Federal Bank: ఫెడరల్ బ్యాంక్ తెలంగాణ ప్రాంతంలో తన సేవలను మరింత విస్తరిస్తూ, హైదరాబాద్‌లోని మాదాపూర్ కావూరీ హిల్స్‌లో 30వ శాఖను ఘనంగా ప్రారంభించింది. కస్టమర్లకు మరింత దగ్గరవ్వాలనే లక్ష్యంతో ఏర్పాటు చేసిన ఈ కొత్త బ్రాంచ్‌ను ప్రముఖ వ్యాపారవేత్తలు వన్ డెవలపర్స్ ఎండీ రవీందర్ రెడ్డి, బిగ్ టీవీ చైర్మన్ వెన్నం విజయ్ కాంత్ రెడ్డి, బిగ్ టీవీ మలయాళం చైర్మన్ అనిల్ అయ్రూర్, బ్యాంక్ జోనల్ హెడ్ మనీష్ నరేష్ షా కలిసి ప్రారంభించారు.
ఈ నూతన శాఖ ద్వారా ఖాతాదారులకు 24/7 ఏటీఎం, నగదు డిపాజిట్ మెషిన్ (CDM), భద్రతతో కూడిన స్ట్రాంగ్ రూమ్ సౌకర్యాలను అందుబాటులోకి తెచ్చారు. రాష్ట్రవ్యాప్తంగా తమ బ్యాంకింగ్ సేవలను పెంచే దిశగా అడుగులు వేస్తున్న ఫెడరల్ బ్యాంక్, రాబోయే ఏడాది కాలంలో తెలంగాణ వ్యాప్తంగా మొత్తం 100 బ్రాంచ్ లను అందుబాటులోకి తేవాలని లక్ష్యంగా పెట్టుకుంది. ఈ విస్తరణ ద్వారా స్థానిక వినియోగదారులకు మరింత మెరుగైన, వేగవంతమైన ఆర్థిక సేవలు అందుతాయని బ్యాంక్ ప్రతినిధులు తెలిపారు.
Share
రూ.25 వేల జీతమా? నెలకు ఎంత పొదుపు చేస్తే సేఫ్? నిపుణులు చెప్పే సూపర్ ప్లాన్ ఇదే!
రూ.10 లక్షల లోపు కొత్త కార్లు.. త్వరలో రానున్న టాప్ మోడళ్లు ఇవే!
