భారతీయ కారు మార్కెట్ లో కొన్ని మోడళ్లు ఉత్పత్తి నిలిచిపోయినా, వాటి ఉన్న క్రేజ్ ఇప్పటికీ చెక్కు చెదరలేదు. చక్కటి పర్ఫార్మెన్స్, మంచి బిల్డ్ క్వాలిటీ, లో మెయింటెనెన్స్ ఖర్చులు, రిలయబులిటీతో సెకండ్ హ్యాండ్ మార్కెట్ లో ఇప్పటికీ మంచి డిమాండ్ ఉంది. ఒకవేళ మీరు కూడా యూజ్డ్ కారు కొనాలని భావిస్తే, ఈ ఐదు మోడళ్లను ఓసారి చెక్ చేయండి.
1 ఫోర్డ్ ఎకోస్పోర్ట్
భారత్ లో కాంపాక్ట్ SUVలకు మంచి గుర్తింపు తీసుకొచ్చిన కార్లలో ఫోర్డ్ ఎకోస్పోర్ట్ టాప్ లో ఉంటుంది. మంచి బిల్డ్ క్వాలిటీ, స్మూత్ డ్రైవింగ్ ఎక్స్ పీరియెన్స్, హైవే మీద స్టేబుల్ పర్ఫార్మెన్స్ ను అందిస్తుంది. ముఖ్యంగా 1.5 లీటర్ డీజిల్ ఇంజిన్, 1.0 లీటర్ ఎకోబూస్ట్ టర్బో పెట్రోల్ ఇంజిన్ ఇప్పటికీ కార్ లవర్స్ ను ఆకట్టుకుంటున్నాయి. ఫోర్డ్ భారత్ నుంచి వెళ్లిపోయినా, ఈ మోడల్ కు సెకండ్ హ్యాండ్ మార్కెట్ లో మంచి ఆదరణ ఉంది.
హోండా సివిక్ కారు చాలా మంది డ్రీమ్ కార్ గా భావిస్తారు. ఆకట్టుకునే డిజైన్, స్మూత్ ఇంజిన్, మంచి హ్యాండ్లింగ్ ఆకట్టుకుంటుంది. చివరిగా విడుదలైన 10వ తరం మోడల్ లో 1.8 లీటర్ పెట్రోల్, 1.6 లీటర్ డీజిల్ ఇంజిన్ ఆప్షన్లు ఉన్నాయి. దీని డ్రైవింగ్ కంఫర్ట్, హై స్పీడ్ స్టెబిలిటీ ఇప్పటికీ ఆకట్టుకుంటాయి. హోండా 2009 తర్వాత తయారు చేసిన కార్లు E20 ఫ్యూయల్ కు అనుకూలంగా ఉండటంతో ఈ కారు భవిష్యత్తులో మంచి ఆప్షన్ గా మారుతుంది.
హ్యాచ్ బ్యాక్ విభాగంలో హోండా జాజ్ కు ప్రత్యేక స్థానం ఉంది. బయటకు చిన్నగా కనిపించినా, లోపల పెద్ద క్యాబిన్ అందిస్తుంది. 1.2 లీటర్ i-VTEC పెట్రోల్ ఇంజిన్ రిలయబులిటీ, తక్కువ మెయింటెనెన్స్ ఖర్చుల కారణంగా బాగా పాపులర్ అయ్యింది. కుటుంబ అవసరాలకు, రోజువారీ వినియోగానికి ఈ కారు అనుకూలంగా ఉంటుంది. సెకండ్ హ్యాండ్ కారు కొనాలనుకునేవారికి బెస్ట్ ఆప్షన్ గా చెప్పుకోవచ్చు.
మారుతి సుజుకి ఇగ్నిస్ యూత్ ను బాగా ఆకట్టుకుంటుంది. డిజైన్ అందరికీ నచ్చకపోయినా, డ్రైవింగ్ ఎక్స్ పీరియెన్స్ చాలా బాగుంటుంది. 1.2 లీటర్ K-సిరీస్ పెట్రోల్ ఇంజిన్ పనితీరు, తక్కువ మెయింటెనెన్స్ ఖర్చుల కారణంగా ఎక్కువ మంది ఇష్టపడుతారు. రోజువారీ ప్రయాణాలకు అనుకూలంగా ఉంటుంది.
పెద్ద ఫ్యామిలీ కోసం మంచి MPV కావాలనుకునేవారికి మహీంద్రా మరాజో బాగుంటుంది. 7, 8 సీట్లతో ఉండే ఈ కారు సౌకర్యంగా ఉంటుంది. 1.5 లీటర్ డీజిల్ ఇంజిన్ తో పాటు పెద్ద క్యాబిన్, రూఫ్ మౌంటెడ్ AC, కెప్టెన్ సీట్ల ఆకట్టకుంటాయి. భద్రత పరంగా కూడా మంచి గుర్తింపు తెచ్చుకుంది.
Read Also: హీరో జూమ్ 125 అడ్వెంచర్ డిజైన్ కు పేటెంట్.. త్వరలో మార్కెట్ లోకి క్రేజీ స్కూటర్ ఎంట్రీ!
Share
అదిరిపోయే లుక్, సూపర్ ఫీచర్లతో.. మార్కెట్ను షేక్ చేస్తున్నస్మార్ట్ వాచ్
ఆదిభట్ల గౌరా ఎయిరోస్పేస్లో భారీ అగ్నిప్రమాదం.. ఎగిసిపడిన మంటలు, రంగంలోకి ఫైర్ ఫైటర్స్!
