Another Shock to YSRCP: వైసీపీకి మరో షాక్..? రేపో మాపో టీడీపీ గూటికి మరో వైసీపీకి మరో నేత..?

Visakha YSRCP East Vijayanirmala going to Join TDP: విశాఖ సిటీలో వైసీపీకి ఊహించని షాక్. ఇప్పటికే సిటీలోని చాలామంది నేతలు ఫ్యాన్ పార్టీకి గుడ్ బై చెప్పేశారు. కొందరు టీడీపీకి, మరికొందరు జనసేన గూటికి వెళ్లిపోయారు. ఇంకా ఆ జాబితాలో చాలామంది నేతలు ఉన్నట్లు తెలుస్తోంది. తాజాగా బిగ్ టీవీకి అందుతున్న సమాచారం మేరకు విశాఖ తూర్పు నియోజకవర్గం మాజీ ఇన్‌ఛార్జ్ అక్కరమాని విజయనిర్మల తెలుగుదేశంలోకి వెళ్లేందుకు ప్లాన్ చేస్తున్నారు.

ఇప్పటికే ఆ జిల్లా నేతలతో విజయనిర్మల మాట్లాడారు. పార్టీ హైకమాండ్ నుంచి సానుకూల సంకేతాలు రావడంతో రేపోమాపో సైకిల్ ఎక్కడం ఖాయమని అంటున్నారు. ఆమె పార్టీ మారడం వెనుక కారణాలు చాలానే ఉన్నాయట. నియోజకవర్గం ఇన్‌ఛార్జ్‌గా ఉన్న ఆమెని తప్పించి ఎంపీ ఎంవీవీ సత్యనారాయణకు ఆ బాధ్యతలను అప్పగించింది. సిట్టింగ్ ఎమ్మెల్యే వెలగపూడికి వ్యతిరేకంగా ఆమె ఎన్నో పోరాటాలు చేశారు. అయినా ఇన్‌ఛార్జ్ పదవి నుంచి తప్పించడంపై ఆమె సైలెంట్ అయిపోయారు.

Also Read: స్వామి చుట్టూ రోజా, ‘జబర్దస్త్’ దోపిడీ

రెండోసారి విజయకు వీఎంఆర్డీఏ ఛైర్‌పర్సన్‌గా నియమించినా, ఆ పదవిపై విజయనిర్మల ఆసక్తి చూడలే దు. ముఖ్యంగా పార్టీలో యాదవ వర్గానికి సముచిత స్థానం కల్పించకపోవడంతో పార్టీకి దూరంగా ఉంటూ వచ్చారు. ఆమె అసంతృప్తిని గమనించిన సైకిల్ పార్టీ నేతలు ఆమెతో మంతనాలు సాగించారు. ఈ నేపథ్యంలో టీడీపీలోకి చేరడానికి రంగం సిద్ధం చేసుకున్నట్లు సమాచారం. ఆదివారం టీడీపీ అధినేత చంద్రబాబుతో భేటీ కావాలని ఆమె భావించారు. అనివార్య కారణాల వల్ల కాలేదు. వీలైతే సోమవారం లేదా మంగళవారం బాబుతో భేటీకానున్నారు విజయనిర్మల. వెంటనే టీడీపీ పార్టీ కండువాను కప్పుకోనున్నారు.