August 27th Gold Rates : పండుగలు వచ్చేస్తున్నాయ్. వినాయక చవితి మొదలు.. దసరా, ధన త్రయోదశి, దీపావళి.. వరుసగా రానున్నాయి. మరి సందర్భం ఏదైనా.. గోల్డ్ కొనుగోలు చేసేవారు ఉండనే ఉంటారు. ఈ ఏడాది కేంద్ర బడ్జెట్ లో బంగారం, వెండి, ప్లాటినంపై కస్టమ్స్ డ్యూటీ తగ్గించడంతోనే గోల్డ్ ధరలు 3 వేల రూపాయల మేర తగ్గాయి. కానీ.. ఆ తర్వాత నెమ్మదిగా పెరుగుతూ.. రూ.69 వేలకు తగ్గిన మేలిమి బంగారం ధర మళ్లీ రూ. 73 వేలకు చేరుకుంది.
శ్రావణమాసం అంటేనే పెళ్లిళ్ల నెల. సాధారణంగానే ఈ నెలలో పెళ్లిళ్లు చాలానే జరుగుతాయి. అందులోనూ ఈ ఏడాది శ్రావణం తర్వాత ముహూర్తాలు లేకపోవడంతో.. వేల సంఖ్యలో జంటలు పెళ్లిపీటలెక్కాయి. మరి అన్ని పెళ్లిళ్లకూ బంగారం మస్ట్ గా ఉండాల్సిందే కదా. ఆ డిమాండ్ తో కూడా బంగారం ధర పెరిగింది. బులియన్ మార్కెట్ లో హెచ్చుతగ్గులు, డిమాండ్ కలిపి బంగారం ధర మళ్లీ రూ.3 వేల నుంచి రూ.4 వేల మేర పెరిగింది.
Also Read: మహిళలకు గుడ్ న్యూస్.. తగ్గిన బంగారం ధరలు..తులం ఎంతంటే?
గడిచిన 10 రోజుల్లో బంగారం ధరలను పరిశీలిస్తే.. ఆగస్టు 18న 22 క్యారెట్ల బంగారం 10 గ్రాముల ధర రూ.66,700గా ఉండగా.. 24 క్యారెట్ల బంగారం 10 గ్రాముల ధర రూ.72,770గా ఉంది. ఆగస్టు 20న 10 గ్రాములపై రూ.100 నుంచి రూ.120 మేర ధర తగ్గింది. 21న రూ.500 నుంచి రూ.550 మేర పెరిగింది. ఆ తర్వాతి రెండ్రోజుల్లో రూ.500 నుంచి రూ.570 వరకూ బంగారం ధర తగ్గింది. 24న ధరలు పెరిగి.. 10 గ్రాముల బంగారం ధర రూ.66,950, రూ.73,040 వరకూ పెరిగింది. తాజాగా స్వల్పంగా బంగారం ధర తగ్గింది.
నేడు హైదరాబాద్ లో 10 గ్రాముల బంగారం ధరపై రూ.10 తగ్గింది. 22 క్యారెట్ల బంగారం 10 గ్రాముల ధర రూ.66,940గా ఉండగా.. 24 క్యారెట్ల బంగారం 10 గ్రాముల ధర రూ.73,030గా ఉంది.
బంగారం ధర తగ్గినా.. వెండి ధర భారీగా పెరిగింది. కిలో వెండిపై ఏకంగా రూ.600 పెరగడంతో.. ప్రస్తుతం ధర రూ.93,500గా ఉంది. గడిచిన 10 రోజుల్లో కిలో వెండి ధర రూ.2500 మేర పెరిగింది. మరి పండుగలకు, శుభకార్యాలకు వెండి, బంగారం కొనుగోలు చేయాలంటే.. ఇప్పుడు కొనేయడం మంచిది. ముందు ముందు బంగారం, వెండి ధరలు మరింత పెరగనున్నాయి.
Share
Novak Djokovic: యూఎస్ ఓపెన్ 2024, జకోవిచ్ శుభారంభం..
Moto New Smartphone: మోటో నుంచి బ్లాక్ బస్టర్ స్మార్ట్ఫోన్.. దీనవ్వ తగ్గేదే లే..!
