Hyper Aadi Satire on Jagan Government in Pithapuram Elections Campaign: ఆంధ్రపదేశ్‌లో ఎన్నికల ప్రచారం తారాస్థాయికి చేరింది. నేతలు ఒకరిపై మరొకరు పంచ్‌లు, సెటైర్లు విసురుకుంటున్నారు. ఇక అన్నింటికంటే ముందు చెప్పుకోదగిన నియోజకవర్గం పిఠాపురం. అందరికళ్లు ఇక్కడే కేంద్రీకృతమయ్యాయి. నియోజకవర్గాల్లో సభలు, సమావేశాలు, రోడ్ షోలతో పవన్‌కల్యాణ్ బిజీ అయిపోయారు. పవన్‌కు మద్దతుగా టాలీవుడ్‌కి చెందిన పలువురు ప్రచారం చేస్తున్నారు.
తాజాగా నాగబాబుతో కలిసి కమెడియన్ హైపర్ఆది రోడ్ షో నిర్వహించారు. హైపర్ఆది పంచ్‌లకు నార్మల్‌గా నవ్వు వస్తుంది.. అదే పబ్లిక్‌లో పంచ్‌లు వేస్తే ఓ రేంజ్‌లో ఉంటాయి. హైపర్ పంచులతో ఓటర్లతోపాటు రోడ్ షోలో ఉన్న నేతలు నవ్వులే నవ్వులు. కల్తీ మద్యం పోవాలన్నా, అలాంటి ప్రభుత్వాన్ని దూరంగా పెట్టాలన్నా ఈసారి కూటమి అభ్యర్థులను గెలిపించాలన్నాడు. పవన్‌కు ఓటు వేసే అదృష్టం తనకు లేదన్నాడు హైపర్ ఆది.
మంచి జరిగితే ఓటు వేయాలని వైసీపీ సర్కార్ ప్రతి సభల్లోనూ చెబుతోందని, వాళ్లింట్లోనే మంచి జరగక ఇద్దరు చెల్లెళ్లు రోడ్లపై తిరుగుతున్నారని తనదైన శైలిలో పంచ్‌లు విసిరాడు హైపర్ఆది. బటన్ నొక్కితే ఆడవాళ్లు అకౌంట్లో 10వేలు పడుతున్నాయని చెబుతున్నారని, సాయంత్రం మూత ఓపెన్ చేస్తే మగవాళ్ల అకౌంట్ నుంచి 30 వేలు పోతున్నాయని తనదైనశైలిలో చెప్పుకొచ్చాడు.
Also Read: ఏపీ.. కంటైనర్లలో కరెన్సీ నోట్లు, 2,000 వేల కోట్లు..
తాను వస్తున్న దారిలో వైసీపీ అభ్యర్థి వంగా గీతకు వడదెబ్బ తగిలి పడిపోయారని వార్తలు వస్తున్నాయిని గుర్తు చేశారు. గ్లాసు మీద ఓటు వేస్తే ఫ్యాన్ ఎగిరిపోవాలని కంక్లూజన్‌లో చెప్పుకొచ్చాడు. హైపర్ ఆది మాటలు విన్నవాళ్లు మాత్రం ఇలా హాయిగా నవ్వుకుని ఎన్ని రోజులైందని అక్కడి వచ్చినవాళ్లు చెప్పుకోవడం కొసమెరుపు.
జగన్ కల్తీ మద్యం తాగి.. ఒకడు వచ్చి హైపర్ ఆదిని అడిగినట్లు చెప్పు అని నాతోనే అంటున్నాడు..
ఇంకొకడైతే స్విచ్ ఆఫ్ అయిపోయిన ఫోన్ తెచ్చి సెల్ఫీ తీసుకుంటున్నాడు- హైపర్ ఆది
పిఠపురంలో నాగబాబు, వర్మతో కలిసి ప్రచారంలో పాల్గొన్న హైపర్ ఆది#JanasenaParty #hyperaadi #NagendraBabu #apnews… pic.twitter.com/WVSZUFhq3Y
— BIG TV Breaking News (@bigtvtelugu) May 2, 2024