Summer Special Mountain Train: సమ్మర్ లో పర్యాటకులు ఎక్కువగా ఇష్టపడే రైలు ప్రయాణాల్లో ఒకటి నీలగిరి మౌంటైన్ రైల్వే ప్రయాణం. నీలగిరి పర్వతాల అందాలను ఆస్వాదించాలనుకునే వారికోసం ఊటీ-మెట్టుపాళయం సమ్మర్ రైలు సర్వీసులు ప్రారంభం అయ్యింది. ఈ రైలు, కోయంబత్తూర్ జిల్లాలోని మెట్టుపళయం నుంచి నీలగిరి జిల్లాలోని పాపులర్ హిల్ స్టేషన్ ఊటీ వరకు నడుస్తుంది. పచ్చటి పర్వతాల నడుమ, వంకర మార్గాలు, కొండల దృశ్యాలు, ప్రకృతి అందాల నడుమ ఈ ప్రయాణం మరింత ఆహ్లాదాన్ని అందిస్తుంది.
నీలగిరి పర్వత రైల్వే.. పర్వత రైలు మార్గాల్లో ప్రత్యేక గుర్తింపు తెచ్చుకుంది. నారో గేజ్ ట్రాక్, ఇంజనీరింగ్ అద్భుతాలు, చారిత్రాత్మక విలువ, 2005లో యునెస్కో ప్రపంచ వారసత్వ ప్రదేశంగా గుర్తించబడటంతో ఈ రైల్వే మార్గానికి మరింత గుర్తింపు వచ్చింది. రైలులో ప్రయాణం మాత్రమే కాక, నీలగిరి కొండల మధ్య హృదయాన్ని ఆకట్టుకునేలా ముందుకుసాగుతుంది. పర్యాటకులు ఈ రైలు ప్రయాణాన్ని జీవితాంతం మర్చిపోలేరు.
నీలగిరి పర్వత రైల్వే సర్వీసు గురించి ఇప్పుడు తెలుసుకుందాం.. సాధారణ రైలు మెట్టుపాళయం నుంచి ఉదయం 7:10కి బయలుదేరి మధ్యాహ్నం 12:00 గంటలకు ఊటీ చేరుతుంది. వేసవిలో పర్యాటకుల రద్దీ ఎక్కువగా ఉండటాన్ని దృష్టిలో ఉంచుకుని, సేలం రైల్వే డివిజన్ ప్రత్యేక రైలు సర్వీసును ప్రవేశపెట్టింది. ఈ ప్రత్యేక రైలు షెడ్యూల్ ప్రకారం, మెట్టుపాళయం నుంచి ఊటీకి రైలు మార్చి 27 నుంచి జూలై 5 వరకు శుక్రవారాలు, ఆదివారాల్లో నడుస్తుంది. ప్రారంభ రైలు ఉదయం 9:10 గంటలకు బయలుదేరి, పర్యాటకులకు మార్గంలోని ప్రకృతి దృశ్యాలను ఆస్వాదించే అవకాశం ఇస్తుంది. ఊటీ నుంచి మెట్టుపాళయం తిరిగి వచ్చే రైలు మార్చి 28 నుండి జూలై 6 వరకు శనివారాలు, సోమవారాల్లో నడుస్తుంది.
Read Also: గంటకు 180 కిలోమీటర్ల వేగం.. భారతీయ రైల్వేలో సరికొత్త శకం ప్రారంభం!
ఈ రైలు ప్రయాణం చాలా సౌకర్యవంతంగా ఉంటుంది. పర్వత ప్రాంతాల అందాలను ఆస్వాదించడానికి పూర్తిగా అనువుగా ఉంటుంది. నీలగిరి పర్వతాల మధ్యకు తీసుకెళ్లే ఈ ప్రత్యేక సర్వీసు, ఫోటోగ్రాఫర్లు, విహారయాత్రికులను ఆకట్టుకుంటుంది. అందమైన ప్రకృతి, పచ్చదనం, కొండల దృశ్యాలు, నారో గేజ్ మార్గం లాంటి ప్రత్యేకతలు, ఈ ప్రయాణాన్ని మరింత అనుకూలంగా మార్చుతుంది. సాధారణంగా, ఊటీ-మెట్టుపాళయం ప్రత్యేక వేసవి రైల్లో ప్రయాణించేందుకు పర్యాటకులు ఎక్కువగా ఇష్టపడుతున్నారు. ఇది నీలగిరి పర్వతాల అందాలను, పూర్వీకాలపు చారిత్రాత్మక విలువను, సౌకర్యవంతమైన రైలు ప్రయాణాన్ని కలిపి అందిస్తుంది.
Read Also: అందులోబాటులోకి ఆసియాలోనే అతిపెద్ద ఎయిర్ పోర్ట్, అమ్మో.. ఎన్ని సౌకర్యాలో!
Share
Nokia Layoffs: నోకియాలో ఉద్యోగాల సునామీ.. ఏకంగా 14,000 మంది ఇంటికి.. షాక్లో టెక్ ప్రపంచం!
Amaravati Fire: సెలవు ఇవ్వలేదని మేఘాలో సెక్యూరిటీ గార్డ్ నిప్పు.. అమరావతి అగ్ని ప్రమాదం వెనుక సంచలన నిజాలు!
