Road Accident: ప్రకాశం జిల్లాలో శనివారం ఉదయం ఘోర రోడ్డు ప్రమాదం చోటు చేసుకుంది. ఈ ఘటనలో నలుగురు వ్యక్తులు స్పాట్లో మృతి చెందారు. కారులోని కొత్త దంపతులు స్వల్పగాయాలతో బయటపడ్డారు. అసలు ఘటన ఎలా జరిగింది? డ్రైవర్ నిర్లక్ష్యమే ఇందుకు కారణమా? పోలీసులు ఏం చెబుతున్నారు?
ప్రకాశం జిల్లాలోని పెళ్లూరు సమీపంలో పెళ్లి బృందంతో వెళ్తున్న కారు ప్రమాదానికి గురైంది. వేగంగా వెళ్తున్న కారు అదుపు తప్పి కల్వర్టును బలంగా ఢీకొని, సైడున ఉన్న కాల్వలో పడిపోయింది. ఈ ఘటనలో నలుగురు వ్యక్తులు మృతి చెందారు. సీట్ల కింద వారంతా నుజ్జు నుజ్జు అయ్యారు. తిరుమల స్వామి దర్శనం తర్వాత బాపట్ల వస్తుండగా ఈ ప్రమాదం జరిగింది. ఘటన సమయంలో కారులో ఆరుగురు ఉన్నారు.
డ్రైవర్ ప్రవీణ్, వెంకట్రావు, సుజాత, సీతామహాలక్ష్మి మరణించారు. కొత్త దంపతులు శ్రీతేజ-కౌశల్య స్వల్ప గాయాలతో బయటపడ్డారు. ప్రమాదం గురించి తెలియగానే స్థానికులు అక్కడికి చేరుకున్నారు. వెంటనే అంబులెన్సు, పోలీసులకు సమాచారం ఇచ్చారు. గాయపడిన నూతన దంపతులను ఒంగోలు రిమ్స్ ఆసుపత్రికి తరలించారు.ఈ ప్రమాదానికి డ్రైవర్ నిద్ర మత్తు వల్ల జరిగినట్లు అనుమానం వ్యక్తం చేస్తున్నారు.
బాపట్ల జిల్లాలకు చెందిన శ్రీతేజ-కౌశల్య నవంబర్ 18న రాత్రి వివాహం జరిగింది. పెళ్లి తర్వాత 19న రాత్రి తిరుమలకు బయలుదేరారు. 20న దర్శన తర్వాత అక్కడి నుంచి బాపట్ల వస్తుండగా ప్రకాశం జిల్లాలో ఈ ఘటన జరిగింది. మరో గంటల సమయంలో ఇంటికి చేరుకుంటామని భావిస్తున్న తరుణంలో ఈ ఘటన జరిగింది. నిద్రమత్తు వల్ల ఈ ఘటన జరిగిందని అంటున్నారు. మృతి చెందిన వారిని ప్రభుత్వ ఆసుపత్రికి తరలించారు. దీంతో ఆసుపత్రి ప్రాంగణం విషాదచాయలు అలముకున్నాయి.
ALSO READ: సామాన్యుడికి సీఎం చంద్రబాబు గుడ్ న్యూస్.. ఇక ఆ ధరలకు కళ్లెం పడినట్లే!