ఏపీ రాజకీయాల్లో న్యూ ట్రెండ్.. పవన్ విడాకులు అంశం, బాబు-జగన్ సీరియస్ వార్నింగ్!

Amaravati: ఏపీ రాజకీయాల్లో కొత్త ట్రెండ్ మొదలైందా? నేతల వ్యక్తిగత జీవితాలకు సంబంధించిన అంశాలకు దూరంగా ఉండాలని రాజకీయ పార్టీలు డిసైడ్ అయ్యాయా? జనసేన అధినేత పవన్ కల్యాణ్ విడాకుల అంశంపై సోషల్ మీడియాలో జోరుగా చర్చ వేళ టీడీపీ-వైసీపీ రంగంలోకి దిగాయా? తమ పార్టీ కార్యకర్తలకు ఈ రెండు పార్టీలు వార్నింగ్ ఇచ్చాయి.

ఏపీలో కూటమి ప్రభుత్వం అధికారంలోకి వచ్చిన తర్వాత రాజకీయ నేతల వ్యక్తిగత అంశాలపై సోషల్ మీడియాపై రకరకాల వ్యాఖ్యలు చేస్తుండడంతో కేసులు నమోదు చేసింది. అన్ని పార్టీలపై కేసు నమోదు చేయడంతో వాటికి దూరంగా ఉన్నారు. ఒకానొక దశలో టీడీపీ కార్యకర్తలను ప్రభుత్వం అరెస్టు చేసిన సందర్భాలు ఉన్నాయి. ఈ క్రమంలో ఏపీ రాజకీయాల్లో ఆసక్తికర పరిణామం చోటుచేసుకుంది.

నాయకుల వ్యక్తిగత జీవితాలకు సంబంధించిన అంశాలపై సోషల్ మీడియాలో జరుగుతున్న చర్చలు, అనుచిత వ్యాఖ్యల వేళ ఐ-టీడీపీ, వైఎస్ఆర్‌సీపీ పార్టీలు కీలక ప్రకటనలు విడుదల చేశాయి. నేతల వ్యక్తిగత విషయాలపై బహిరంగ వ్యాఖ్యలు చేయవద్దని తమ తమ నాయకులు, కార్యకర్తలు, సోషల్ మీడియా ప్రతినిధులకు సూచనలు చేశాయి. రాజకీయ విమర్శలు-వ్యక్తిగత జీవితాల మధ్య స్పష్టమైన హద్దులు పాటించాలని పేర్కొన్నాయి.

మేము ఇలాగే ఉంటామని భావించి ఇష్టం వచ్చినట్టు వ్యాఖ్యలు చేస్తే చర్యలు తప్పవని ఘాటు వార్నింగ్ ఇచ్చాయి. ఈ మేరకు రెండు పార్టీల నుంచి లేఖలు విడుదలయ్యాయి.

ALSO READ: 40 ఏళ్ల రాజకీయంలో ఒక్క మంచి పని చేశావా? అనంత వెంకట్రామిరెడ్డిపై జేసీ ఆగ్రహం

Dignity in public discourse is non-negotiable..

iTDP will not tolerate personal attacks on anyone, from any side..

Service to the Telugu people is the only conversation that matters..#iTDP #RespectRestraintResponsibility pic.twitter.com/a2TkFn4l4S

— iTDP Official (@iTDP_Official) November 9, 2026