AP News Updates: కోనసీమ కడుపులో గ్యాస్ నిల్వలు దాగుండటం వ్యాపారులకు లాభమైనా.. స్థానికులకు మాత్రమే శాపమే. తరుచూ అగ్నిప్రమాదాలతో పచ్చని పొలాల్లో ఎర్రటి మంటలు ఎగిసిపడుతుంటాయి. ప్రజలు భయాందోళనలతో బిక్కుబిక్కుమంటూ బతుకుతుంటారు. తాజాగా మరోసారి గ్యాస్ బాంబు బ్లోఅవుట్ అయింది.
అంబేద్కర్ కోనసీమ జిల్లాలో గ్యాస్ లీక్ కలకలం రేపుతోంది. ఆక్వా చెరువు దగ్గరున్న బోరు నుంచి గ్యాస్ లీక్ అవుతోంది. భారీగా మంటలు ఎగసిపడుతున్నాయ్. రాజోలు మండలం శివకోటిలోని ఘటన జరిగింది.
ఉదయం ఐదు గంటల నుంచి మంటలు ఎగసిపడుతున్నాయ్. 20 అడుగుల ఎత్తు వరకు మంటలు చెలరేగుతున్నాయి. అగ్నికీలలు అదుపు చేసేందుకు.. ఫైర్ సిబ్బంది, ఓఎన్జీసీ సిబ్బంది.. గంటల తరబడి తీవ్రంగా శ్రమిస్తున్నారు.
ఘటన జరిగిన చోట గతంలో గ్యాస్ కోసం సెస్మిక్ సర్వే జరిగినట్లు స్థానికులు చెబుతున్నారు. అదే ప్రదేశంలో 2 రోజుల క్రితం ఓ పాత బోరును మరింత లోతుకు తవ్వారు. ఇందువల్లే భూమిలోని గ్యాస్ బయటికి వచ్చి ఇలా మంటలు వస్తున్నట్టు అధికారులు అంటున్నారు. భూమిలో నుంచి నిరంతరాయంగా గ్యాస్ వస్తుండటంతో.. మంటలు కంట్రోల్ చేయడం సిబ్బందికి కష్టంగా మారింది. ఇంకా మంటలు అదుపులోకి రాకపోవడంతో భయాందోళన చెందుతున్నారు స్థానికులు.
Share
Congress: ఎన్నికల కాంగ్-రేస్.. కమిటీలు, పరిశీలకులతో జోష్..
Nara Lokesh: ఉడ్తా పంజాబ్లా ఏపీలో గంజాయి.. గవర్నర్కు లోకేశ్ ఫిర్యాదు..
