Shine Tom Chacko: మలయాళ నటుడు షైన్ టామ్ చాకో గురించి తెలుగు ప్రేక్షకులకు ప్రత్యేకంగా పరిచయం చేయాల్సిన అవసరం లేదు. తెలుగులో దసరా సినిమాతో విలన్ గా ఎంట్రీ ఇచ్చాడు. ఈ చిత్రం చాకోకు మంచి పేరు తీసుకొచ్చిపెట్టింది. ఇక ఈ సినిమా తరువాత రంగబలి సినిమాలో కూడా విలన్ గా మెప్పించాడు. ప్రస్తుతం దేవర సినిమాలో చాకో కీలక పాత్రలో నటిస్తున్నాడు.
దేవర సినిమాలో చాకో నటిస్తున్నాడు అని తెలిసినప్పటి నుంచి అభిమానులు ఇతగాడి గురించి ఆరాలు తీయడం మొదలుపెట్టారు. ఇక మలయాళంలో ఇతను ఇచ్చిన ఇంటర్వ్యూలు చూసి అభిమానులకు మతులు పోయాయి. యాంకర్ తో పులిహోర కలపడం, ఫోన్లు విసిరేయడం, విచ్చలవిడిగా రోడ్డు మీదనే తాగడం.. ఇలాంటివన్నీ చూసి చాకో క్యారెక్టర్ భలే తేడాగా ఉందే అని నవ్వుకున్నారు. చాకో ఇంటర్వ్యూలకు సంబంధించిన వీడియోలు నెట్టింట వైరల్ గా మారాయి.
ఇక ఇవన్నీ పక్కన పెడితే.. చాకో జనవరిలో మోడల్ తనూజతో ఎంగేజ్ మెంట్ చేసుకున్నాడు. 40 ఏళ్ల వయస్సులో అతడు ప్రియురాలితో నిశ్చితార్థం జరుపుకోవడంతో అభిమానులు శుభాకాంక్షలు తెలిపారు. ఇది చాకోకు రెండో వివాహం. మొదటి భార్యతో విడాకులు అయ్యి సింగిల్ గా ఉంటున్న అతడి లైఫ్ లోకి తనూజ వచ్చింది.
కొన్నేళ్లు ప్రేమాయణం నడిపిన ఈ జంట ఈ ఏడాది ఎంగేజ్ మెంట్ చేసుకొని తమ బంధాన్ని అధికారికంగా తెలిపారు. ఇక త్వరలోనే పెళ్లి తేదీ ప్రకటిస్తారేమో అని ఎదురుచూస్తున్న తరుణంలో తమ ఎంగేజ్ మెంట్ క్యాన్సిల్ అని చెప్పి షాక్ ఇచ్చాడు.
తాజాగా తన ఎంగేజ్ మెంట్ పిక్స్ ను చాకో ఇన్స్టాగ్రామ్ నుంచి తొలగించాడు. అంతేకాకుండా ఒక ఇంటర్వ్యూలో తాను మళ్లీ సింగిల్ అని చెప్పుకొచ్చాడు. గత కొన్ని నెలలుగా చాకో, తనూజ మధ్య విబేధాలు తలెత్తాయని, దీంతో తనూజ సైతం ఈ పెళ్లిని వద్దనుకుంటున్నట్లు సమాచారం. ప్రస్తుతం ఈ వార్త నెట్టింట వైరల్ గా మారింది.
Share
Paris Olympics: పారిస్‌ ఒలింపిక్స్‌.. హాకీలో బ్రిటన్‌పై గెలిచి సెమీస్‌కు దూసుకెళ్లిన భారత్‌
BSA Gold Star 650: బిఎస్ఏ గోల్డ్ స్టార్ 650 లాంచ్‌కు సిద్ధం.. ఫీచర్లు హైలైట్..!
