Semiconductor : చిప్ కంపెనీల్లో రారాజు టీఎస్ఎంసీ

Semiconductor : మొబైల్ ఫోన్ల నుంచి కార్లు, ప్లేన్లు, రిఫ్రిజిరేటర్ల వరకు అన్నింటికీ కావాల్సింది సెమీకండక్టర్ చిప్‌లే. ఆధునిక జీవనంతో ఇంతగా పెనవేసుకుపోయాయి ఇవి. ఎలక్ట్రానిక్ చిప్‌ల తయారీ అంటేనే బిలియన్ డాలర్ల వ్యవహారం.

సెమీ కండక్టర్ చిప్ తయారీ పరిశ్రమల్లో రారాజు టీఎస్ఎంసీ. తైవాన్‌కు చెందిన తైవాన్ సెమీకండక్టర్ మాన్యుఫాక్చరింగ్ కంపెనీ లిమిటెడ్(TSMC) ఆదాయం ఎంతో ఊహించగలరా? మొత్తం చిప్ పరిశ్రమల ఆదాయంలో టీఎస్‌ఎంసీ వాటాయే 60%. ఇది 17 బిలియన్ డాలర్లకు సమానం.

2023 తొలి త్రైమాసికంలో(Q1) ఆ కంపెనీ 16,735 మిలియన్ డాలర్లు ఆర్జించింది. 3,446 మిలియన్ డాలర్ల ఆదాయంతో దక్షిణ కొరియా కంపెనీ శాంసంగ్ రెండో స్థానంలో నిలిచింది. మూడో స్థానం దక్కించుకున్న అమెరికా సంస్థ గ్లోబల్ ఫౌండ్రీస్ 1841 మిలియన్ డాలర్ల ఆదాయం పొందింది.

యూఎంసీ చిప్ కంపెనీ ఆదాయం 1784 మిలియన్ డాలర్లు ఉండగా.. ఎస్ఎంఐసీ 1462 మిలియన్ డాలర్లు, హ్యూహాంగ్ గ్రూప్ 845, టవర్ సెమీకండక్టర్ 356, పీఎస్ఎంసీ 332, వీఐఎస్ 269, డీబీ హితెక్ కంపెనీ 234 మిలియన్ డాలర్ల ఆదాయం పొందాయి. మిగిలిన సెమీకండక్టర్ కంపెనీలన్నింటి మొత్తం ఆదాయం 556 మిలియన్ డాలర్లుగా ఉంది.

ప్రపంచవ్యాప్తంగా అన్ని సెమీ కండక్టర్ కంపెనీల ఆదాయం Q1లో 27,860 మిలియన్ డాలర్లుగా ఉంది. టాప్‌టెన్‌ చిప్ కంపెనీల్లో 4 తైవాన్ దేశానికి చెందినవే. చైనా కంపెనీలు రెండు, దక్షిణ కొరియా రెండు, అమెరికా, దక్షిణ కొరియా దేశాలకు చెందిన ఒక్కొక్క కంపెనీ ఆ జాబితాలో ఉన్నాయి.

Share

• 
• 
• 
• 
• 
•