Best bikes under 1 lakh: బైక్ అంటే ఎవరికి ఇష్టం ఉండదు? ప్రత్యేకంగా అబ్బాయిలకు అయితే బైక్ అంటే ఓ ప్రత్యేకమైన క్రేజ్‌. మార్కెట్‌లో కొత్త కొత్త మోడల్స్‌ వస్తూనే ఉన్నాయి. కానీ ఎక్కువమంది మొదట చూసేది బడ్జెట్‌నే. ఒక లక్ష రూపాయల లోపలే ఇప్పుడు చాలా మంచి బైక్‌లు, స్కూటర్లు లభ్యం అవుతున్నాయి. మైలేజ్, స్టైల్, ఫీచర్స్‌, సౌకర్యం ఎవరి అవసరమైతే వారికి తగ్గట్టు ఎన్నుకోవడానికి మంచి ఎంపికలు ఉన్నాయి. వాటిని ఇప్పుడు తెలుసుకుందామా!
హోండా SP 125 – రూ.94,221
హోండా నుంచి వచ్చిన ఈ బైక్ తేలికగా ఉండి, నగర ప్రయాణాలకు చాలా సౌకర్యవంతంగా ఉంటుంది. 10.7 బీహెచ్‌పి పవర్ ఇస్తుంది, బరువు సుమారు 116 కేజీ కాబట్టి హ్యాండ్లింగ్ సులభం. మైలేజ్ సుమారు 63కేఎంపీఎల్ రావడంతో ఆర్థికంగా కూడా సరిపోతుంది. హోండా సర్వీస్ నెట్‌వర్క్ విస్తృతంగా ఉండడం వల్ల నిర్వహణ సులభం. మైలేజ్, విశ్వసనీయత కలిసిన మంచి ఎంపిక.
హీరో స్ప్లెండర్ ప్లస్ – రూ.79,418
భారతదేశంలో ఎక్కువగా సేల్ అయ్యే బైక్‌లలో ఇది ఒకటి. తక్కువ ధరతో పాటు తక్కువ నిర్వహణ ఖర్చు ఉండటంతో ప్రతి ఇంటికీ సరిపోయేలా ఉంటుంది. మైలేజ్ సుమారు 61 కేఎంపీఎల్ ఇవ్వగలదు కాబట్టి రోజువారీ కమ్యూట్‌కు ఆర్థికంగా బాగుంటుంది. సింపుల్ లుక్‌తో సర్వీస్ సులభంగా లభిస్తుంది. ఎకనామికల్‌గా బడ్జెట్ రైడర్స్‌కి పర్ఫెక్ట్ బైక్.
హీరో ఎక్స్‌ట్రీమ్ 125ఆర్ – రూ.99,310
స్టైలిష్ లుక్ కోరుకునే యువకులకు ఈ బైక్ ప్రత్యేకంగా ఆకర్షణీయంగా ఉంటుంది. 11.4 బీహెచ్‌పి పవర్ ఇస్తుంది, కాబట్టి స్పోర్టీ రైడింగ్ అనుభవం వస్తుంది. డిజైన్ కొత్తగా, స్పోర్టీగా ఉండటం వల్ల రోడ్డుపై ప్రత్యేకంగా కనిపిస్తుంది. కొన్ని ఫీచర్లు అందించినా, నమ్మకం పరంగా పరిశీలించాలి. స్టైల్ , పనితీరు కావాలనుకునే వారికి సరైనది.
టీవీఎస్ రైడర్ 125 – రూ.90,094
టీవీఎస్ నుండి వచ్చిన రైడర్ యూత్‌కి బాగా నచ్చేలా డిజైన్ చేశారు. 11.2 బీహెచ్‌పీ పవర్, బరువు సుమారు 123 కేజీ ఉండడంతో వేగవంతమైన రైడింగ్‌కు సరిపోతుంది. ఫీచర్ల పరంగా ఈ సెగ్మెంట్‌లో అగ్రగామి. స్పోర్టీ లుక్‌తో చిన్నపాటి ట్రిప్స్‌కూ బాగుంటుంది. యంగ్ రైడర్స్‌కి సరైన ఎంపిక.
Also Read: Afternoon sleeping effects: మధ్యాహ్నం పూట తినగానే పడుకుంటే ఏం జరుగుతుంది?
హోండా ఆక్టివా – రూ.83,873
స్కూటర్ మార్కెట్‌లో చాలా కాలంగా ఆధిపత్యం చాటుతోంది. 47 కెఎంపీఎల్ మైలేజ్‌తో పాటు సాఫ్ట్ రైడింగ్ అనుభవం ఇస్తుంది. సింపుల్ డిజైన్, నమ్మదగిన ఇంజిన్‌తో ప్రతీ వయసు వారికి సరిపోతుంది. నిర్వహణ సులభం, రీసేల్ విలువ కూడా బాగుంటుంది. స్కూటర్ కోరుకునే వారికీ మొదటి ఎంపిక.
బజాజ్ పల్సర్ 125 / ఎన్‌ఎస్125 – రూ.86,755 /రూ.1,00,029
స్పోర్టీ లుక్, హ్యాండ్లింగ్ బాగుండటంతో యువతరాన్ని బాగా ఆకర్షిస్తుంది. 11.6–11.8 బీహెచ్‌పీ పవర్ ఇస్తుంది, కాబట్టి వేగం, పనితీరు పరంగా బలంగా ఉంటుంది. ఎన్‌ఎస్ 125 మరింత స్పోర్టీగా, యాక్సిలరేషన్‌లో వేగంగా ఉంటుంది. స్పోర్ట్స్ బైక్ ఫీలింగ్ కావాలనుకునే వారికి బాగుంటుంది.
హోండా షైన్ – రూ.86,592
రోజువారీ కమ్యూట్ కోసం ప్రత్యేకంగా సరిపోయే బైక్. మైలేజ్ సుమారు 55 కెఎంపీఎల్ ఇస్తుంది, నగర ట్రాఫిక్‌లో సులభంగా నడుస్తుంది. హోండా బ్రాండ్‌ విశ్వసనీయత వల్ల కస్టమర్లు ఎక్కువగా ఎంచుకుంటారు. తక్కువ నిర్వహణ ఖర్చు ఉండడం మరో బలం. సింపుల్ డిజైన్, ఎక్కువ కాలం వాడుకునే వారికి సరిపోతుంది.
సుజుకి యాక్సెస్ 125 – రూ.86,792
125cc స్కూటర్ సెగ్మెంట్‌లో అత్యంత సౌకర్యవంతమైన మోడల్‌గా నిలుస్తుంది. విశాలమైన సీటింగ్, స్టోరేజ్ ఎక్కువగా ఉండటం ప్రత్యేకత. మైలేజ్ సుమారు 47 కెఎంపీఎల్ ఇస్తుంది. సాఫ్ట్ రైడింగ్ అనుభవం, స్మూత్ ఇంజిన్ కారణంగా వినియోగదారులు ఇష్టపడుతున్నారు. కుటుంబానికి కూడా అనువైన స్కూటర్.
టీవీఎస్ జుపిటర్ 125 – రూ.89,279
స్కూటర్ విభాగంలో మరో బలమైన పోటీదారు. మైలేజ్ సుమారు 50 కెఎంపీఎల్, రైడింగ్ కంఫర్ట్ బాగుంటుంది. విశాలమైన బూట్ స్పేస్, సులభమైన హ్యాండ్లింగ్ కలిగిఉంది. నాణ్యమైన నిర్మాణం వల్ల నమ్మకమైన స్కూటర్‌గా నిలుస్తుంది. నగర, చిన్న ట్రిప్స్‌ రెండింటికీ సరైనది.
హీరో గ్లామర్ ఎక్స్ 125 – రూ.90,000
మైలేజ్ సుమారు 65 కెఎంపీఎల్ ఇవ్వడం దీని ప్రధాన బలం. 11.4 బీహెచ్‌పీ పవర్‌తో స్టైల్, పనితీరు రెండింటినీ కలిపిన మోడల్. ఆకర్షణీయమైన డిజైన్ ఉండటంతో యువతరాన్ని ఆకట్టుకుంటుంది. నిర్వహణ ఖర్చు తక్కువగా ఉంటుంది. రోజువారీ ప్రయాణం, స్టైల్ రెండింటికీ సరిగ్గా సరిపోతుంది.
మొత్తానికి, ఒక్క లక్షలోపు అందుబాటులో ఉన్న బైక్‌లు, స్కూటర్లు అన్ని రోజువారీ అవసరాలకు సరిపోతాయి. ఎకనామికల్‌గా కావాలంటే స్ప్లెండర్ ప్లస్, స్టైలిష్‌గా కావాలంటే రైడర్ 125 లేదా ఎక్స్‌ట్రీమ్ 125ఆర్, స్కూటర్‌గా కావాలంటే ఆక్టివా, జూపిటర్‌, యాక్సెస్ 125 మంచి ఎంపికలే. ధరలు ప్రాంతానికి ప్రాంతం మారవచ్చు కాబట్టి, షోరూమ్‌లో ఆన్-రోడ్‌ ప్రైస్‌ క్లియర్‌గా తెలుసుకోవడం మంచిది.
Share
MS Dhoni : ధోని వింటేజ్ కారు చూశారా.. దీని ధర తెలిస్తే షాక్ అవ్వాల్సిందే
Nani New Movie : 30 ఎకరాల స్లమ్‌లో నాని కష్టాలు... ఆ డైరెక్టర్ అసలేం చేస్తున్నాడో
