MLA Arava Sridhar: తిరుపతి జిల్లా రైల్వేకోడూరు ఎమ్మెల్యే అరవ శ్రీధర్పై వచ్చిన లైంగిక వేధింపుల ఆరోపణల నేపథ్యంలో, జనసేన పార్టీ అధిష్ఠానం నియమించిన త్రిసభ్య కమిటీ నేడు విచారణ ప్రారంభించనుంది. ఈ వ్యవహారం రాష్ట్ర రాజకీయాల్లో సంచలనంగా మారడంతో, పార్టీ క్రమశిక్షణను కాపాడే దిశగా పవన్ కళ్యాణ్ ఈ కీలక నిర్ణయం తీసుకున్నారు. జనసేన ముఖ్య నేతలు శివశంకర్, టీసీ వరుణ్, రమాదేవిలతో కూడిన ఈ కమిటీ సమగ్ర విచారణ జరిపి నివేదిక సమర్పించనుంది.
రైల్వేకోడూరులోని రాజ్ రెసిడెన్సీ హోటల్ వేదికగా ఈ విచారణ ప్రక్రియ ఉదయం 11:30 గంటల నుండి కొనసాగనుంది. ఆరోపణలు ఎదుర్కొంటున్న ఎమ్మెల్యే అరవ శ్రీధర్ స్వయంగా కమిటీ ఎదుట హాజరై తన వివరణ ఇవ్వనున్నారు. ఆయనతో పాటు ఈ వ్యవహారంపై అవగాహన ఉన్న స్థానిక పార్టీ నేతలను కూడా కమిటీ విచారించనుంది. సమాచారం ఉన్న వారు మాత్రమే విచారణకు రావాలని పార్టీ స్పష్టం చేసింది.
గత వారం రోజులుగా సోషల్ మీడియాలో ఎమ్మెల్యేకు సంబంధించి వరుస వీడియోలు బయటకు రావడంతో ఈ వివాదం ముదిరింది. పబ్లిక్ డొమైన్లోకి వచ్చిన ఈ వీడియోల తీవ్రతను బట్టి, పార్టీ ప్రతిష్టకు భంగం కలగకూడదనే ఉద్దేశంతో అధిష్ఠానం తక్షణమే స్పందించింది. నిన్న జరిగిన పార్టీ అంతర్గత సమావేశంలో కూడా పవన్ కళ్యాణ్ కొందరు ఎమ్మెల్యేల తీరుపై తీవ్ర అసంతృప్తి వ్యక్తం చేయడం ఈ విచారణ ప్రాధాన్యతను పెంచింది.
విచారణ జరిగే రాజ్ రెసిడెన్సీ వద్ద ఎటువంటి అవాంఛనీయ సంఘటనలు జరగకుండా పోలీసులు భారీ భద్రతను ఏర్పాటు చేశారు. విచారణకు పిలుపు ఉన్న వారిని మాత్రమే హోటల్లోకి అనుమతిస్తున్నారు. ఎమ్మెల్యే అనుచరులు, పార్టీ కార్యకర్తలు పెద్ద ఎత్తున తరలి వచ్చే అవకాశం ఉండటంతో పోలీసులు అప్రమత్తంగా ఉన్నారు.
ఈ త్రిసభ్య కమిటీ విచారణ అనంతరం ఇచ్చే నివేదిక ఆధారంగా ఎమ్మెల్యేపై చర్యలు తీసుకునే అవకాశం ఉంది. ఆరోపణలు నిజమని తేలితే క్రమశిక్షణ చర్యలు కఠినంగా ఉంటాయని పార్టీ వర్గాలు భావిస్తున్నాయి. కేవలం రాజకీయ ప్రత్యర్థుల కుట్రనా లేక నిజంగానే ఎమ్మెల్యే తప్పు చేశారా అనేది ఈ కమిటీ నివేదికతో తేలిపోనుంది.
Also Read: పచ్చి బూతులకు ‘కాపు’ కాస్తారా? అంబటి కోసం ఆయన వచ్చారండోయ్!
జనసేన అధినేత పవన్ కళ్యాణ్ వ్యక్తిగత ప్రవర్తన, పార్టీ సిద్ధాంతాల విషయంలో రాజీపడబోమని ఇప్పటికే సంకేతాలిచ్చారు. ఈ విచారణ ఫలితం ఇతర ప్రజాప్రతినిధులకు ఒక హెచ్చరికలా నిలుస్తుందని విశ్లేషకులు భావిస్తున్నారు. ఈ రోజు సాయంత్రం లోపు కమిటీ తన ప్రాథమిక నివేదికను సిద్ధం చేసి అధిష్ఠానానికి అందజేసే అవకాశం ఉంది.
Share
Barabar Premista: యాటిట్యూడ్ స్టార్ చేసిన పనికి సీరియస్ అవుతున్న నెటిజన్లు.. ఎందుకంటే?
Nindu Noorella Saavasam Serial Today February 3rd: ‘నిండు నూరేళ్ల సావాసం’ సీరియల్: చంభా మీద దాడి చేసిన చిలుక
