Kawasaki Ninja ZX-4RR Launched: కవాసకి నింజా నుంచి కొత్త స్పోర్ట్స్ బైక్.. 400 సీసీతో దుమ్ములేపుతుంది!

Kawasaki Ninja ZX-4RR Launched: కవాసకి ఇండియా తన కొత్త నింజా ZX-4RRని భారత మార్కెట్‌లో విడుదల చేసింది. ఈ సూపర్ స్పోర్ట్ బైక్ ఎక్స్-షోరూమ్ ధరను కంపెనీ రూ.9.10 లక్షలుగా నిర్ణయించింది. దీని ధర నింజా ZX-4R కంటే రూ.61000 ఎక్కువ. ఈ సూపర్ బైక్‌లో 17-అంగుళాల అల్లాయ్ వీల్స్ ఉన్నాయి. ఇది చూడటానికి చాలా అట్రాక్ట్ లుక్‌తో ఉంటుంది. ఇండియా మార్కెట్‌లో నింజా ZX-4RR బైక్.. యమహా R15 400, KTM RC390, TVS అపాచీ 310RR వంటి మోడళ్లతో పోటీపడుతుంది.

Ninja ZX-4RR Design
నింజా ZX-4RR డిజైన్ గురించి చెప్పాలంటే ఇది కొత్త డిజైన్ గ్రాఫిక్స్‌తో కూడిన ఇంధన ట్యాంక్‌ను కలిగి ఉంది. దీనితో పాటు డ్యూయల్ పాడ్ LED హెడ్‌లైట్‌లు, స్ట్రైట్‌గా ఉండే విండ్‌స్క్రీన్‌ను కూడా ఉంటుంది. ఇది క్లిప్-ఆన్ హ్యాండిల్‌బార్, ఫ్లష్-ఫిట్టెడ్ ఇండికేటర్‌లతో ఫుల్-ఫెయిరింగ్, స్ప్లిట్-టైప్ సీట్లు, అప్‌స్వెప్ట్ ఎగ్జాస్ట్ సిస్టమ్, టేపర్డ్ టెయిల్ సెక్షన్, ఆకర్షణీయమైన LED టెయిల్‌ల్యాంప్‌లను కలిగి ఉంది. ఈ స్పోర్టీ బైక్‌ను లైమ్ గ్రీన్, మెటాలిక్ స్పార్క్ బ్లాక్ కాంబినేషన్‌లో డ్యూయల్ టోన్ కలర్ ఆప్షన్‌తో ఒకే వేరియంట్‌లో దక్కించుకోవచ్చు.

Also Read: రూ.46 వేలకే కొత్త ఎలక్ట్రిక్ స్కూటర్.. రేంజ్ తెలిస్తే వదలరు!

Ninja ZX-4RR Features
నింజా ZX-4RR బ్లూటూత్ కనెక్టివిటీతో 4.3-అంగుళాల ఫుల్-కలర్ TFT డిస్‌ప్లేతో వస్తుంది. బైక్‌లో అనేక రకాల రైడింగ్ మోడ్‌లు ఉన్నాయి. అందులో స్పోర్ట్, రెయిన్, రోడ్. నింజా ZX-4RR షోవా USD ఫ్రంట్ ఫోర్క్స్,  ప్రీ-లోడ్ అడ్జస్టబుల్ రియర్ మోనోషాక్ సస్పెన్షన్‌తో వస్తుంది. బైక్ ట్రాక్షన్ కంట్రోల్‌తో డ్యూయల్-ఛానల్ ABS పొందుతుంది. బ్రేకింగ్ కోసం బైక్‌కు 290 మిమీ డ్యూయల్ ఫ్రంట్ డిస్క్ బ్రేక్ 220 మిమీ వెనుక డిస్క్ బ్రేక్ ఇచ్చారు.

Also Read: మహిళలకు ప్రత్యేక బ్యాంక్ ఖాతాలు.. రూ.10 లక్షల ఉచితంగా పొందొచ్చు!

కవాసకి నింజా ZX-4RR 399cc లిక్విడ్-కూల్డ్, ఇన్‌లైన్-ఫోర్-సిలిండర్ ఇంజన్‌తో పవర్‌ఫుల్‌గా ఉంటుంది. ఇది 14,500 rpm వద్ద 75 hp, 13,000 rpm వద్ద 39 Nm టాప్ టార్క్‌ను రిలీజ్ చేస్తుంది. ఇంజన్ 6-స్పీడ్ గేర్‌బాక్స్,  స్లిప్పర్ క్లచ్‌తో ట్యూన్ చేయబడింది. నింజా ZX-4RR దాని లైనప్‌లోని నింజా ZX-10R, Ninja ZX-6R లకు సమానంగా రైడింగ్ హ్యాండ్లింగ్ ఫీల్ అందిస్తుంది. 400సీసీ సెగ్మెంట్లో అత్యంత పవర్‌ఫుల్ బైక్ కూడా ఇదే.

Share

• 
• 
• 
• 
• 
•