బ్రో సినిమా వివాదం మెగా ఫ్యాన్ ఫ్యామిలీ Vs వైసీపీ సర్కార్ గా మారుతోంది. తాజాగా ప్రభుత్వ వైఖరిని టార్గెట్ చేస్తూ మెగా స్టార్ చిరంజీవి విమర్శలు చేయడంతో వివాదం మరింత రాజుకుంది. చిరు కామెంట్స్ పై మాజీ మంత్రి కొడాలి నాని తీవ్రంగా స్పందించారు. చిరంజీవిపై ఘాటు వ్యాఖ్యలు చేశారు. తమ ప్రభుత్వానికి ఇచ్చే ఉచిత సలహాలు సినీ పెద్దలు సినీ పరిశ్రమలో ఉన్న పకోడి గాళ్లకి కూడా చెబితే బాగుంటుందంటూ కౌంటర్ ఇచ్చారు. రాజకీయాలు ఎందుకు? డ్యాన్సులు, ఫైట్స్ , యాక్షన్ గురించి మనం చూసుకుందాం అని చెప్పొచ్చు కదా అని అన్నారు.
వాల్తేరు వీరయ్య 200 రోజుల వేడుకలో చిరంజీవి వైసీపీ ప్రభుత్వాన్ని ఉద్దేశించి పరోక్షంగా విమర్శలు చేశారు. ప్రత్యేక హోదా, రహదారులు, ప్రాజెక్టుల నిర్మాణం, ఉద్యోగ-ఉపాధి అవకాశాల గురించి ఆలోచించాలని రాజకీయ నేతలకు సూచించారు. పేదల కడుపునింపే దిశగా ఆలోచించాలన్నారు. అలా చేస్తే అందరూ తలవంచి నమస్కరిస్తారని చెప్పుకొచ్చారు. కానీ పిచ్చుకపై బ్రహ్మాస్త్రంలా సినీ పరిశ్రమపై పడతారేంటని చురకలు అంటించారు.
ఇటీవల బ్రో సినిమాపై వివాదం రేగిన వివాదం నేపథ్యంలో చిరంజీవి చేసిన వ్యాఖ్యలు పెనుదుమారాన్ని రేపాయి. ఇన్నాళ్లు చిరంజీవి- ఏపీ సీఎం వైఎస్ జగన్ మధ్య మంచి సంబంధాలే ఉన్నాయి. సినిమా టికెట్ల వివాదం సమయంలో కూడా మెగాస్టార్‌.. జగన్‌తో భేటీ అయ్యి పలు అంశాలపై చర్చించారు. ప్రభుత్వం, ఇండస్ట్రీ మధ్య పెరుగుతున్న దూరాన్ని తగ్గించడంలో కీలక పాత్ర పోషించారు. కానీ బ్రో సినిమా వివాదం నేపథ్యంలో ఇప్పుడు మెగాస్టార్‌ చేసిన వ్యాఖ్యలు కాకరేపుతున్నాయి. తాజాగా కొడాలి నాని చేసిన వ్యాఖ్యలు వివాదాన్ని మరింత పెంచేలా ఉన్నాయి. ఈ ఇష్యూలోకి మెగా ఫ్యాన్స్ , జనసైనికులు ఎంటర్ అవుతారు. దీంతో పొలిటికల్ రచ్చ మరింత పెరగడం ఖాయం.
Share
Modi speech on No Confidence motion : అవిశ్వాస తీర్మానం.. ఇదే లాస్ట్ బాల్.. సిక్స్ కొట్టండి.. బీజేపీ ఎంపీలకు మోదీ సందేశం..
Gaddar: ఆ జర్నలిస్టు మరణం.. కేసీఆర్ మెడకు చుట్టుకుందా?
