Vijayawada Fire: విజయవాడ ఆటోనగర్లో ఈరోజు భారీ అగ్నిప్రమాదం చోటుచేసుకుంది. ఆటోనగర్లోని నాలుగో క్రాస్ రోడ్ వద్ద ఉన్న ఒక పిల్లల ఆటవస్తువుల తయారీ గోడౌన్లో ఒక్కసారిగా మంటలు చెలరేగాయి. లోపల ప్లాస్టిక్, ఇతర మండే స్వభావం ఉన్న ఆటవస్తువులు భారీగా నిల్వ ఉండటంతో.. మంటలు క్షణాల్లోనే గోడౌన్ మొత్తం వ్యాపించాయి. దట్టమైన పొగ ఆ ప్రాంతమంతా కమ్ముకుంది. దీంతో స్థానికులు, పక్కనే ఉన్న పరిశ్రమల కార్మికులు తీవ్ర భయాందోళనకు గురయ్యారు.
ప్రాథమిక సమాచారం ప్రకారం.. గోడౌన్లో జరిగిన విద్యుత్ షార్ట్ సర్క్యూట్ వల్లే ఈ ప్రమాదం సంభవించినట్లు తెలుస్తోంది. ఈ అగ్నిప్రమాదంలో తయారైన ఆటవస్తువులతో పాటు విలువైన యంత్రాలు, ముడిసరుకు పూర్తిగా కాలిబూడిదయ్యాయి. దీనివల్ల సుమారు రూ.2 కోట్ల వరకు ఆస్తి నష్టం వాటిల్లి ఉంటుందని ప్రాథమికంగా అంచనా వేస్తున్నారు.
సమాచారం అందుకున్న వెంటనే అగ్నిమాపక సిబ్బంది ఫైర్ ఇంజన్లతో ఘటనా స్థలానికి చేరుకున్నారు. మంటలు పక్కనే ఉన్న ఇతర గోడౌన్లకు వ్యాపించకుండా సిబ్బంది తీవ్రంగా శ్రమిస్తూ, మంటలను అదుపులోకి తెచ్చే ప్రయత్నం చేస్తున్నారు. అదృష్టవశాత్తూ ఈ ఘటనలో ఎవరికీ ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.
విజయవాడ ఆటోనగర్లో అగ్నిప్రమాదం..
విజయవాడ ఆటోనగర్ నాలుగో క్రాస్ రోడ్ వద్ద ఉన్న పిల్లల ఆటవస్తువులు తయారు చేసే గోడౌన్లో భారీ అగ్నిప్రమాదం సంభవించింది. షార్ట్ సర్క్యూట్ కారణంగా మంటలు చెలరేగి సుమారు రూ.2 కోట్ల మేర ఆస్తి నష్టం వాటిల్లినట్లు నిర్వాహకులు అంచనా వేస్తున్నారు. అగ్నిమాపక… pic.twitter.com/QM6meKzMpK
— BIG TV Breaking News (@bigtvtelugu) November 21, 2026
Also Read: స్క్రిప్ట్ బీఆర్ఎస్ది.. ప్రజెంటేషన్ బీజేపీది.. కిషన్ రెడ్డిపై చామల ఫైర్