E-Paper
Advertisement

ఒకప్పుడు సామాన్యుల కారు.. ఇప్పుడు ప్రపంచ స్థాయి గుర్తింపు.. మారుతి 800కు అరుదైన గౌరవం!

ఒకప్పుడు సామాన్యుల కారు.. ఇప్పుడు ప్రపంచ స్థాయి గుర్తింపు.. మారుతి 800కు అరుదైన గౌరవం!
Advertisement

Maruti 800 FIVA Award: భారతీయ కార్ల చరిత్రలో చెరగని ముద్ర వేసుకున్న మారుతి 800 మరో అరుదైన ఘనత సాధించింది. ప్రతిష్టాత్మకమైన FIVA వరల్డ్ వెహికల్ హెరిటేజ్ అవార్డును సొంతం చేసుకుంది. ఈ అవార్డును అందుకున్న తొలి, ఏకైక భారతీయ కారుగా మారుతి 800 గుర్తింపు పొందింది. ఒకప్పుడు సామాన్యుల సొంత కారు కలను నిజం చేసిన ఈ మోడల్‌ కు ఇప్పుడు ప్రపంచ స్థాయిలో గౌరవం దక్కింది.

21 దేశాల నుంచి పోటీ.. భారత్ నుంచి ఒక్కటే!

చారిత్రక, సాంస్కృతిక ప్రాధాన్యం ఉన్న వాహనాలను గుర్తించేందుకు అంతర్జాతీయ సంస్థ ఫెడరేషన్ ఇంటర్నేషనల్ డెస్ వెహిక్యూల్స్ ఆన్సియన్స్ (FIVA) ఈ అవార్డులను అందిస్తోంది. ఈసారి అమెరికా, బ్రెజిల్, జర్మనీ, ఫ్రాన్స్, ఆస్ట్రియా, స్లోవేనియా సహా 21 దేశాలకు చెందిన వాహనాలు ఈ గుర్తింపు కోసం ఎంపికయ్యాయి. అయితే భారత్ నుంచి ఈ జాబితాలో చోటు దక్కించుకున్న ఏకైక కారు మారుతి 800 కావడం విశేషం. ఈ అవార్డు ఎంపికలో కేవలం కారు విలువ, అరుదైన మోడల్ అనే అంశాలనే చూడలేదు. ప్రజల జీవితాలపై ఆ వాహనం చూపిన ప్రభావం, దేశ పారిశ్రామిక అభివృద్ధికి అందించిన సహకారాన్ని కూడా పరిగణనలోకి తీసుకున్నారు. ఈ ప్రమాణాల్లో మారుతి 800 ప్రత్యేకతను చాటుకుంది.

1983లో ప్రారంభమైన చారిత్రక ప్రయాణం

Advertisement

భారత ప్రభుత్వం, జపాన్‌కు చెందిన సుజుకి మోటార్ కార్పొరేషన్ భాగస్వామ్యంతో మారుతి 800 తయారైంది. SS80 పేరుతో వచ్చిన ఈ కారు 1983 డిసెంబర్‌లో భారత మార్కెట్లోకి అడుగుపెట్టింది. తొలి మారుతి 800ను హర్పాల్ సింగ్‌కు అందజేశారు. ఆ కారు రిజిస్ట్రేషన్ నంబర్ DIA 6479. ప్రస్తుతం ఈ చారిత్రక కారును ఢిల్లీలోని మారుతి సుజుకి ప్రధాన కార్యాలయంలో భద్రపరిచి ప్రదర్శిస్తున్నారు. తాజాగా ప్రకటించిన FIVA అవార్డు కూడా ఈ మొదటి మారుతి 800కే దక్కడం మరో విశేషం.

భారత ఆటోమొబైల్ రంగానికి గుర్తింపు

మారుతి సుజుకి ఛైర్మన్ ఆర్.సి. భార్గవ ఈ అవార్డు పట్ల సంతోషం వ్యక్తం చేశారు. చిన్న స్థాయిలో ప్రారంభమైన మారుతి 800, దేశ ఆటోమొబైల్ పరిశ్రమ ఎదుగుదలకు బలమైన పునాది వేసిందన్నారు. నాణ్యమైన కార్లను దేశీయంగా తయారు చేసే సామర్థ్యం భారత్‌కు ఉందని ఈ మోడల్ నిరూపించిందన్నారు.

FIVA అవార్డు ప్రత్యేకత ఏంటి?   

Advertisement

చారిత్రక వాహనాల పరిరక్షణ కోసం పనిచేస్తున్న అంతర్జాతీయ లాభాపేక్షలేని సంస్థ FIVA. దీనికి యునెస్కోతో ప్రభుత్వేతర భాగస్వామ్యం కూడా ఉంది. వాహనాలు కేవలం ప్రయాణ సాధనాలు మాత్రమే కాకుండా, ఒక దేశ చరిత్ర, సంస్కృతి, అభివృద్ధిలో భాగమని ఈ సంస్థ గుర్తుచేస్తోంది. ఈ నేపథ్యంలో మారుతి 800కు లభించిన అవార్డు భారత ఆటోమొబైల్ పరిశ్రమకు గర్వకారణంగా నిలిచింది. లక్షలాది కుటుంబాల కారు కలను నిజం చేసిన ఈ మోడల్‌కు అంతర్జాతీయంగా గుర్తింపు రావడం నిజంగా అద్భుతం అని చెప్పుకోవచ్చు.

Read Also: కియా సైరోస్ EV vs టాటా నెక్సాన్ EV.. రేంజ్ టెస్ట్‌లో గెలిచిందెవరో తెలుసా?

Tags

Related News

ఒకటి కాదు, ఒకేసారి మూడు కొత్త ఎలక్ట్రిక్ స్కూటర్లు.. ఓలా, ఏథర్‌కు ఇక చుక్కలే!

విడుదలైన నెలలోనే దుమ్మురేపిన బేయాన్.. వామ్మో.. అన్ని కార్లు అమ్ముడయ్యాయా?

కియా సైరోస్ EV vs టాటా నెక్సాన్ EV.. రేంజ్ టెస్ట్‌లో గెలిచిందెవరో తెలుసా?

క్రాష్ టెస్టులో దుమ్మురేపిన మహీంద్రా XEV 9S.. టాటా సఫారీని కూడా వెనక్కి నెట్టినట్టేనా?

టాటా నెక్సాన్ EVకి కొత్త పోటీ.. 370 కి.మీ రేంజ్‌తో విన్‌ఫాస్ట్ VF5 వచ్చేస్తోంది!

మార్కెట్లోకి వచ్చిన 6 నెలల్లోనే ఔట్.. పల్సర్ 180 మళ్లీ దొరకదా?

పెట్రోల్, డీజిల్ కాదు.. కంప్లీట్ ఎలక్ట్రిక్ డిఫెండర్ వచ్చేస్తోంది!

Big Stories

Advertisement
×