభ్యర్థులు ఈ అంశంపై హైకోర్టును ఆశ్రయించారు . సింగిల్ బెంచ్ ఇచ్చిన ఆదేశాలను కొట్టివేస్తూ గురువారం హైకోర్టు ధర్మాసనం ఆదేశాలు జారీ చేసింది.
ఉస్మానియా విశ్వవిద్యాలయం సాయం తీసుకొని నిపుణుల కమిటీ ఏర్పాటు చేయాలని పోలీస్ నియామక మండలికి హైకోర్టు ఆదేశించింది. అభ్యంతరాలు ఉన్న నాలుగు ప్రశ్నలపై నిపుణుల కమిటీ తేల్చాలని ఆదేశించింది. సివిల్ కానిస్టేబుల్ ప్రశ్నా పత్రంలో నాలుగు ప్రశ్నలకు ఆప్షన్లను తెలుగులో ఇవ్వక పోవడం వల్ల నష్టపోయామని కొంతమంది అభ్యర్థులు హైకోర్టులో పిటిషన్‌ దాఖలు చేశారు.
నాలుగు ప్రశ్నలకు ఆప్షన్లను వాడుకలో ఉన్న పదాలనే ఇచ్చామని పోలీసు నియామక మండలి ధర్మాసనం దృష్టికి తీసుకెళ్లింది. నాలుగు ప్రశ్నలపై అభ్యంతరాలను నిపుణుల కమిటీ తేల్చిన తర్వాత నియామక ప్రక్రియ పూర్తి చేయాలని ధర్మాసనం ఆదేశించింది. నాలుగు వారాల్లోగా కానిస్టేబుల్ నియామక ప్రక్రియ పూర్తి చేయాలని పోలీసు నియామక మండలికి సూచించింది.
Share
YS Sharmila | షర్మిల చేరికతో కాంగ్రెస్‌పై విమర్శలు మొదలుపెట్టిన వైసీపీ.. రాష్ట్ర విభజనపై మళ్లీ పాలిటిక్స్
Starbucks : భిన్న రుచుల సంగమం స్టార్‌బక్స్..!
