Rising Oil Prices: పశ్చిమాసియా అంతటా పోరాటాల నేపథ్యంలో ఘర్షణకు తాము సిద్ధంగా ఉన్నామని ఇరాన్ ప్రకటించింది. దీంతో సెప్టెంబర్ 10న అనగా గురువారం చమురు ధరలు స్వల్పంగా పెరిగాయి. బ్రెంట్ క్రూడ్ బ్యారెల్కు 102 డాలర్లకు చేరువయ్యింది. ఇదే కంటిన్యూ అయితే పలు దేశాలకు ఇబ్బంది తప్పవనే వాదన బలంగా పెరుగుతోంది.
పెట్రోల్, డీజిల్ ధరలు తగ్గుతాయన్న సామాన్యుడి ఆశలు ఆవిరయ్యాయి. ధరలు ఎంత పెరుగుతాయనే దానిపై ఆందోళన మొదలైంది. అమెరికా వ్యవహారంపై ఇరాన్ ఘాటు హెచ్చరికలు చేసింది. యుద్ధానికి సిద్ధమవుతామని శపథం చేసింది. ఫలితంగా చమురు ధరల పెరుగుదలకు మరింత ఆజ్యం పోసింది. బ్రెంట్ క్రూడ్ ధర బ్యారెల్కు 102 డాలర్లు సమీపంలో ఉంది. డబ్ల్యూటీఐ- WTI బ్యారెల్కు 100 డాలర్ల వద్ద ట్రేడవుతోంది. దీంతో భారత్కు చమురు కష్టాలను తీవ్రతరమైంది. కేవలం పెట్రోల్, డీజిల్ కాకుండా, ముడి చమురుతో తయారయ్యే ప్రతి ఉత్పత్తి ధరలు పెరుగుతాయనే భయం మొదలైంది. పెయింట్, ప్లాస్టిక్, నెయిల్ పాలిష్ వరకు అన్నింటిపై ముడి చమురు ధర ప్రభావం చూపుతుందని ఓ అంచనా.
భారత్ తన చమురు అవసరాలలో 90 శాతం దిగుమతి చేసుకుంటోంది. దిగుమతుల బిల్లులు అమాతంగా పెరగనుంది. ముడి చమురు కొనుగోలుకు ఎక్కువగా డాలర్లు చెల్లించాల్సి ఉంటుంది. ఇదే క్రమంలో కొన్ని ప్రశ్నలు తలెత్తుతున్నాయి. దేశంలో పెట్రోల్, డీజిల్ ధరల పెరుగుదల మళ్లీ మొదలవుతుందా? అన్న ప్రశ్నలు లేకపోలేదు. గడిచిన మూడు నెలలుగా పెట్రోల్, డీజిల్ ధరలు మార్పులేదు. ఢిల్లీలో పెట్రోల్ ధర లీటరుకు రూ. 102.12 ఉండగా, డీజిల్ ధర లీటరుకు రూ. 95.20గా ఉంది. చివరిసారి మే 25న ధరలను సవరించింది కేంద్రం. అప్పుడు పెట్రోల్ ధర లీటరుకు రూ.2.61, డీజిల్ ధర లీటరుకు రూ. 2.71 పెంచారు. ఆ తర్వాత నాలుగు సందర్భాల్లో ఆయా ధరలను చెరో రూ. 7.50 చొప్పున పెంచారు.
ALSO READ: పసిడి ప్రియులకు పంగడే.. దిగొస్తున్న లోహాల ధరలు, తులం ఎంతంటే..
ముడి చమురు ధరల పెరుగుదలతో ఇండియన్ ఆయిల్ కార్పొరేషన్, భారత్ పెట్రోలియం కార్పొరేషన్ లిమిటెడ్, హిందుస్థాన్ పెట్రోలియం కార్పొరేషన్ లిమిటెడ్ వంటి కంపెనీల లాభాలపై ఒత్తిడిని పెరుగుతుంది. ప్రస్తుతం చమురు రంగ కంపెనీలు పెట్రోల్పై లీటరుకు సుమారు రూ.5, డీజిల్పై లీటరుకు రూ. 23 నష్టాలను చవి చూస్తున్నాయి. ఇరాన్ సీనియర్ అధికారి మాటల ప్రకారం.. అమెరికా తమ భూభాగంపై దాడులు కొనసాగిస్తే ఇరాన్ తన దాడులను తీవ్రతరం చేస్తుందని చెప్పకనే చెప్పారు. నవంబరులో జరిగే మధ్యంతర ఎన్నికల తర్వాత యుద్ధం ముగుస్తుందన్నారు అమెరికా అధ్యక్షుడు ట్రంప్. అప్పటివరకు చమురు ధరల్లో చెప్పుకోదగ్గ ఉపశమనం ఏమీ ఉండదని అంచనా వేశారు. గడిచిన ఏడు నెలలుగా కొనసాగుతున్న సంఘర్షణ ఇప్పట్లో సద్దుమణిగే అవకాశం కనిపించలేదు.
Share
భారీ బ్యాటరీ, వాటర్ ప్రూఫ్ ఫీచర్తో Oppo A7 Pro లాంచ్.. ధర ఎంతంటే?
ఫ్యాన్స్ కి విజయ్ దేవరకొండ పిలుపు!
