మంటల్లో ట్రావెల్ బస్సు.. స్పాట్‌లో 19 మంది, తిరుపతి జిల్లాలో ఘటన

Tirupati District: ఎండాకాలం మాదిరిగా బస్సులు-లారీల్లో అగ్నిప్రమాద మంటనలు క్రమంగా పెరుగుతున్నాయి. తాజాగా తిరుపతి జిల్లాలో ఓ ట్రావెల్ బస్సు దగ్ధమైంది. ఘటన సమయంలో బస్సులో 19 మంది ఉన్నారు. డ్రైవర్-క్లీనర్ చాకచక్యంగా వ్యవహరించడంతో పెను ప్రమాదం తప్పింది. అసలు ఏం జరిగింది?

తిరుపతి జిల్లాలో ట్రావెల్ బస్సులో అగ్నిప్రమాదం

తిరుపతి జిల్లా ఓజిలి మండలం రాచపాళెం చెరువు కల్వర్టు సమీపంలో ఈ ఘటన జరిగింది. బాపట్ల నుంచి బెంగుళూరుకు వెళ్తోంది ఓ ట్రావెల్ కి చెందిన బస్సు. తెల్లవారుజామున NH-16పై రెండు గంటల సమయంలో ఒక్కసారిగా బస్సులో మంటలు మొదలయ్యాయి. ఆ తర్వాత క్రమంగా బస్సు అంతటా వ్యాపించాయి. మంటలు రావడాన్ని గమనించిన డ్రైవర్.. ప్రయాణికులు, సిబ్బందిని సురక్షితంగా బస్సు నుంచి కిందకు దించివేశారు. వెంటనే ఘటన గురించి ఫైర్ సిబ్బంది సమాచారం ఇచ్చారు. అప్పటికే బస్సు దాదాపు దగ్దమైనట్టు తెలుస్తోంది.

మంటల్లో ట్రావెల్ బస్సు.. స్పాట్‌లో 19 మంది

ఘటన నేపథ్యంలో ఆ ప్రాంతం మీదుగా వెళ్లే వాహనాల రాకపోకలకు తీవ్ర అంతరాయం ఏర్పడింది. వాహనాన్ని పక్కకు తొలగించి ట్రాఫిక్‌ క్లియర్ చేశారు అధికారులు. బస్సు నెంబరు AR 01 S 6404 కాగా, ఘటన సమయంలో బస్సులో 19 మంది ప్రయాణికులు, ఇద్దరు డ్రైవర్లు, ఒక క్లీనర్ ఉన్నారు. షార్ట్ సర్క్యూట్ కారణంగానే మంటలు చెలరేగినట్లు ప్రాథమిక సమాచారం. డ్రైవర్ చాకచక్యంగా వ్యవహరించడంతో పెను ప్రమాదం తప్పిందని అంటున్నారు ప్రయాణికులు. ఈ ఘటన గురించి తెలియగానే ప్రయాణికుల బంధువులు పదే పదే అధికారులకు ఫోన్ చేసి ఏమైందంటూ కనుక్కోవడం మొదలుపెట్టారు.

ALSO READ: బీసీల విషయంలో టీడీపీ భారీ స్కెచ్.. 80 కులాలపై పల్లా కీలక ప్రకటన!