Wildlife Facts: సాధారణంగా పక్షులు తమ గూళ్లను నిర్మించుకోవడానికి ఎండుగడ్డి, చిన్న చిన్న రెమ్మలు, మెుత్తటి దూది లాంటి వాటిని ఉపయోగిస్తుంటాయి. అయితే కొన్ని పక్షులు ఒకడుగు ముందుకు వేసి.. వాటి గూళ్లలో పాము కుబుసాన్ని (Snake Skin) పెడుతుంటాయి. ఇది చూడటానికి కొంచెం వింతగా, భయానకంగా అనిపించినప్పటికీ.. దీని వెనుక పక్షుల అద్భుతమైన తెలివితేటలు, శాస్త్రీయ కారణం దాగి ఉంది. అది ఏంటో ఈ ప్రత్యేక కథనంలో తెలుసుకునే ప్రయత్నం చేద్దాం.
పక్షులు తమ గూళ్లలో పాము కుబుసాన్ని పెట్టడానికి ప్రధాన కారణం రక్షణ. పిచ్చుకలు, ఫ్లైక్యాచర్స్ (Flycatchers), బ్లూబర్డ్స్ వంటి చిన్న పక్షులు.. చెట్ల మీద లేదా తొర్రల్లో గూళ్లు కట్టుకుంటాయి. ఈ గూళ్లపై ఉడుతలు, కాకులు ఇతర పెద్ద పక్షులు దాడి చేసి గుడ్లను, పిల్లలను తినేస్తుంటాయి. కాబట్టి గూటి వెలుపల లేదా లోపల పాము కుబుసం పెడితే.. శత్రువులు తమ పిల్లల జోలికి రావని పక్షుల నమ్మకం. గూటి వద్ద పాము ఉందని భావించి.. అవి తమ పిల్లల జోలికి వచ్చే సాహసం చేయవని పక్షుల మాస్టర్ ప్లాన్.
పాము కుబుసానికి ఒక రకమైన ప్రత్యేకమైన వాసన ఉంటుంది. పక్షుల గుడ్లను దొంగిలించే కొన్ని రకాల క్షీరదాలు (Mammals), ఇతర జీవులు ఈ వాసనను పసిగట్టగానే ప్రాణభయంతో వెనక్కి తగ్గుతాయి. కేవలం చూపుతోనే కాకుండా వాసన ద్వారా కూడా శత్రువులను ముగ్గులోకి దించి మోసం చేయడంలో పక్షులు ఎంతటి మేధావులో దీనిని బట్టి అర్థం చేసుకోవచ్చు.
పాము కుబుసం చాలా తేలికగా, మెత్తగా, సాగే గుణాన్ని కలిగి ఉంటుంది. ఈ నేపథ్యంలో తమ గుడ్లు, పిల్లల కోసం గూటి లోపలి భాగాన్ని వెచ్చగా, సౌకర్యవంతంగా మార్చుకోవడానికి దీనిని పక్షులు ఒక బెడ్షీట్లా ఉపయోగిస్తాయి. అంతేకాకుండా గూటి నిర్మాణంలో ఇవి ఇతర పదార్థాలను గట్టిగా పట్టి ఉంచడానికి కూడా సహాయపడతాయి.
Also Read: మీ పాత ఏసీని అమ్మాలా? ఆన్లైన్ vs ఆఫ్లైన్.. ఎక్కడ ఎక్కువ లాభం?
పక్షులు తమ గూటిలో పాము కుబుసం పెట్టడం.. శాస్త్రవేత్తల దృష్టిని ఆకర్షించింది. శాస్త్రవేత్తలు పరిశోధనల కోసం కొన్ని పక్షుల గూళ్ల నుండి పాము కుబుసాలను తొలగించి చూశారు. అలా తొలగించిన గూళ్లపై ఉడుతలు, ఇతర శత్రువుల దాడులు చాలా రెట్లు పెరిగినట్లు వారు గమనించారు. దీన్ని బట్టి పక్షులు ఏదో అనుకోకుండా కుబుసాన్ని తెచ్చుకోలేదని అవి కావాలనే వెతికి పట్టుకుని మరీ ఈ రక్షణ కవచాన్ని ఏర్పాటు చేసుకుంటున్నాయని అర్థమవుతోంది.
Also Read: ఏసీలో వింత శబ్దాలు వస్తున్నాయా? కారణం ఇదే కావొచ్చు.. జాగ్రత్త భయ్యో!
Share
‘ఉప్పెన’లో విజయ్ సేతుపతి పాత్ర మిస్ చేసుకున్న నటుడు ఎవరో తెలుసా?.. బుచ్చి గేట్ వరకూ వచ్చి..
ఏసీ ఆన్ చేసిన 5 నిమిషాలకే ఆఫ్ అవుతోందా? కూలింగ్ రాకపోవడానికి అసలు కారణాలివే!
