India GDP at 8.4% : ప్రపంచమంతా ఒకవైపు ఇండియా మరోవైపు.. మూడో త్రైమాసికంలో 8.4 శాతం జిడీపీ నమోదు!

India GDP at 8.4% : ఒకవైపు పాశ్చాత్య దేశాలు ఆర్థిక మాంద్యం కొట్టుమిట్టాడుతుంటే భారత జిడిపీ దూసుకుపోతోంది. జాతీయ గణాంకాల కార్యాలయం (National Statistical Office -NSO)తాజా గణాంకాల ప్రకారం 2023-24 మూడో త్రైమాసికం(అక్టోబర్ నుంచి డిసెంబర్)లో భారత జిడీపీ 8.4 శాతం ఉంది. ఈ వృద్ధి అంచనాల కంటే మెరుగ్గుగా ఉందని ఆర్థిక నిపుణలు అభిప్రాయపడుతున్నారు. ఈ గణాంకాలు ఎన్ఎస్ఓ గురువారం విడుదల చేసింది.

మైనింగ్, నిర్మాణం, తయారి రంగాలలో మంచి వృద్ధి నమోదు అవడంతో జిడిపీ 8.4 శాతం చేరుకుందని ఎన్ఎస్ఓ తెలిపింది. అనుకున్న దానికంటే ఎక్కువ వృద్ధి నమోదు కావడంతో ప్రస్తుత ఆర్థిక సంవత్సరం అంచనాలను కూడా ఎన్ఎస్ఓ సవరించింది. 2023-24 చివరి త్రైమాసికం (జనవరి -మార్చి) అంచనా 7.3 శాతం ఉండగా.. ఇప్పుడు దానిని 7.6 శాతానికి పెంచింది.

Read More: గోప్యత వద్దు.. రేపటి భద్రతే ముద్దు..

గత ఆర్థిక సంవత్సరం 2022-23లో కూడా జిడిపి గణాంకాలను ఎన్ఎస్ఓ ఇలాగే సవరించింది. ముందు 7.2 శాతం అంచనా వేయగా.. తరువాత 7 శాతానికి తగ్గించింది. కానీ ఈ సంవత్సరం వృద్ధి నమోదు కావడంతో అంచనా గణాంకాలను పెంచింది.

Share

• 
• 
• 
• 
• 
•