BSA Gold Star 650: బిఎస్ఏ గోల్డ్ స్టార్ 650 లాంచ్‌కు సిద్ధం.. ఫీచర్లు హైలైట్..!

BSA Gold Star 650: ప్రముఖ మోటార్ సైకిల్ తయారీ సంస్థ BSA త్వరలో BSA గోల్డ్ స్టార్ 650 బైక్‌ని విడుదల చేయాలని సన్నాహాలు చేస్తుంది. ఆగస్టు 15న గ్రాండ్‌గా రిలీజ్ కానున్నట్లు తెలుస్తోంది. ఈ బైక్ లాంచ్ తర్వాత నేరుగా రాయల్ ఎన్‌ఫీల్డ్ 650 ట్విన్స్‌తో పోటీపడుతుందని తెలుస్తోంది. త్వరలో రాబోయే ఈ బైక్ గురించి పూర్తి వివరాలు తెలుసుకుందాం. BSA గోల్డ్ స్టార్ 650 బైక్ ఒక ఆధునిక-రెట్రో మోటార్‌సైకిల్. ఈ కొత్త BSA గోల్డ్ స్టార్ 650 బైక్ చూస్తే అచ్చం 1980ల నాటి రెట్రో మోటార్‌సైకిల్‌గా కనిపిస్తుంది. అయితే ఈ కొత్త బైక్ అలాంటి మోడల్‌ను కలిగి ఉన్నప్పటికీ.. ఇది ఆధునిక ఎలక్ట్రికల్, మెకానికల్ బిట్‌లతో సహా మరిన్ని అద్భుతమైన ఫీచర్లను కలిగి ఉంటుంది.

BSA గోల్డ్ స్టార్ 650 ఫీచర్ల విషయానికి వస్తే.. BSA గోల్డ్ స్టార్ 650 LCD డిస్‌ప్లే, డ్యూయల్-ఛానల్ ABS, స్లిప్పర్ క్లచ్, USB ఛార్జర్, LED టైలాంప్‌తో సహా మరిన్ని ఫీచర్లను కలిగి ఉంటుంది. దీని పవర్‌ట్రెయిన్ విషయానికొస్తే.. రాబోయే BSA గోల్డ్ స్టార్ 650 బైక్ 652cc, సింగిల్-సిలిండర్, లిక్విడ్-కూల్డ్, DOHC, 4-వాల్వ్ ఇంజన్‌తో అందించబడింది. ఈ ఇంజన్ 6,000rpm వద్ద 44.27bhp, 4,000rpm వద్ద 55Nm గరిష్ట టార్క్‌ను ప్రొడ్యూస్ చేస్తుంది.

Also Read: క్లాసిక్ 350 అప్‌‌డేట్ వెర్షన్‌.. ఆగస్టు 12న లాంచ్.. లుక్ అదిరింది!

BSA గోల్డ్ స్టార్ 650 మోటార్‌సైకిల్ 5-స్పీడ్ గేర్‌బాక్స్‌తో వస్తుంది. పట్టణ ప్రాంతాలలో రైడింగ్ విషయానికి వస్తే ఇది ఈ మోడల్‌కు అద్భుతమైన ప్రయోజనాన్ని ఇస్తుంది. ఇది టార్క్ ఇంజిన్ ద్వారా మరింత సహాయపడుతుంది. అలాగే BSA గోల్డ్ స్టార్ 650 బైక్ హార్డ్‌వేర్ విషయానికొస్తే.. BSA గోల్డ్ స్టార్ 650 బైక్ ముందువైపు టెలిస్కోపిక్ సస్పెన్షన్, వెనుకవైపు 5-స్టెప్స్ ప్రీ-లోడ్ అడ్జస్టబుల్ ట్విన్ షాక్‌లతో వస్తుంది.

మరోవైపు బ్రేకింగ్ సిస్టమ్ ముందువైపు 320ఎమ్ఎమ్ డిస్క్ బ్రేక్, వెనుకవైపు 255ఎమ్ఎమ్ డిస్క్ బ్రేక్ వంటివి ఉన్నాయి. ఇక చివరిగా BSA గోల్డ్ స్టార్ 650 టైర్లు & చక్రాలు విషయానికొస్తే.. UKలోని BSA గోల్డ్ స్టార్ 650 బైక్ ముందువైపు 18-అంగుళాల వీల్స్, వెనుకవైపు 17-అంగుళాల వీల్స్‌తో వస్తుంది. ఈ స్పోక్డ్ వీల్స్ ముందువైపు 100-సెక్షన్ టైర్లు, వెనుకవైపు 150-సెక్షన్ టైర్లతో ఉంటాయి.

Join WhatsApp Channel

Share

• 
• 
• 
• 
• 
•