Amaravati: టెక్నాలజీ అందుబాటులోకి వచ్చాక అందుకు అనుగుణంగా అడుగులు వేస్తోంది చంద్రబాబు సర్కార్. ప్రజలకు వేగంగా సేవలు అందించేందుకు శ్రీకారం చుట్టింది. వాట్సాప్ ద్వారా పలు రకాల సేవలను అందుబాటులోకి తెచ్చింది. తాజాగా కొత్త వాహనాల రిజిస్ట్రేషన్ కేవలం 24 గంటల్లోనే పూర్తి చేయనుంది.
ఏపీలో కొత్త వాహనాల కొనుగోలుదారులకు శుభవార్త
వాహనాదారులు కొనుగోలు వినియోగాదారులు రిజిస్ట్రేషన్‌కు రోజుల తరబడి వెయిట్ చేయాల్సిన రోజులు. దీనిపై కూటమి ప్రభుత్వం దృష్టి సారించింది. కొత్త వాహనాల రిజిస్ట్రేషన్ 24 గంటల్లోనే పూర్తి చేసేలా అడుగులు వేసింది. డీలర్ వాహనానికి తాత్కాలిక రిజిస్ట్రేషన్ చేయడం, ఆ తర్వాత రవాణా శాఖ అధికారులు ఆమోదం తెలిపేవారు. చివరగా శాశ్వత రిజిస్ట్రేషన్ ప్రక్రియ పూర్తి చేయాల్సి ఉండేది.
ఈ ప్రాసెస్ మొత్తానికి వినియోగదారులు రోజుల తరబడి వేచి చూడాల్సి వచ్చేది. ఈ వ్యవహారం సీఎం చంద్రబాబు దృష్టికి వెళ్లడం, దానిపై చర్చించడం చకచకా జరిగిపోయింది. రిజిస్ట్రేషన్ విషయంలో ఆలస్యం కాకుండా వాహనదారులు వెంటనే రిజిస్ట్రేషన్ జరిగేలా చూడాలని ఆదేశించారు. ఈ నేపథ్యంలో ఏపీ రవాణా శాఖ కొత్త విధానాన్ని అమల్లోకి తీసుకొచ్చింది.
ఇకపై 24 గంటల్లో వాహనాల రిజిస్ట్రేషన్, వినియోగదారుల ఫుల్‌ఖుషీ
ఈ వారంలో ప్రభుత్వం ఆమోదముద్ర వేయనుంది. ఏపీ వ్యాప్తంగా దాదాపు 27 వేల వాహనాలు శాశ్వత రిజిస్ట్రేషన్లు అధికారుల వద్ద పెండింగ్‌లో ఉన్నాయి. రిజిస్ట్రేషన్‌కు గడువు లేకపోవడంతో ప్రతీ రోజూ పెరుగుతూ వస్తోంది. కొత్తగా రానున్న రూల్స్ ప్రకారం.. రవాణా శాఖ అధికారులు రిజిస్ట్రేషన్ ప్రక్రియ కచ్చితంగా 24 గంటల్లో పూర్తి చేయాలి.
వాహనానికి తాత్కాలిక రిజిస్ట్రేషన్ డీలర్ చేసిన తర్వాత ఫ్యాన్సీ నంబరు కోరుకునే వాహనాల తప్పా మిగిలిన వాటి అప్లికేషన్లను అధికారులు పరిశీలించి 24 గంటల లోపు ఆమోదించాల్సి ఉంటుంది. శాశ్వత రిజిస్ట్రేషన్, అలాగే నెంబర్ జనరేట్‌ చేసే ప్రక్రియ నిర్ణీత గడువు లోపే పూర్తి చేయాలి.
ALSO READ: ఏపీకి ఎవ‌రుస్తున్నారో చెప్పుకోండి.. నారా లోకేష్ ఏఐ వీడియో వైరల్
ఒకవేళ అధికారులు 24 గంటల్లో ఆ ప్రక్రియ చేయకుండా జాప్యం చేసినా ఆటోమేటిక్‌గా రిజిస్ట్రేషన్‌కు ఆమోదం లభించనుంది. ఆన్‌లైన్‌లో అధికారులు సెలవురోజైనా ఆమోదించవచ్చని ఆ శాఖ అధికారులు చెబుతున్నమాట. తాత్కాలిక రిజిస్ట్రేషన్‌తోపాటు శాశ్వత రిజిస్ట్రేషన్ అధికారాన్ని వాహన డీలర్‌కే అప్పగించాలని భావించారు.
ఈ విషయాన్ని అధికారులకు సీఎం చంద్రబాబు చెప్పారు. ఆ విధంగా చేస్తే న్యాయపరంగా చిక్కులు వస్తాయని రిజిస్ట్రేషన్ అధికారం రవాణా శాఖ వద్ద ఉండాలని అధికారులు పేర్కొన్నారు. ఈ నేపథ్యంలో 24 గంటల్లో రిజిస్ట్రేషన్ ప్రక్రియ పూర్తయ్యే విధానానికి శ్రీకారం చుట్టింది ఏపీ రవాణా శాఖ. కొత్త విధానానికి సంబంధించిన ఫైల్ ప్రభుత్వం ఆమోదించగానే అమల్లోకి రానుంది.
Share
Brahmamudi Serial Today Episode May 8th ‘బ్రహ్మముడి’ సీరియల్‌: రాజును పెళ్లి చేసుకుని ఇంటికి వెళ్లిన ఇందు 
క్లీనర్ గా వెళ్తే బయటపడే దిమ్మతిరిగే సీక్రెట్... ఇకపై ప్రాణాలపై ఆశ ఉంటే పని మనిషిగా వెళ్లరు
