SIP Investment: రిటైర్మెంట్ తర్వాత నెలకు రూ.3 లక్షలు ఐడియా.. SIPలో ఇలా పెట్టుబడి పెట్టండి చాలు!

SIP Investment: పదవీ విరమణ తర్వాత నెలకు రూ. 3 లక్షలు సంపాదన పొందాలనుకుంటున్నారా? అయితే SIPలో క్రమం తప్పకుండా పెట్టుబడి పెట్టండి. SIPలో క్రమం తప్పకుండా పెట్టుబడి పెడితే అధిక మొత్తంలో రిటర్న్స్ పొందవచ్చు. మీ రిటర్మెంట్ లైఫ్ సాఫీగా సాగిపోయేందుకు ముందస్తు ప్రణాళిక అవసరం. అందుకోసం చార్టర్డ్ అకౌంటెంట్ నిపుణులు ఓ ప్రణాళికను ప్రతిపాదిస్తున్నారు. SIPలలో ఎంతో జాగ్రత్తగా, క్రమశిక్షణతో పెట్టుబడి పెడితే జీవితాంతం ఆదాయం పొందవచ్చని చెబుతున్నారు.

SIP వ్యూహాం

ఉదాహరణకు 35 ఏళ్ల వైద్యుడు SIPలో పెట్టుబడి వ్యూహాన్ని నిపుణులు ఇలా వివరించారు. SIPలో నెలకు రూ. 75,000 పెట్టుబడి పెట్టగలిగి.. 8 శాతం వార్షిక స్టెప్-అప్ తో 20 సంవత్సరాలు ఇన్వెస్ట్ చేస్తే వార్షిక కాంపౌండ్ గ్రోత్ రేట్ 11 శాతంగా ఉంటే రూ. 10.5 కోట్లు జమ అవుతుంది. ఇందులో 5 శాతం సిస్టమేటిక్ విత్ డ్రా ప్లాన్ ఎంచుకుంటే పదవీ విరమణ తర్వాత నెలకు రూ.3 లక్షలు పొందుతారు.

• 35 ఏళ్ల డాక్టర్ క్లయింట్
• SIP నెలకు రూ. 75,000
• స్టెప్-అప్ – ఏడాదికి 8%
• పెట్టుబడి పదవీకాలం-20 సంవత్సరాలు
• రాబడి – 11% కాంపౌండ్ గ్రోత్ రేట్
• ఫైనల్ కార్పస్ -రూ. 10.5 కోట్లు
• పదవీ విరమణ తర్వాత 5 శాతం చొప్పున విత్ డ్రా చేసుకుంటే నెలకు రూ.3 లక్షలు వస్తుంది.

Also Read: ఈపీఎఫ్ఓ విత్ డ్రా ఇకపై మరింత ఈజీ.. త్వరలో మారనున్న నిబంధనలు

విత్ డ్రాకు ఓ ప్లాన్

SIPలో స్థిరంగా పెట్టుబడి పెట్టడం ద్వారా కార్పస్ మొత్తం పెరిగి పదవీ విరమణ తర్వాత ఆర్థిక ప్రశాంతత లభిస్తుందని పెట్టుబడి నిపుణులు చెబుతున్నారు. మీ ఆదాయాన్ని కాలక్రమేణా పెరిగే ఆస్తులలో పెట్టుబడి పెట్టాలని సూచిస్తున్నారు. ఈ పెట్టుబడులపై వచ్చే చక్రవడ్డీతో సంపద మరింత పెరుగుతుంది. పదవీ విరమణ తర్వాత డబ్బును జాగ్రత్తగా ఉపసంహరించుకోవడం కూడా ముఖ్యమే అంటున్నారు. దీర్ఘకాలం ఆ డబ్బును వినియోగించుకునేలా ప్లాన్ చేసుకోవాలని తెలిపారు. పెట్టుబడి పెట్టండి → వృద్ధి చేసుకోండి → క్రమంగా ఉపసంహరించుకోవాలని నిపుణులు చెబుతున్నారు.

Disclaimer: ఈ ఆర్టికల్ లో సమాచారం పూర్తిగా ఇంటర్నెట్ ఆధారితం. పెట్టుబడి పెట్టే ముందు నిపుణుల సలహాలు తీసుకోండి.

Join WhatsApp Channel

Share

• 
• 
• 
• 
• 
•