Smart Phone: కొత్తగా వచ్చిన మోటో జి85 5జి.. స్టైలిష్ డిజైన్‌తో అద్భుతమైన ఫీచర్స్

Smart Phone: మోటరోలా నుంచి మరో కొత్త స్మార్ట్‌ఫోన్ మార్కెట్‌లోకి అడుగుపెట్టింది. ఈసారి మోటో జి85 5జి పేరుతో లాంచ్ చేసిన ఈ ఫోన్ డిజైన్‌ నుంచి టెక్నికల్ ఫీచర్స్‌ వరకు అందరినీ ఆకట్టుకునేలా రూపొందించారు. పెద్ద స్క్రీన్, స్పీడ్ ప్రాసెసర్, క్లియర్ కెమెరా క్వాలిటీతో పాటు స్టైలిష్ లుక్ ఈ ఫోన్‌లో ప్రధాన ఆకర్షణగా నిలిచాయి.

ఫుల్ హెచ్‌డీ ప్లస్ అమోలేడ్ స్క్రీన్‌

ముందుగా డిస్‌ప్లే గురించి చెప్పుకోవాలి. మోటో జి85 5జిలో 6.7 అంగుళాల ఫుల్ హెచ్‌డీ ప్లస్ అమోలేడ్ స్క్రీన్‌ను అందించారు. ఈ డిస్‌ప్లే 120హెచ్‌జెడ్ రిఫ్రెష్ రేట్ సపోర్ట్ చేస్తుంది. అంటే స్క్రోలింగ్ చేయడం గానీ, వీడియోలు చూడటం గానీ, గేమ్స్ ఆడటం గానీ చాలా స్మూత్‌గా, కళ్ళకు హాయిగా అనిపిస్తుంది. కలర్స్ కూడా ఎక్కువ ప్రామినెంట్‌గా, క్లారిటీతో కనిపిస్తాయి. పెద్ద స్క్రీన్ కావడంతో సినిమాలు, వెబ్‌సిరీస్ చూడటం మరింత ఆసక్తికరంగా మారుతుంది.

స్నాప్‌డ్రాగన్ 6 జెన్ 1 ప్రాసెసర్

ఈ ఫోన్ పనితీరుకు శక్తినిచ్చేది స్నాప్‌డ్రాగన్ 6 జెన్ 1 ప్రాసెసర్. ఇది 5జి నెట్‌వర్క్‌లకు సపోర్ట్ చేయడంతో పాటు మల్టీటాస్కింగ్, గేమింగ్, యాప్స్ వాడకం అన్నింటినీ లాగ్ లేకుండా సాఫీగా నడిపిస్తుంది. ఫోన్ వేగం, పనితీరులో ఎటువంటి ఇబ్బంది లేకుండా ఉపయోగించుకోవచ్చు.

50 మెగాపిక్సెల్ కెమెరా- ఒఐఎస్ సపోర్ట్‌

కెమెరా సెట్‌ప్ విషయానికి వస్తే, ఈ ఫోన్‌లో 50 మెగాపిక్సెల్ ప్రధాన కెమెరాను ఒఐఎస్ సపోర్ట్‌తో అందించారు. ఒఐఎస్ అంటే ఫోటోలు తీసేటప్పుడు లేదా వీడియోలు రికార్డ్ చేస్తున్నప్పుడు చేతి కదలికల వల్ల వచ్చే షేక్‌ని తగ్గిస్తుంది. దీంతో ఫోటోలు మరింత క్లియర్‌గా, ప్రొఫెషనల్ లుక్‌తో వస్తాయి. అలాగే 8 మెగాపిక్సెల్ అల్ట్రా వైడ్ కెమెరా కూడా ఉండటంతో పెద్ద వ్యూస్, నేచర్ షాట్స్ బాగా వస్తాయి. సెల్ఫీల కోసం 32 మెగాపిక్సెల్ కెమెరా ఇచ్చారు. నైట్ మోడ్ సహాయంతో తక్కువ వెలుతురు ఉన్న చోట కూడా మంచి క్వాలిటీ ఫోటోలు తీసుకోవచ్చు.

Also Read: OPPO Smartphone: ఇది కదా కావాల్సింది.. ప్రీ-ఆర్డర్ ఆఫర్‌లో దుమ్ము రేపుతున్న ఒప్పో కొత్త ఫోన్

5000ఎమ్ఏహెచ్‌ బ్యాటరీ

బ్యాటరీ లైఫ్ విషయానికి వస్తే, మోటో జి85 5జిలో 5000ఎమ్ఏహెచ్‌ సామర్థ్యం గల బ్యాటరీని అందించారు. ఇది ఒకసారి ఫుల్ ఛార్జ్ చేస్తే గంటల తరబడి ఉపయోగించుకోవచ్చు. అంతేకాకుండా 33డబ్ల్యూ ఫాస్ట్ ఛార్జింగ్ సపోర్ట్ ఉండటంతో తక్కువ సమయంలో ఎక్కువ పవర్ అందుతుంది.

ఆండ్రాయిడ్ 14 ఆపరేటింగ్ సిస్టమ్‌

సాఫ్ట్‌వేర్ విషయానికి వస్తే, తాజా ఆండ్రాయిడ్ 14 ఆపరేటింగ్ సిస్టమ్‌పై ఇది పనిచేస్తుంది. మోటరోలా ఫోన్లలో ఎప్పటిలాగే క్లీన యూఐతో వస్తుంది కాబట్టి ఎటువంటి అవసరం లేని యాప్స్ లేకుండా సాఫీ అనుభవం లభిస్తుంది.

స్టైలిష్‌ డిజైన్

డిజైన్ విషయానికి వస్తే, ఫోన్ చాలా స్లిమ్‌గా, తేలికగా, స్టైలిష్‌గా కనిపిస్తుంది. కలర్స్ యూత్‌ఫుల్‌గా ఉండటంతో యువతరానికి మరింత నచ్చేలా ఉంటుంది. ధర కూడా మధ్యస్థ బడ్జెట్ సెగ్మెంట్‌కే సరిపోయేలా నిర్ణయించడంతో, ఈ ఫోన్‌ను ఎక్కువ మంది యూజర్లు ఎంచుకునే మంచి ఆప్షన్‌గా చెప్పుకోవచ్చు.

Share

• 
• 
• 
• 
• 
•